ᓄᕙᕐᔪᐊᕐᓇᖅ-19 ᐳᓛᕆᐊᕐᓂᐊᕈᕕᓪᓗ
Quttinirpaaq National Park
ᐊᐅᔪᐃᑦᑐᖅ ᒥᕐᖑᐃᓯᕐᕕᖓ ᒫᓐᓇ ᐃᖅᑲᓇᐃᔭᕐᑎᑭᑦᓴᕐᖓᑕ. ᑕᐃᒪᐃᓐᓂᖓᓄᑦ ᑐᐊᕕᕐᓇᖅᑐᖃᑳᓪᓚᑉᐸᑦ ᐅᐸᑲᐅᖅᑐᕈᓐᓇᕋᔭᓐᖏᑦᑐᒍᑦ ᐊᐃᔭᐅᔪᖃᑲᐅᕐᑐᕆᐊᖃᕐᐸᑦ. ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᑦ ᑲᑐᔾᔨᖃᑎᒋᕙᑦᑕᖏᓐᓂᑦ ᖃᓄᖅᑑᖃᑎᖃᕐᑐᑦ ᐊᑦᑕᓇᕐᑐᒦᖁᔨᓇᑕ ᐱᔨᑦᓯᕈᑕᐅᔪᓐᓇᕐᑐᓂᑦ, ᑭᓯᐊᓂᓕ ᐳᓛᕆᐊᕐᓂᐊᕐᑐᑦ ᐅᔾᔨᕐᑐᑦᓯᐊᕆᐊᓖᑦ ᐱᓕᒻᒪᑦᓯᒪᓂᖕᒥᓂᒃ, ᖃᐅᔨᒪᓂᖕᒥᓂᖕ ᐊᒻᒪ ᐃᒻᒥᓂᖕ ᐊᓐᓇᐅᒪᔪᓐᓇᕐᓗᑎᑦ ᐅᓗᕆᐊᓇᖅᑐᒦᖁᓇᒋᑦ ᐊᒻᒪ ᐃᒻᒥᓂᖕ ᐸᖅᑭᔪᓐᓇᑦᓯᐊᕐᓗᑎᑦ ᐅᖓᓯᑦᑐᒥ ᐅᑭᐅᖅᑕᖅᑐᒦᓐᓂᐊᕐᑎᓪᓗᒋᑦ ᐊᐅᓪᓚᓚᐅᖏᓂᕐᒥᓂ ᐅᐸᒐᓱᐊᕐᑕᒥᓄᑦ. ᐅᖁᒪᐃᓐᓂᓂᐊᕐᑎᒃᑯᑦ ᒪᓕᒐᖏᑦ ᐊᑦᓱᔾᔫᒥᐅᓕᕐᑎᓪᓗᒋᑦ ᓄᓇᕗᒥ, ᑲᓇᑕᐅᑉ ᒥᕐᖑᐃᓯᕐᕕᓕᕆᔨᖏᑦ ᒪᑐᐃᖅᓯᑲᓐᓂᓚᐅᕐᖓᑕ ᐊᐅᔪᐃᑦᑑᑉ ᒥᕐᖑᐃᓯᕐᕕᖓᓂᑦ ᐳᓚᕋᑎᓄᑦ ᒫᔾᔨ 18, 2022ᖑᑎᓪᓗᒍ. ᑐᑭᓯᒋᐊᒃᑲᓂᕈᒪᒍᕕᒃᑦ, ᐅᖃᓕᒫᕈᓐᓇᕐᑕᑎᑦ ᐅᖃᓕᒫᕋᑦᓴᑦ ᑎᑎᖅᑲᖏᑦ.
ᓄᕙᕐᔪᐊᕐᓇᖅ ᑰᕕᑦ-19 ᐱᔾᔪᑎᒋᓪᓗᒍ, ᐱᔨᑦᓯᕈᑏᑦ ᐃᓪᓗᖁᑎᖏᓪᓗ ᐊᐅᔪᐃᑦᑑᑉ ᒥᕐᖑᐃᓯᕐᕕᖓᑕ ᑭᓪᓕᖃᕐᑎᑕᐅᒻᒪᑕ ᓱᓕ ᒫᓐᓇᒃᑯᑦ. ᓂᐅᕐᕈᔪᒪᔪᑦ ᓯᕗᕐᖓᑐᖄᒍᑦ ᐅᐸᓗᖓᐃᔭᐃᒋᐊᓖᑦ ᑎᑭᓚᐅᖏᓂᖏᓂ ᐱᔨᑦᓯᕈᑏᑦ ᑕᒪᐅᓐᖓᕈᑎᖕ ᐊᑐᐃᓐᓇᐅᓂᐊᕋᓗᐊᕐᒪᖔᑕ. ᐱᕙᓪᓕᐊᖏᓐᓇᕐᖓᓂᓛᖕ ᑐᓴᕋᑦᓴᑦ ᐊᓯᔾᔨᑲᑕᐃᓐᓇᕐᖓᑕ ᑐᓴᐅᒪᑎᑦᓯᖃᑦᑕᓂᐊᕐᑐᒍᑦ ᐊᓯᐊᓂᑦ ᑐᓴᕋᑦᓴᑕᖃᓕᕐᒪᖔᑦ. ᐊᐅᔪᐃᑦᑑᕐ ᒥᕐᖑᐃᓯᕐᕕᖓᒍᑦ ᐃᖏᕐᕋᓂᐊᕈᕕᑦ, ᐊᐅᓪᓚᖃᑎᒋᓯᒪᔭᑎᑦ ᐃᖅᑲᐅᒪᔭᕆᐊᓖᑦ ᐊᑦᑕᓇᕐᑐᒃᑰᕈᓐᓇᕋᕕᑦ ᖃᖅᑲᓕᒃᑯᑦ ᒪᓃᑦᑐᒥ ᐅᑭᐅᖅᑕᖅᑐᒦᓐᓂᕐᓂ ᐃᖅᑲᓇᐃᔭᕐᑎᑭᑦᑐᒥ ᐃᒻᒪᖃᓗ ᖃᓄᐃᓕᔪᖃᑳᓪᓚᑉᐸᑦ ᐊᑯᓂᑲᓪᓚᒃ ᕿᓂᖅᑎᓂᑦ ᑎᑭᑦᑐᖃᕋᓱᒐᔭᕐᖓᑦ (ᐃᒻᒪᖃ ᐅᓪᓗᕋᓴᓂᑦ). ᐊᑦᑕᓇᕐᑐᓕᕆᔪᓐᓇᕐᑐᑦ, ᐋᓐᓂᖅᑐᓕᕆᔪᓐᓇᕐᑐᑦ ᐊᒻᒪ ᑐᐊᕕᕐᓇᕐᑐᓕᕆᔪᓐᓇᕐᑐᑑᒐᔭᕐᖓᑕ ᑭᓯᐊᓂ ᐊᐅᓪᓚᖃᑎᒋᓯᒪᔭᑎᑦ. ᐃᖏᕐᕋᖃᑎᑎᑦ ᖃᐅᔨᒪᒋᐊᓖᑦ ᐊᔪᖅᑕᒥᓂᖕ ᐊᒻᒪ ᐃᒻᒥᓂᖕ ᐊᓐᓇᐅᒪᔪᓐᓇᕐᓗᑎᑦ ᖃᓄᐃᓕᔪᖃᑳᓪᓚᑉᐸᑦ. ᐊᐅᓪᓚᖃᑎᒋᓯᒪᔭᓐᓂᑦ ᐃᑲᔪᕐᑕᐅᔪᖃᕆᐊᖃᕐᐸᑦ ᕿᓂᕐᑎᓄᑦ ᐸᖅᓴᐃᔨᓄᓪᓘᓐᓃᑦ ᓯᕕᑐᔪᒦᑉᐸᑕ 25ᒥ ᐄᒐᖓᔪᒥ ᐊᒻᒧᖅᑲᒥ, ᓄᓇᕗᑦ ᓯᓚᑖᓂᑦ ᑎᑭᑎᑦᓯᒋᐊᖃᕋᔭᕐᖓᑕ. ᖁᓛᒎᓕᒃᑯᑦ ᐊᐃᔭᐅᔪᖃᕆᐊᖃᕐᐸᑦ ᐊᑐᐃᓐᓇᐅᖏᓐᓇᖏᒻᒪᑕ (ᖁᓛᒎᓕᒃ ᐃᖅᑲᓇᐃᔭᕐᑎᖏᓪᓗ), ᓯᓚᕈᔫᑉᐸᑦ ᓱᑯᑦᓯᐊᓄᓪᓗ ᒥᒃᑲᔭᕐᒪᖔᑕ. ᐊᐅᓪᓚᖃᑎᒋᓯᒪᔭᑎᑦ ᐃᖏᕐᕋᑉᐸᑕ ᐊᑦᑎᓂᖅᓴᒃᑯᑦ ᓲᕐᓗ ᐊᒃᓵᕐᔪᒃ ᐊᖅᑯᑖᒍᑦ, ᕿᓂᖅᑏᑦ ᐸᖅᓴᐃᔩᓪᓗ ᐃᒻᒪᖃ ᖃᒧᑕᐅᔭᒃᑯᑦ ᐃᖏᕐᕋᔪᓐᓇᕐᑐᑦ. ᕿᒥᕐᕈᓗᒋᑦ ᐳᓚᕋᑏᑦ ᐊᑦᑕᓇᕐᑐᒦᕐᔭᐃᕐᓂᖏᑦ ᐃᓚᖓᓃᑦᑐᖅ ᖃᓄᖅ ᐊᑦᑕᓇᖅᑐᒦᑦᑕᐃᓕᒪᒋᐊᑦᓴᖅ ᐊᐅᔪᐃᑦᑐᖅ ᒥᕐᖑᐃᓯᕐᕕᖓᓃᓪᓗᓂ.ᐱᒻᒪᕆᐅᔪᑦ ᖃᐅᔨᒪᒋᐊᓕᑎᑦ ᓂᐅᕐᕈᓂᐊᕈᕕᑦ ᐊᐅᔪᐃᑦᑑᑉ ᒥᕐᖑᐃᓯᕐᕕᖓᓄᑦ
ᑐᐊᕕᕐᓇᕐᑐᓕᕆᔩᑦ ᐱᔨᑦᓯᕈᑎᖏᑦ ᐊᒻᒪ ᐳᓚᕋᑏᑦ ᐊᑦᑕᓇᖅᑐᒦᖁᓇᒋᑦ
ᑐᓴᐅᒪᓂᐊᕋᕕᑦ:
- Date modified :