La koonploon ouschi ooma Paminamoowin di Kee-ishipimawchihounawniwun Wayashtaywina, Li tawn’d kayawsh En plaes, Listwer Nahawpahchikiweekamikwa, pi Listwer En tayr en Plaes

English Print this page

1. MAWCHISTAWIN EN ZHOURNEE

Ooma la koonploon si aykwawnima kaw-mawchistahk ishpee Septambr 1, 2025.

Ooma la koonploon pi sa i soun paray awpacihchikana mayshkwatashtaw Kee-ishipimawchihounawniwun Wayashtaywin Paminamoowin La koonploon mishkaminoowan didawn En parchee’d III ouschi Li grawn bwa di Kenadaw Kishkinoustahiwaywin Kishtayichikawtaywina pi Pimipayischikaywin Lee lway.

2. TIPAYISCHIKAYWINA

Ooma la koonploon si aykwawnima pakitinaniwun ishi tipaymouwin ouschi en seksyoon 4 (1) pi 12 (3) ouschi Li grawn bwa di Kenadaw Lee lway’d La zhawnsree.

3. WAYASHTAYWIN

Kee-ishipimawchihounawniwun wayashtaywina aykwawnihi aenportan ishi nishtoostamoowin, kischeetayistamoowin, awpachistawin, pi myeuwawtamoowin ouschi listwer li plaes. Li valeura katakoowin avek kee-ishipimawchihounawniwun wayashtaywina chikee kakayawatanwa, nishtawinamoowin mischayt tawpwaywakayistaminawniwun pi en tayr di veu, meena chikee mayshkouchipayin pawsci li tawn. Paminamoowin ishichikaywina chikee wawhwakipayik ishi ayakashkaw wayashtaywina ouschi ayishchikataywin pi nahiyihtam mayshkouchipayiwina awta meena nishtawinum nawut aenportaan ouschi miyeu ishichikaywina pi ayndawayishchikawtaywin poor kwayaskwayihtamoowin. Ooma la koonploon miyikiw kaw-takwashtawhk kishkinoustahiwaywin poor ooma paminamoowin ouschi kee-ishipimawchihounawniwun wayashtaywina chi-kayshchinahow ooma mawachihchikaywin ouschi sa listwer li valeur avek meena, didawn ooma paminikayiwin ouschi li tawn’d kayawsh en plaes, sa kistayihtakosiwin kishkishiwina. Ooma la koonploon meena miyikiw poor li tawn’d kayawsh en plaes, listwer nahawpahchikiweekamikwa pi Listwer En tayr en Plaes.

Pimawtishimakanoowin ouschi ooma la koonploon kee-mawchsitawn neekawnihk poor ishi La Vayritee pi Weechiwawhkoostouwin Peehkishkwayshtamakaywin ouschi Kenadaw sa Taypwachikaywin ishi Nawkatahkawtamouwin 79(ii). Ooma la koonploon chi-paminam la sort kaw-mashinahikawtaykihk didawn Li Gouvarnimaw di Kenadaw sa Kwayashkwatishiwina aen Plawn ousihtaniwun en ripoond ishi Tooroon Not Grawn Piyee Nawsyoon Weestamakaywin didawn Lee Drway di Indigene Li moond la Lway chi-kashkihow itayimoowina ouschi Tooroon Not Grawn Piyee Nawsyoon Weestamakaywin didawn Lee Drway di Indigene Li moond.

Kaw-awpachistahk ooma la koonploon, Li grawn bwa di Kenadaw gischeetayimow katawashishi kenawayschikawtaywin lee drway ouschi Indigene li moond pi shimanawchistawhk lee drway pi pishkayimiwawn i soun paray avek oushkawyi pi kayawsh ouschi kishkaymowin ouschikawtaywin, nagrimawn, pi kootak nihtawayihtamoowina, tapishkoot kenawayschikawtaywin itawayahk oushtawniwun nagrimawn pi mawkouhtawin pi weechihiwaywin nagrimawn.

Ooma la koonploon si aykwawnima isi tipayimoowina avek kishtayichikawtaywina aykwawnima rispay wayashtaywin ouschi itahtow listwer en plaes. Mischayt lee alawntour pi Indigene en partineuz ayowak mitouni iyikouhk pi si rawr tankoupitaywina ishi kee-ishipimawchihounawniwun listwer awnter ooma Li grawn bwa di Kenadaw sa pishishkayihtamoowin. Chi-kishchitayimouhk oohin tankoupitaywina, peetoush tawpwaywakayistaminawniwun pi en tayr di veu pikou chi-kishkayistamouhiwayhk paminamoowin ouschi kee-ishipimawchihounawniwun wayashtaywina. Ooma la koonploon, avek neeshouhkamakaywin shouhkashtaywin, miyikiw la sawns chi-oushtahk pi pleu for rispay mamaawinitowin pi nishtoostamoowin, avawn neekawneeshtem ishi kaw-mawchistahk, nawspichee, pi katawashish kee-ishipimawchihounawniwun pishishkayischikaywin ouschi kee-ishipimawchihounawniwun listwer.

4. NAWTAMOUSHTAWAYWIN

4.1
Ooma la koonploon nahkatwayihtumowin ishi:
4.1.1
Kee-ishipimawchihounawniwun wayashtaywina didawn listwer li plaes kaw-paminamoowan ouschi Li grawn bwa di Kenadaw pi didawn koleksyoon awnter pishkayimoowan ouschi Li grawn bwa di Kenadaw avek kee-ishipimawchihounawniwun wayashtaywina aykwawnihi awihinaniwun keema oushchiyawaywin ishi neeshohkamakaywak.
4.1.2
Li tawn’d kayawsh en plaes daw la tayr kaw-paminikawtayk ouschi Li grawn bwa di Kenadaw.
4.1.3
Listwer Nahawpahchikiweekamikwa kaw-paminikawtayk ouschi Li grawn bwa di Kenadaw.
4.1.4
Listwer En tayr en Plaes, keema li morsoo di Listwer En tayr en Plaes, kaw-paminikawtayk ouschi Li grawn bwa di Kenadaw.
4.2
Ooma la koonploon namou kiki:
4.2.1
Aen parsonn kaw-nipit, l'awntayrmawn awpachischikana, li simichayr, pi kootak nahiniwayhk.
4.3
Ooma la koonploon pikou chi-awmistahk pi keestwam awpachistawn ishi avek nayikoohk la lway, kwayskwachikaywina pi la koonploon awpacihchikana avek mawka namou ashtamayikouhk ishi aykwanihi kaw-mashinahkawtaykihk didawn Seksyoon 9 awn baw. Ooma la koonploon pikou chi-awmistahk pi keestwam awpachistawn ishi avek kahkiyow kaw-natawayistakwunwa li tretee, nagrimawn, pi nihtawayihtamoowina avek Indigene li Moond.

5. KISHTAYICHIKAWTAYWINA

Li grawn bwa di Kenadaw atoushkaywak pikou chi-awpachistachik oohin itahtow kaw-pimitishahikawtaykihk kishtayichikawtaywina didawn paminamoowin ouschi kee-ishipimawchihounawniwun wayashtaywina:

5.1
Neeshouhkamakaywin
5.1.1
Atoushkaywin avek Indigene en partineuz didawn en manyaer aykwawnima ahkamay avek Indigene Pishiskaymoowawn Wayashtaywin pi avek li alawntour chi-kayschinahow aykwawnima mawachihchikaywin pi wawpastahiwaywin ishichikaywina nishtawinamoowin weeyoutishaymakunoowan tawpwaywakayistaminawniwun pi kishkayistamihiwaywin pimipayihtawina.
5.1.2
Kweetakoowin avek otatoushkaywak chi-miyeu maenkihk kishkayistamihiwaywin ooma paminamwin ouschi kee-ishipimawchihounawniwun wayashtaywina.
5.2
Nishtoostamoowin
5.2.1
En pawr kishkayistamoowin chi-keeshihtahk miyeu nishtoostamoowin ishi listwer li valeur ouschi kee-ishipimawchihounawniwun wayashtaywina aykwawnima kaw-kishkayistamohiwayw ouschi Indigene ishi kishkayistammowin pi ouschiyawin ishi la varitee niawaykishkayistamoowina pi itapachichikana avek peekishkwaywina.
5.2.2
Awpachista ooma nishtoostamoowin chi-nishtawinamin kee-ishipimawchihounawniwun wayashtaywina, nawashouna kee-ishipimawchihounawniwun katawa nawashounikaywina, pi kayschinahow miyeu pisiskayischikaywin pishiskaymoowawn ouschi kee-ishipimawchihounawniwun wayashtaywina.
5.3
Shasheepishin
5.3.1
Oushistawin mawachihchikaywin itaymoowina ouschipayiwin ishi ooma listwer li valeur ouschi kee-ishipimawchihounawniwun wayashtaywin pishikaymoowin iyikouhk larzhawn ihtakouwin pi avek meena mashinahikiwaywina chikee kashkihow.

6. ITAYIMOOWIN PI KEETATAYISTAWKWUN NASHKWAYSTAMOOWINA

6.1
Ooma itayimoowin ouschi la koonploon si aykwawnima chi-maykihk la jhireksyoon ooma paminamoowin ouschi kee-ishipimawchihounawniwun wayashtaywina, li tawn’d kayawsh en plaes, listwer nahawpahchikiweekamikwa pi Listwer En tayr en Plaes kaw-paminikawtayk pi pishkayimoowawn poor ouschi Li grawn bwa di Kenadaw.
6.2
Ka-keetatayistawkwun nashkwaystamoowina ouschi ooma la koonploon ka-ishi pimitishahikawtayk:
6.2.1
Ooma listwer li valeur ouschi kee-ishipimawchihounawniwun wayashtaywina si aykwawnima manawchistawn chi-kishchayimouhk si pawsee awn partawn li moud pi poor weechihiwaywin ouschi maykwawt pi anavawn awn partawn li moud.
6.2.2
Nakishkamoowina ishi paminamoowin ouschi kee-ishipimawchihounawniwun wayashtaywina aykwawnima oushchiyawaywin pi kee-ishipimawchihounawniwun pishishkayischikaywin.
6.2.3
Li grawn bwa di Kenadaw awpachistaw kochiwahpatahiwaywina poor awnpawr il I disidee-oushtawniwun ouschi kee-ishipimawchihounawniwun wayashtaywina pi li tawn’d kayawsh en plaes chi-pakitinamwak pi chi-kishchayimouhk Indigene pishiskaymoowawn didawn listwer li plaes.
6.2.4
Kee-ishipimawchihounawniwun wayashtaywin paminamoowin si aykwanwima miyeu takwashtawin ishi paminamoowin ouschi listwer li plaes avek meena Li grawn bwa di Kenadaw neekawnayihtamoowina, paminikaywina, pi lee plawn kaw-oushtahk.
6.2.5
Li tawn’d kayawsh en plaes daw la tayr kaw-paminikawtayk ouschi Li grawn bwa di Kenadaw aykwawnihi kenawayschikawtaywin ouschi kitahamakaywin itahkamikishoowin.
6.2.6
Ooma listwer li valeur ouschi Listwer Nahawpahchikiweekamikwa kaw-paminikawtayk ouschi Li grawn bwa di Kenadaw si aykwawnima kenawayischikawtayw ishi tipaymouwin avek Listwer Nahawpahchikiweekamik Kenawayschikawtaywin Lee lway’d
6.2.7
Ooma Ka-ksitayihtakwahk Larzh Li valeur ouschi Listwer En tayr en Plaes, keema li morsoo di Listwer En tayr en Plaes, kaw-paminikawtayk ouschi Li grawn bwa di Kenadaw si aykwawnima manawchistawn poor weechihiwaywin ouschi maykwawt pi anavawn awn partawn li moud.

7. PISHKAYIMIWAWN

7.1
Awa Li grawn bwa di Kenadaw Li prizidawn pi Li Shef Li boss-iwiw L’ofisyee pikou:
7.1.1
Kayschinahow kaw-itaystakwahk itayimoowin pi keetatayistawkwun nashkwaystamoowina ouschi ooma la koonploon aykwawnihi kashkihoowawn.
7.1.2
Peekishkwayshtam mowatakwashtaywina ouschi ooma la koonploon ishi Li Ministr.
7.1.3
Miyayhtem kwayaskwaschikaywin zaenstriksyoon pi ayshkum mowatakwashtaywina.
7.2
Awa Neepawistamakayw-Li prizidawn, Indigene Nakatoohkaywin pi Kee-ishipimawchihounawniwun Listwer pikou:
7.2.1
Chi-maykihk apatayistakwan neekawneewin pi kawkakayshkimiwawn ouschi ooma la koonploon pi kwayaskwaschikaywin awpacihchikana ishi Li grawn bwa di Kenadaw otatoushkaywak.
7.2.2
Neekawneeshtem li zaynplimaan ouschi ooma la koonploon pi kwayaskwaschikaywin awpacihchikana avek gischeetayimouwin ishi kee-ishipimawchihounawniwun wayashtaywina aykwawnihi en parchee’d ouschi kolesksyoon awnter pishishkayischikaywin ouschi Li grawn bwa di Kenadaw.
7.2.3
Chi-maykihk apatayistakwan neekawneewin pi kawkakayshkimiwawn ouschi ooma lee plawn kaw-oushtahk pi astawaykin didawn kee-ishipimawchihounawniwun wayashtaywina, li tawn’d kayawsh en plaes, listwer nahawpahchikiweekamikwa pi Listwer En tayr en plaes kaw-paminikawtayk pi pishkayimoowawn poor ouschi Li grawn bwa di Kenadaw.
7.2.4
Kayschinahow kishshinahamakaywin, kishkinoustahiwaywin, pi awpachischikana ouschi kee-ishipimawchihounawniwun wayashtaywin paminamoowin ousihtaniwun pi ihtakwun ishi Li grawn bwa di Kenadaw otatoushkaywak.
7.2.5
Kayschinahow aykwawnima nishtawinamoowin oushci kee-ishipimawchihounawniwun wayashtaywina awnter section 7.4.1 si aykwawnima pimouhtatawn pi didawn en manyaer ahkamay avek Indigene Pishiskaymoowawn Wayashtaywin pi kwayaskwaschikaywin awpacihchikana.
7.2.6
Kenawayschikawtaywin alawntour ouschi ishichikaywina ishi kee-ishipimawchihounawniwun wayashtaywin paminamoowin.
7.2.7
Kenawayschikawtaywin oushtawina ouschi kee-ishipimawchihounawniwun wayashtaywina nishitawinikawtayw awnter section 7.4.1.
7.2.8
Pishishkayista kaw-apataniwuniwan ouschi ooma la koonploon.
7.3
Awa Neepawistamakayw-Li prizidawn, Nakatouhkaywin pikou:
7.3.1
Neekawneeshtem li zaynplimaan ouschi ooma la koonploon pi kwayaskwaschikaywin awpacihchikana daw listwer li plaes chi-kashkihow kaw-itayistakwahkihk itayimoowina pi keetatayistawkwun nashkwaystamoowina.
7.4
Tout awn sawmbl, awa Neepawistamakayw-Li prizidawn, Nakatouhkaywin pi awa Neepawistamakayw-Li prizidawn, Indigene Nakatoohkaywin pi Kee-ishipimawchihounawniwun Listwer chikee:
7.4.1
Miyayhtem nishtawinamoowin ouschi kee-ishipimawchihounawniwun wayashtaywina keeshpin pikou awnshay tipaistakwun ouschi la lway pi kootak la koonploon ishi Li Ministr.
7.4.2
Pimouhtaystam sa tipayischikaywin awnter section 7.4.1 chi-miyayhtem nisitawayihtakwanoowan ouschi kee-ishipimawchihounawniwun wayashtaywina ishi li boss-iwiw awnter sa paminamoowin.
7.5
Neepawistamakayw-Li prizidawn, Tipayawayihoniwawn pi Tipayischikayiwina pikou:
7.5.1
Ishi Nahi-opimipayihchikayw Kaw-nawashounihk Kischee Kawneekawnapiw poor Tipayawayihoniwawn pi Awpachischikana, kayschinahow aykwawnima kishtayichikawtaywina ouschi ooma la koonploon pi natawayistamoowina ouschi kwayaskwaschikaywin awpacihchikana takwashtawn didawn astawaykin paminamoowin, lee plawn kaw-oushtahk pi astawaykin pimipayischikaywin poor tipayawayihoniwawn pi awpachischikana.
7.5.2
Chi-pisishkayischikawtayk li zaynplimaan ouschi ooma la koonploon pi kwayaskwaschikaywin awpacihchikana, kayschinahow aykwawnima mamiyoowin awpachischikana pi kishkinoustahiwaywin ooma mawachihchikaywin ouschi tipayischikayiwina aykwanihi ousihtaniwun pi ihtakwun ishi Li grawn bwa di Kenadaw otatoushkaywak.
7.6
Tout awn sawmbl, awa Neepawistamakayw-Li prizidawn, Tipayawayihoniwawn pi Tipayischikayiwina pi Neepawistamakayw-Li prizidawn Indigene Nakatoohkaywin pi Kee-ishipimawchihounawniwun Listwer pikou:
7.6.1
Kayschinahow ooma kishtayichikawtaywina ouschi la koonploon pi natawayistamoowina ouschi kwayaskwaschikaywin awpacihchikana awpachistawn pi miyeu takwashtawin didawn awpachischikana pi tipayawayihoniwawn astawaykin itayistamoowina.
7.7
Kahkiyow Li grawn bwa di Kenadaw Neepawistamakayw-Li prizidawn pikou:
7.7.1
Kayschinahow aykwawnima Li grawn bwa di Kenadaw otatoushkaywak outinamwak pishishkayischikaywin kishinahamawkaywin oushci ishi kee-ishipimawchihounawniwun wayashtaywin paminamoowin.
7.8
Nakatohkachikataywin Tashihkaywina li Soopritawndawn pikou:
7.8.1
Kayschinahow aykwawnima, daw listwer li plaes, ooma kishtayichikawtaywina ouschi la koonploon pi natawayistamoowina ouschi kwayaskwaschikaywin awpacihchikana awpachistawn pi miyeu takwashtawin didawn paminamoowin ouschi kee-ishipimawchihounawniwun wayashtaywina didawn en manyaer aykwawnima ahkamay avek kischee ishichikaywina kaw-mashinahikawtaykihk didawn ooma Wayashtaywin poor Li tawn’d kayawsh pi Kishkishiwin.

8. LA DISKRIPSYOON

Li tawn’d kayawsh en plaes
En plaes keema itawayahk ita klayr kishkayhtahkwuniwan ouschi si pawsee li mood pimawtishiwin si maykwawt kaw-kenawayschikawtayk akouta, awn baw keema awn layr la tayr.
Tousal La Federal Listwer Li Bawchees
Tousal La Federal Listwer Li Bawchees nawashounikawtayw awnter Kenawayihchikaywin Opaminikaywak La koonploon ouschi ooma Paminamoowin di Tipayawayihoniwawn avawn Li mwawn di Mii 13, 2022.
Kistayihtakosiwin kishkishiwina
Kishkinawawchihchikawtayw ishi kahkanowawn keema kishtayihtcikatewina ouschi Li tawn’d kayawsh En plaes ishpee en plaes kee-michiminem listwer li valeur poor kiko kaw-kee-nawashounikawtayw. Kistayihtakosiwin kishkishiwina si aykwawnima kashkihoowawn ishpee ispray kishkinoustahiwaywina nakishkikawtaywa.
Mawachihchikaywin
Kahkiyaw paminikaywina keema pimipayischikaywina ka-itayimoohk chi-michiminem ooma listwer li valeur ouschi kee-ishipimawchihounawniwun wayashtaywin, listwer nahawpahchikiweekamik pi Listwer En tayr en Plaes.
Kee-ishipimawchihounawniwun wayashtaywin
Kee-ishipimawchihounawniwun wayashtaywina kishkishotawayw li mood pimawtishiwin pi kwayashkwaychikaywin aykwawnima kaw-kawschitinikawtayw ouschi sa katakoonwin avek la varitee li mood li tawn’d kayawsh ouschi, kee-ishipimawchihounawniwun, pi amihayshtoutawin.

Kee-ishipimawchihounawniwun wayashtaywin paminamoowin itayimoowin ishi mawachistawin listwer li valeur ouschi kaw-pimitishahikawtaykihk:
  1. Li tawn’d kayawsh En plaes;
  2. Nawzhaen a schim La freight shawr Li bawchees;
  3. La Federal Listwer Tipayawayihoniwawn nawashounikawtayw awnter Zaenstriksyoon ouschi ooma Paminamoowin di Tipayawayihoniwawn ishpee keema apray Li mwawn di Mii 13, 2022;
  4. Tousal La Federal Listwer Li Bawchees; pi
  5. klayr keema namoo klayr wayashtaywina nishitawinikawtayw chi-ayahk listwer li valeur awnter seksyoon section 7.4.1.
Listwer Nahawpahchikiweekamik
Listwer nahawpahchikiweekamik pi kwayaskwaschikaywin li bawchees nawashounikawtayw awnter seksyoon 6 ouschi Listwer Nahawpahchikiweekamik Kenawayschikawtaywin Lee lway’d.
Listwer en plaes
La tayr, disoor diloo ashtayw la tayr, la glaes, pi diloo kaw-paminikawtayk ouschi Li grawn bwa di Kenadaw didawn li tawn’d kayawsh en plaes, li grawn bwa pi li grawn bwa risarv, la nawsyoon mayr mawachihchikaywin itawayahk pi astahcikowin, pi piko tawnima kootak kenawayschikawtaywin listwer itawayahk kaw-ishi nawkouhtahk didawn seksyoon 2 ouschi Li grawn bwa di Kenadaw La zhawnsree Lee lway’d.
Nawzhaen a schim La freight shawr Li bawchees
Aen nawzhaen a schim la freight shawr li bawchees nawashounikawtayw awnter seksyoon 4 ouschi Nawzhaen a schim La freight shawr Li bawchees Kenawayschikawtaywin Lee lway’d.
Listwer li valeur
Ooma miyeu, li tawn’d kayawsh, awpootapastamoowina, kee-ishipimawchihounawniwun, pamihiwaywin, keema amihayshtoutawin la valeur ouschi kaw-kee-ishipimawchihounawniwun wayashtaywin keema li tawn’d kayawsh en plaes.

Didawn ooma paminikayiwin ouschi listwer nahawpahchikiweekamik, listwer li valeur itwaymakan sa listwer ayiwakanoowin.

Didawn ooma paminikayiwin ouschi Listwer En tayr en Plaes, listwer li valeur itwaymakan sa Ayakahskawan Kistayihtcikawtaywin Li valeur.

Ooma kischee listwer li valeur diskripsyoon ouschi kee-ishipimawchihounawniwun wayashtaywin nawashounikawtayw ouschi Li Ministr si aykwawnima mishkikawtayw ouschi ooma li piblik rekor ouschi la federal listwer kishkayischikawtaywina kenawayschikawtayw ouschi Li grawn bwa di Kenadaw.
Nishitawinikawtayw La Federal Listwer Li Bawchees
Li bawchees nawashounikawtayw ishi Nishitawinikawtayw La Federal Listwer Li Bawchees awnter La koonploon ouschi Paminamoowin di Tipayawayihoniwawn avawn Li mwawn di Mii 13, 2022.

9. KISHKINAWACHICHIKAWTAYWINA

La lway kaw-oushtahk

Kwayaskwaschikaywin la koonploon awpacihchikana

Mishiway itay Weestamakaywina, Nasawmblee pi Li Tretee

Kootak

Related links

Date modified :