Takuaietsheunna tshe ishi tshitapatakanit innu-aitun kie innu-tshissenitamunna,anite ka natuapatshanunnit, uashashkuteutshuapa kie anite ka kunenitanitakau assia

English Print this page

1. Tshishiku tshe ishpish tshitshipan

Ushkat tshishtuakan ushkau-pishimu 2025 tshika tshitshipanu ume takueitshuen.

Ume Takuaietsheunna kie utatusseuakanna mishkutunikanu ne takuaietsheunna me innu-aitunna kie innu-tshissenitamunna, anite ka mashinateutshen III ne katakuaietshet umashinaikanna ne Parcs Canada.

2. Tapuetuaunna

Ume takuaietsheunna ashpitishimuatshanun 4 (1) et 12 (3) ka pimapeikashtet Agence Parcs Canada utakuaietsheun.

3. Anite utshipinan

Ne innu-aituna kie innu-tshissenitamuna takun tshi nistutakanikau, shuenitanikau kie tshetshi minu-apitshitanikau kie minu-apitinikau. Ne innu-aitun kie innu-tshissenitamuna nitshetuit tshi ishinakuan, kie mitshetuit ishi tshitutemikuan kie ait ishi uapatakanu, kie mishtkutshipanu. Ne Parcs Canada, at nenu nishtuapatak e minu-eiatunanunit kie akua ietunanut,iat nenu tshika ui akua tutam e ishi pimutanut kie tshika ui kie uin minupaniku nenu e mishkutshipin tan ua ishi ietunanut. Ne takuaietsheun pitshitinikanu tshetshi minu-tshitapatakan kie minu-takuaietshanut nete aitun kie tshissenitamun, kie tshetshi minu-kunenitakanikau miam mate anite ka ishi nishtuapatanikau anite ka mishat tipatshimuna, kie takut tshi tshissinuashtanikau. Ne akuaietsheunna iat anite piminitanu anite ka natuapatshanut, anite uashashkuteutshuapa kie anite ka nishtuapatanikau eshpitishkamikat assit.

Ne takuaietsheunna kau utamaikanupan nete 79(ii) ka pimapeikashtet nete tapueun kie nishtutatun tshishiku mashinaikan. Ne takuaietsheunna shutshiteieshkan nenu tshitshe-utshimau mamuitun ute eshpitishkamikan –innu-umashinaikanu ka mashinaikanishtanit nete ut umashinaikan tshishe-utshimauat mamuitun ute eshipitishkamikat assit tshetshi utataikan ne ua ishi tshitutanut.

Ne e apitshitakan takuaietsheun, Parcs Canada ishpitenitam innu-utipenitamunnun nenu ka tshishpeuatakuat tshishe-utshimashkuessiu-mashinaikannu kie nenu utipatshimunuaua, ka mashinatautshishunanut tapuetatshishun miam mate anite ka tshishpeuatakanikau assi kie nenu tshe ishi katshitaukuat kie e ishi kaniupinikau.

Ne takuaietsheunna mitshet tshekuanu nasham kie ashpitishimuatsheu tshetshi ishpitenitakanikanau ne e nishtuapatanikau. Mitsheta innu-assia kie ka uitshi-atussemitshit innuat takunnu e ishi-uitshi-atussemitshit nenu aitun kie tshissenitamun e ishi kunenitashinanut Parcs Canada. Tshetshi tshitimauenitakan ne ka shuenitakan, mitshetuit tshika ui ishi tshitapatanu kie kassinu anite e ishpitashkamikat ne ua ishi takuaietshanut. Ne takuaietsheun, uitshi-atussemitunanipan, tshetshi utinikanu tshetshi minu-uitsheutunanut kie minu-uitshi-atussemitunanut kie minu-nishtatun, tshetshi minupan, minekash, kie kassinu auen tshetshi minushkakuet.

4. Pimutaun

4.1
Ume takuaietsheuna ishi katshitaueu :
4.1.1
Innu-aitun kie innu-tshissenitamun anite e takut ka ishi nishtuapatanikau kie ka takuaiek Parcs Canada kie nenu ui ka tshitapatak, iat ne ka iuiashinanut kie innu-tshissenitamun kie innu-aitun kie innu-tshissenitamun;
4.1.2
Anite e nanatuapatshanut ne Parcs Canada ka aiatinak;
4.1.3
Uashashkutueutshuap ne Parcs Canada ka aiatinak;
4.1.4
Anite ka nishtuapatanit kassinu eshpitashkamikat assit kie mak apishish, ne Parcs Canada ka takuaiek.
4.2
Ume takuaietshuen apu katshitaukuat :
4.2.1
Innu ushkanna, tshipi-tshekuana, nikuashkan.
4.3
Ne takuaietshuen tshika ui tshitapatakanu kie ashpitishimuatshanu ashit ne takuaietsheun ume e minuat kie eshk e apitinikau, kie tshetshi eka nakaikanikau nen 9 ka pimapeikashtet shek. Ne takueitsheun tshika ui tshitapatanu kie tshika ui nashamnenu ka mashinatautshishunanut mashinaikan, nishtutatun ashit innuat.

5. Pimuteuna

Anitshenat Parcs Canada kupaniesha tshika ui nashamuat nenu tshe ishi takuaietshanut anite innu-aituna kie innu-tshissenitamuna :

5.1
Uitshi-atussemitun
5.1.1
Uitshi-atussemitunanut ashit innuat ne ka ishi nishtutatunanut ne miam mashinaikan tshetshi innu-mitunenitshikan kie ka uapishiu-mitunenitshikan tshetshi tshitapatakanikau kie nenu nishuit tshetshi mamushtanikau tshissenitamuna.
5.1.2
Tshetshi uitshi-atussemanit katusseshit tshetshi peikuit ishi unipin aimuna.
5.2
Nishtutatun
5.1.1
Mamu tshetshi ashtakan tshissenitamuna, nishtuapatamun, neme e matinimatunanut aimun tshetshi minu-nishtutatshishunanut. Ne nishtutatun tshikanakutau nenu innu-tshissenitamun kie tshetshi ashpitishimuatshanun ne ka natuapatshanut kie nenu ka ishi pukutatau, iat ne tipatshimuna ka ashu-pitshitinikau.
5.2.2
Tshetshi apitshitakan ne nishtutatun tshetshi nishtuapatakanikau innu-aituna kie innu-tshissenitamun, tshetshi minu-naushunikanikau tshetshi minu-atussanut.
5.3
Minekash atusseuatshanut
5.3.1
Tshi nishtutatunanut tan tshe ishi kunenitakan kie nakutuenitakan ne ishi ishpitenitakuet ne innu-tshissenitamun kie innu-tshissenitamun e tshitapatakan e ishi takut shuniau kie anitshenat kupanieshit kie e tshi tutakan.

6. Ua uitaikan mak eshi-ashuapatakanit tshe ishi-unuipanit aimun

6.1
Ume takuaietshuen pitshitinam tan tshe ishi takuaietshanut nena innu-aituna kie innu-tshissenitamuna, anite ka natuapatshanut, uashashkutueutshuapa kie ne ka nakutuenitanikau, ka nishtuapatak Parcs Canada.
6.2
Ne e ishi shuapatakan ume takuaietsheutshuap :
6.2.1
Nena innu-aituna kie innu-tshissenitamuna kunuenitanu tshetshi tshissinuashtanikau na ueshkat ka atat, anutshish kashikat, kie aianishkat.
6.2.2
Ne e ishi peshuapatakan ne e ishi takuaietshanut ne innu-aituna kie innu-tshissenitamuna minu tshitapatanua ait e ishi inniunanut.
6.2.3
Ne Parcs Canada utinam aimunnu e tshitapatanikau nenu innu-tshissenitamuna, anite ka natuapatshanut tshetshi shutshiteieshkakan kie ishpitenitakan nenu innuat e ishi mamitunenimitau.
6.2.4
Ne innu-aitun kie innu-tshissenitamun takuaietshuenminupanu e pushipinitakan ne ka nakutuenitakan assi kie nenu Parcs Canada utatusseun.
6.2.5
Nena kanatuapatshanut anite ka takunikau assia ne kanakutuenitak Parcs Canada ne ka matshipinuet aitun.
6.2.6
E ishi pimuteuatshet ne Uashashkuteutshuapa ne ka iatinak Parcs Canada mitshiminikanu protection des phares patrimoniaux utakuaietsheuna.
6.2.7
Ne kanakutuenitanikau assia ka mishta ishpitenitakuet kie mak apishish ne assias Parcs Canada katakuaietshet tshetshi anitshenat ka petashinitet aianishkat tshetshi kie uinau apitshitatau.

7. Netakut tshi tutakan akuetu

7.1
Ne ushtikuan kie na ka takuaietshetsh nete Parcs Canada tshika ui:
7.1.1
Tshetshi minu-tshitapatakan ne ua utataikan kie ne ua natuapatakan.
7.1.2
Tshetshi shukushuk ueueshitshitapatakan ume takuaietsheun.
7.1.3
Tshetshi tapuetakanikau kie utamaikanikau ne takuaietshuenna natshi.
7.2
Ne utshimashkueu, nete Affaires autochtones et Patrimoine Culturel tshika ui:
7.2.1
Tshetshi minanit anitshenat Parcs Canada kupanieshit tshetshi utinikau aimunnu kie tshetshi uauitshiakanitau kie minu uauitamuakanitau nenu takuaietsheunna.
7.2.2
Tshetshi takuaietshanut ne ne takuaietsheuna neme e uauitakanikau innu-aitunna kie innu-tshissenitamuna ne ka ishi kunenitashit kie ka aiatinak Parcs Canada.
7.2.3
tshetshi minanit anitshenat Parcs Canada kupanieshit tshetshi utinikau aimunnu kie tshetshi uauitshiakanitau kie minu-uauitamuakanitau nenu takuaietsheunna e uauitakanikau innu-tipenitamuna kie innu-tshissenitamuna, kanatuapatshenut, kie uashashkuteutshuappa ka iatinitau.
7.2.4
Tshetshi tshishkutamuanit kupaniesht, tshetshi uauitamuanit kie tshetshi minanit atusseuakan kie tshetshi taninit Parcs Canada ukupanieminu.
7.2.5
Tshetshi nishtuapatanit ne innu-aitunna kie innu-tshissenitamuna ne section 7.4.1 ka pimapeikashtet e tshitapatakan ne Cadre d’intendance mashinaikan kie nenu utatusseuakan.
7.2.6
Tshetshi minu-kunenitakan kie tshetshi minutatau kupanieshit nenu innu-aitunna kie innu-tshissenitamuna ua akua tutanikau.
7.2.7
Tshetshi mashinataikanikau ne innu-aitunna kie innu-tshissenitamuna ka nishtuapatanit ne section 7.4.1 e pimapeikashtet e nishtaupatan.
7.2.8
Tshetshi minu-shukashinakatana ume takuaietsheun.
7.3
Ne utshimashkueu, aitunna tshika ui:
7.3.1
Tshetshi ishi tshitutanikau ne takuaietshanut ne ne takuaietsheuna kie ne kutaka takuaietsheuna tshetshi utataikan ne ua utataikan.
7.4
Tshetshi uitshi-atussemititau, ne utshimashkueu ka ushtukuannut, kie ne kutak ka ushtukuannut anite Affaires autochtones et Patrimoine culture :
7.4.1
Tshetshi nishtuapatakau nenu aitunna kie nishtuapatamunna, patesh ne eka nishtuapataka ne tshishe-utshimau e uatamaik kie e mashikanishtat.
7.4.1
Tshetshi matinimatshet nenu shutishiunnu e nishtuapatakan ne aitunna kie tshissenitamuna ne a ashpitishimuatshanut section 7.4.1 ka pimapeikashtet katakueitshet peik tshetshi minakan.
7.5
Ne utshimashkueu ka ushtukuanut, Biens immobilliers kie actifs tshika ui:
7.5.1
Ne e ishi nishtuapamakanit e tshishe-utshimau atusset neme mitshusnish kie aitapitshitaunna, tshetshi nakutuenitak kie nashakan ne e ishi nanatuenitakan kie minu-tshitapatakan nete shuniat, ua ishi tshituteuatshanut kie ua ishi kunenitashinanut.
7.5.2
Tshetshi shutshiteieshkakan ume takuaietsheunna kie atusseuakan, tshetshi tshishkutamatshishunanut kie tshetshi uauitamatshanut tan e ishi kunenitanikau mitshunish kie aitapitshitauna kie tshetshi uauitshiaushit Parcs Canada ukupanimuau.
7.6
Tshetshi uitshi-atussemititau, ne utshimashkueu ka ushtukuannut, kie ne kutak ka ushtukuannut anite Affaires autochtones et Patrimoine culture :
7.6.1
Ne e ishi nishtuapamakanit e tshishe-utshimau atusset neme mitshusnish kie aitapitshitaunna, tshetshi nakutuenitak kie nashakan ne e ishi nanatuenitakan kie minu-tshitapatakan nete shuniat, ua ishi tshituteuatshanut kie ua ishi kunenitashinanut.
7.7
Kassinu anitshenat ka ushtukuanutau anite Parcs Canada tshika ui :
7.5.1
Tshetshi tshishkutamuanit kupaniesht, tshetshi uauitamuanit kie tshetshi minanit atusseuakan kie tshetshi taninit Parcs Canada ukupanieminu.
7.8
Anitshenat ka takuaietshet tshika ui :
7.5.1
Tshetshi nakutuenitakanika, nene kanakutuenitanikau assia, ne ua ishi pimutan ne takuaitsheunna kie ne ua ishi nanatuenitakan tshetshi pimuteuatshanut kie pushipinitanikau ne ua ishi takuaietshenut anite aitunna kie tshissenitamunna, e nakutuenitakan ne Cadre pour l’histoire et commémoration umashinaikan.

8. E issishuemikuet

E kunenitakan
Kassinu aitunna kie tshekuan ka tutakan tshetshi minu-kunenitakan ne e ishi kunenitashinanut aitun kie tshissenitamun, innuat kie ka uapishit, uashashkutanitshuapit ute ka ishi takut assit.
Mashininaitshuetshuapa ka nishtuapatanikau nete tshishe-utshimat
Tshishe-utshimautshuap ka ishi nishtuapatakan, ashpitishimuatsheu Conseil du trésor utakuaietsheunnu e ishi takuaietshanunut nem 13 nissip-pishimu 2022.
Tshishe-utshimautshuap ka ishi nishtuapatakan
Mitshuap ka ishi nishtuapatakan miam utaua-tshishe-utshimauatshuen ne e ashpitishimuatshanut takuaietshun 13 nissi-pishim 2022.
Ishkuteu-utapantshuap
Ishkuteu-utapanitshuepan miam ne neu ka pimapeikashtet nete protection des gares ferroviaire patrimoniales utakuaietsheun.
E tshissinuashtakan
Miam ne ka ishi nishtuapatakan mishta-tipatshimun ka takut kie eka ait e tshi ishinakutakan kie mak ueuetinika kie iat e itapiti mak na ushkat ka tshimitakan. Utataikannu ne katshissinuashtakan ne shakassinitakan ka ishi natuenitakan.
Anite ka nishtuapatakan
Assia, assia ke nissipetakanikau, mushkumia kie nipi ka takuaik Parcs Canada anite ka ishi nishtuapatanikau e tshi mashat tipatshimuna , anite ka tanut kie anite ka kunenimanit aueshishat kie mak nipi miak uinipek, shipek anite ka nakutuenimanit aueshishat kie mak anite ka ishi nishtuapatak Agence Parcs Canada utakuaietsheun 2 ka pimapeikashtet.
Uashashkuteunitshuap
Ushashkuteunitshuap kie ne mitshuapa uashka ka tshimitekau ka nishtuapatanikau miam ne protection des phares patrimoniaux utakuaietsheunna.
Aitunna kie tshissenitamuna, innit kie kauapishit
Ne aitunna kie tshissenitamuna, innit kie kauapishit tipatshimuat katshi inniunanunit kie takunnue ishi tapitinit utaitunnuau kie utipatshimunuau, kie ka tan ka ishi-inniutau kie katshi takuninit utapuetatshishunuau.

Ne aitunna kie tshissenitamuna, innit kie kauapishit utakueitshuenuau ui minu kunnenitanu kie nenu e ishpitenitakunit :
  1. Anite ka atanut kie e mishta-tipatshimumikuat;
  2. Ishkuteu-utapantsheutshuap;
  3. Mitshunish ka ishi nishtuapatakan anite utaua-tshishe-utshimat, neme 13 nissi-pishimu kie mak katshi uemapin ne tshishik, ne gestion des biens immobiliers utakueitsheun;
  4. Tshishe-utshimau mitshuap ka nishtuapatanikau;
  5. Aitunna kie tshissenitamunna umatshunishimuaua kie mak kie eka tshi tatinikan ka ishi nishtuapatanikau section 7.4.1 ka pimapeikashtet.
Anite ka nanatuapatshanut assi
Anite ka tanut kie mak ka uitshinanut e tshi tatshinikan kie mak e tshi uitshinanut e kunenitanikau, e tatukassanunit kie anite atamit assit.
E ishpitenitakuat ne e pimuteuatshanut
E apiti ne e ishi minunakuet, ka tipatshimunanut, ka nanatussenitakan, ka ishi innunanut, e ishi tapitshinanut ne aitun kie tshissenitamun kie anit ka nanatuapatshanut.

Miam anite uashashkuteutshuapit, ishi nishtuapatanu.

Miam mate assi e ishpitashkamikat assit ka nishtuapatakan.

Ne e ishi uauitakan ne e ishpitenitakuat ka pimuteuatshanut neinnuat kie ka uapishit utaitunnua kie utshissenitamunuau ka nishtuapataka tshishe-utshimau kie ka mashinataikan nete Parcs Canada umashinaikan.

9. Ka utaimaikan mashinaikan

Takuaietsheunna

Kutuka utakuaietsheunna

Aimun-mashinaikan,nishtutaun ka mashinatautshishunanut

Kutaka

Related links

Date modified :