ᐊᑐᐊᒐᖅ ᐊᐅᓚᑕᐅᓂᖏᓐᓄᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ, ᐃᑦᑕᕐᓂᑕᖃᕐᕖᑦ, ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᐃᑦ, ᐊᒻᒪᓗ ᓄᓇᕐᔪᐊᕐᒥᑦ ᑕᐃᑉᓱᒪᓂᑐᖃᖅ ᐃᓂᐅᔪᓂᑦ
1. ᐊᑐᓕᕐᓂᐊᖅᑐᖅ ᐅᑉᓗᕐᒥᑦ
ᐊᑐᐊᒐᖅ ᐊᑐᓕᕐᓂᐊᖅᑐᖅ ᐊᒥᕋᐃᔭᕐᕕᒃ 1, 2025-ᒥᑦ.
ᐊᑐᐊᒐᖅ ᐊᒻᒪᓗ ᐃᓚᒋᔭᐅᔪᑦ ᐃᓇᖐᔪᖅ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᒃ ᐊᐅᓚᑦᑎᓂᕐᒧᑦ ᐊᑐᐊᒐᒥᑦ ᐊᕕᒃᑐᖅᓯᒪᔪᖅ III-ᒦᑦᑐᖅ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᖃᓄᐃᓕᐅᕆᐊᖃᕐᓂᕐᒧᑦ ᒪᓕᒐᖏᓐᓂᑦ ᐊᒻᒪᓗ ᐊᐅᓛᖅᑎᑦᑎᓂᕐᒧᑦ ᐊᑐᐊᒐᖏᓐᓂᑦ.
2. ᐱᔪᖕᓇᖅᑎᑦᑎᓃᑦ
ᐊᑐᐊᒐᖅ ᓴᖅᕿᑎᑕᐅᔪᖅ ᒪᓕᒃᖢᒋᑦ ᐃᓚᒋᔭᐅᔪᑦ 4 (1) ᐊᒻᒪᓗ 12 (3) ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᖁᔭᖓᓃᑦᑐᑦ.
3. ᐱᔾᔪᑕᐅᔪᒧᑦ
ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ ᐃᓚᒋᔭᐅᑦᑎᐊᖅᑐᑦ ᑐᑭᓯᐊᓂᐊᕐᓗᒋᑦ, ᖁᕕᐊᓲᑎᒋᓗᒋᑦ, ᐊᑐᕐᓂᐊᕐᓗᒋᑦ, ᐊᒻᒪᓗ ᖁᕕᐊᒋᔭᐅᓂᖏᓐᓄᑦ ᑕᐃᑉᓱᒪᓂᑐᖃᖅᑐᑦ ᐃᓂᐅᔪᑦ. ᐱᒻᒪᕆᐅᔪᑦ ᐊᒃᑐᐊᔪᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐊᔾᔨᒌᙱᑦᑐᓂᒃ ᐱᔾᔪᑎᖃᕈᖕᓇᖅᑐᑦ, ᑕᑯᒃᓴᐅᑎᑦᑎᓗᑎᒃ ᐊᒥᓱᓂᒃ ᑕᐅᑐᒐᐅᔪᓂᒃ ᐊᒻᒪᓗ ᓄᓇᕐᔪᐊᕐᒥᑦ ᐃᓱᒪᒋᔭᐅᔪᓂᒃ, ᐊᒻᒪᓗ ᐊᓯᐅᙳᕈᖕᓇᖅᑐᑦ ᐅᑉᓗᐃᑦ ᐊᓂᒍᖅᐸᓪᓕᐊᓂᖏᑦ ᒪᓕᒡᓗᒋᑦ. ᐊᐅᓚᑦᑎᓂᕐᒧᑦ ᐊᑐᖅᑕᐅᖃᑦᑕᖅᑐᑦ ᐊᑐᓕᖅᑕᐅᔪᖕᓇᕆᐊᖃᖅᑐᑦ ᐊᔾᔨᒌᙱᑦᑑᑎᓄᑦ ᐊᒻᒪᓗ ᐅᐸᓗᐊᔪᖕᓇᕐᓗᑎᒃ ᐊᓯᐊᙳᖅᑐᒧᑦ ᐊᑕᐅᑦᑎᒃᑯᑦ ᐃᓕᑕᕆᔭᐅᓯᒪᓗᑎᒃ ᐱᒻᒪᕆᐅᓂᖏᑦ ᐱᐅᓛᒃᑯᑦ ᐊᑐᖅᑕᐅᖃᑦᑕᖅᑐᑦ ᐊᒻᒪᓗ ᑕᐃᒪᓐᓄᑦ ᐱᔭᐅᖃᑦᑕᕐᓂᖓ ᐊᑐᖅᑕᐅᓗᓂ. ᐊᑐᐊᒐᖅ ᑐᓂᓯᔪᖅ ᑕᒪᐃᓐᓅᖓᔪᒃᑯᑦ ᖃᓄᐃᓕᐅᖅᑎᑦᑎᓂᕐᒥᒃ ᐊᐅᓚᑦᑎᓂᕐᒧᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᑦ ᐊᓯᐅᔨᑎᑕᐅᓂᐊᖏᓪᓗᑎᒃ ᑕᐃᑉᓱᒪᓂᑐᖃᒥᑦ ᐱᒻᒪᕆᐅᓂᖏᑦ ᐊᒻᒪᓗ, ᑲᓇᑕᒥᑦ ᖃᖓᑐᖄᓗᒃ ᐃᓂᐅᔪᓄᑦ, ᐃᖅᖃᐅᒪᔭᐅᔾᔪᑎᖏᑦ ᐃᓗᐃᑦᑑᖓᓂᖏᑦ. ᐊᑐᐊᒐᖅ ᑐᓂᓯᖕᒥᔪᖅ ᐃᑦᑕᕐᓂᑕᖃᕐᕕᐅᔪᓂᑦ, ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᐃᑦ, ᐊᒻᒪᓗ ᓄᓇᕐᔪᐊᕐᒥᑦ ᑕᐃᑉᓱᒪᓂᑐᖃᖅ ᐃᓂᐅᔪᓂᑦ.
ᓄᑖᙳᖅᑎᖅᑕᐅᓂᖓ ᐊᑐᐊᒐᖅ ᐱᒋᐊᖅᑎᑕᐅᓚᐅᖅᑐᖅ ᐅᐸᓗᐊᓗᐊᖅᖢᓂ ᑲᓇᑕᒥᑦ ᓱᓕᓂᖅ ᐊᒻᒪᓗ ᐋᖅᕿᖃᑎᒌᖕᓂᕐᒧᑦ ᑲᑎᒪᔨᖏᓐᓄᑦ ᖃᓄᐃᓕᐅᖁᔨᓂᖏᑦ 79(ii). ᐊᑐᐊᒐᖅ ᐃᑲᔪᖅᑐᖅ ᐱᓕᕆᐊᖑᔪᓂᒃ ᑎᑎᕋᖅᓯᒪᔪᓂᒃ ᑲᓇᑕᒥᑦ ᒐᕙᒪᒃᑯᑦ ᖃᓄᐃᓕᐅᖁᔨᓂᕐᒧᑦ ᐸᕐᓇᐅᑎᖓᓂᑦ ᓴᖅᕿᑎᑕᐅᓚᐅᖅᑐᖅ ᐅᐸᓗᐊᑉᓗᑎᒃ ᑲᑎᓯᒪᔪᑦ ᓄᓇᖅᖃᑎᒌᑦ ᐅᖃᕐᓂᕋᐅᑎᖓᑦ ᐱᔪᖕᓇᐅᑎᖏᓐᓄᑦ ᓄᓇᖃᖅᖄᖅᑐᑦ ᐃᓄᐃᑦ ᐱᖁᔭᕐᒧᑦ ᐱᓕᕆᐊᕆᓂᐊᕐᓗᒍ ᐱᔭᒃᓴᐅᑎᐅᔪᑦ ᑲᑎᓯᒪᔪᑦ ᓄᓇᖅᖃᑎᒌᑦ ᐅᖃᕐᓂᕋᐅᑎᖓᑦ ᐱᔪᖕᓇᐅᑎᖏᓐᓄᑦ ᓄᓇᖃᖅᖄᖅᑐᑦ ᐃᓄᖕᓄᑦ.
ᐊᑐᖅᑕᐅᑎᓪᓗᒍ ᐊᑐᐊᒐᖅ, ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐃᒃᐱᒍᓱᒡᕕᖃᖅᑐᑦ ᒪᓕᒐᑎᒍᑦ ᒥᐊᓂᕆᔭᐅᔪᑦ ᐱᔪᖕᓇᐅᑎᖏᑦ ᓄᓇᖃᖅᖄᖅᑐᑦ ᐃᓄᐃᑦ ᐊᒻᒪᓗ ᐱᓯᒪᔭᖏᑦ ᐱᔪᖕᓇᐅᑏᑦ ᐊᒻᒪᓗ ᐱᔭᒃᓴᐅᑎᐅᔪᑦ ᐱᔾᔪᑎᖃᖅᑐᑦ ᐅᑉᓗᒥᐅᔪᒥᑦ ᐊᒻᒪᓗ ᖃᖓᑐᖃᖅ ᐃᖅᕿᓕᖕᓄᑦ ᐊᖏᖃᑎᒌᒍᑕᐅᓯᒪᔪᑦ, ᐊᖏᖃᑎᒌᒍᑏᑦ, ᐊᓯᖏᓪᓗ ᐋᖅᕿᒃᑕᐅᓯᒪᔪᑦ, ᓲᕐᓗ ᒥᐊᓂᕆᔭᐅᓂᖏᑦ ᐃᓂᐅᔪᑦ ᓴᖅᕿᑕᐅᓯᒪᑉᓗᑎᒃ ᐊᖏᖃᑎᒌᒍᑎᒃᑯᑦ ᐊᒻᒪᓗ ᐊᒃᑐᖅᑕᐅᓯᒪᓂᕐᒧᑦ ᐊᒻᒪᓗ ᐃᑲᔪᖅᑕᐅᓂᖃᕐᓂᐊᕐᓗᑎᒃ ᐊᖏᖃᑎᒌᒍᑎᓄᑦ.
ᐊᑐᐊᒐᖅ ᐋᕿᒃᑕᐅᓯᒪᔪ ᒪᓕᒐᐃᑦ ᐅᐱᒍᓱᒃᑐᑦ ᐱᑐᖃᕆᔭᐅᔪᓂᒃ ᐃᓂᐅᔪᓂᒃ. ᐊᒥᓱᑦ ᓄᓇᓖᑦ ᐊᒻᒪᓗ ᓄᓇᖃᖅᖄᖅᑐᓂᑦ ᐱᓕᕆᖃᑎᒋᔭᐅᔪᑦ ᐊᖏᔪᒥᒃ ᐊᒻᒪᓗ ᐊᔾᔨᐅᖏᑦᑐᒥᒃ ᐊᒃᑐᐊᓂᖃᖅᑐᑦ ᖃᖓᓂᑕᖅ ᑕᐃᑉᓱᒪᓂᑐᖃᓄᑦ ᒪᓕᒃᖢᒋᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᒪᒋᔭᖏᑦᑎᒍᑦ. ᐅᐱᒋᓗᒋᑦ ᐊᒃᑐᐊᖃᑎᒌᖕᓂᐅᔪᑦ, ᐊᔾᔨᒌᙱᑦᑐᑦ ᑕᐅᑐᒐᕆᔭᐅᔪᑦ ᐊᒻᒪᓗ ᓄᓇᕐᔪᐊᕐᒥᑦ ᐃᓱᒪᒋᔭᐅᔪᑦ ᐃᑲᔪᕆᐊᖃᖅᑐᑦ ᐊᐅᓚᑦᑎᓂᕐᒥᒃ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᑦ. ᐊᑐᐊᒐᖅ, ᐱᓕᕆᖃᑎᒋᑉᓗᒋᑦ ᐱᓕᕆᐊᖓᓐᓂᑦ, ᐱᕕᖃᖅᑎᑦᑎᔪᖅᑕ ᐱᕈᐃᑎᑦᑎᓂᕐᒧᑦ ᐊᒻᒪᓗ ᓴᙱᒃᑎᑎᕆᓂᕐᒧᑦ ᐃᒃᐱᒍᓱᖕᓂᒃᑯᑦ ᐱᓕᕆᖃᑎᒌᖕᓂᐅᔪᓂᒃ ᐊᒻᒪᓗ ᑐᑭᓯᐊᓂᕐᒥᒃ, ᐊᑐᖅᑕᐅᔪᖕᓇᖅᑐᒃᑯᑦ, ᐊᔪᙱᑦᑐᒃᑯᑦ ᐊᒻᒪᓗ ᐱᖅᖁᓯᕆᔭᐅᔪᒧᑦ ᓈᒻᒪᒃᑐᒃᑯᑦ ᑲᒪᔭᖃᕐᓂᖏᑦ ᖃᖓᓂᑕᖅ ᑕᐃᑉᓱᒪᓂᑐᖃᓂᑦ.
4. ᑐᒃᓯᕋᐅᓯᐅᕆᓂᖅ
4.1
ᐊᑐᐊᒐᖅ ᐊᑐᖅᑐᖅ ᐅᑯᓄᖓ:
4.1.1
ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ ᑕᐃᑉᓱᒪᓂᑐᖃᖅ ᐃᓂᐅᔪᓃᑦᑐᑦ ᐱᓕᕆᐊᖑᔪᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ ᐊᒻᒪᓗ ᑲᑎᑦᑎᓂᖅ ᑲᒪᒋᔭᐅᔪᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐃᓚᐅᑉᓗᑎᒃ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ ᑐᓂᔭᐅᓯᒪᔪᑦ ᐅᕝᕙᓘᓐᓃᑦ ᐊᑐᖅᑐᐊᖅᑎᑕᐅᔪᑦ ᐊᓯᖏᓐᓄᑦ.
4.1.2
ᐃᑦᑕᕐᓂᑕᖃᕐᕖᑦ ᓄᓇᓂᑦ ᐱᓕᕆᐊᖑᔪᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ.
4.1.3
ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᐃᑦ ᐱᓕᕆᐊᖑᔪᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ.
4.1.4
ᓄᓇᕐᔪᐊᕐᒥᑦ ᖃᖓᑐᖃᓂᒃ ᐃᓂᐅᔪᑦ, ᐅᕝᕙᓘᓐᓃᑦ ᐃᓚᒋᔭᐅᔪᑦ ᑖᑉᑯᓄᙵ, ᐱᓕᕆᐊᖑᔪᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ.
4.2
ᐊᑐᐊᒐᖅ ᐊᑐᙱᑦᑐᖅ ᐅᑯᓄᖓ:
4.2.1
ᑐᖁᖓᔪᑦ ᐃᓄᐃᑦ ᑎᒥᖏᑦ, ᐃᓗᕕᕐᓄᑦ ᐃᓚᒋᔭᐅᔪᑦ, ᐃᓗᕕᖃᕐᕖᑦ, ᐊᒻᒪᓗ ᐊᓯᖏᑦ ᐃᓗᕕᖃᕐᕕᖕᓄᑦ.
4.3
ᐊᑐᐊᒐᖅ ᐅᖃᓕᒫᖅᑕᐅᔭᕆᐊᖃᖅᑐᖅ ᐊᒻᒪᓗ ᐊᑐᖅᑕᐅᓗᓂ ᐊᑕᐅᑦᑎᒃᑯᑦ ᐊᑐᖅᑐᑦ ᒪᓕᒐᓄᑦ, ᒪᓕᒐᕋᓛᓄᑦ ᐊᒻᒪᓗ ᐊᑐᐊᒐᕐᒧᑦ ᐃᓚᒋᔭᐅᔪᓄᑦ ᐃᓚᐅᑉᓗᑎᒃ ᑭᓯᐊᓂ ᑭᒡᓕᒋᙱᑕᖏᑦ ᑎᑎᕋᖅᓯᒪᔪᑦ ᐃᓚᒋᔭᐅᔪᖅ 9-ᒥᑦ ᐊᑖᓃᑦᑐᒥᑦ. ᐊᑐᐊᒐᖅ ᐅᖃᓕᒫᖅᑕᐅᔭᕆᐊᖃᕐᒥᔪᖅ ᐊᒻᒪᓗ ᐊᑐᖅᑕᐅᓗᓂ ᐊᑕᐅᑦᑎᒃᑯᑦ ᐊᓯᓗᒃᑖᖏᓐᓄᑦ ᐊᑐᖅᑐᓄᑦ ᐊᖏᖃᑎᒌᒍᑕᐅᓯᒪᔪᓄᑦ, ᐊᖏᖃᑎᒌᒍᑎᓄᑦ, ᐊᓯᖏᓪᓗ ᐋᖅᕿᒃᑕᐅᓯᒪᔪᓄᑦ ᐃᓚᐅᑉᓗᑎᒃ ᓄᓇᖃᖅᖄᖅᑐᑦ ᐃᓄᖕᓄᑦ.
5. ᓱᓕᕆᓂᕐᒥᑦ ᐊᑐᖅᑕᐅᔪᑦ
ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᓕᕆᔨᖏᑦ ᐊᑐᕆᐊᖃᖅᑕᖏᑦ ᐅᑯᐊ ᒪᓕᒐᐃᑦ ᐊᐅᓚᑦᑎᓂᕐᒧᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᑦ:
5.1
ᐱᓕᕆᖃᑎᒌᖕᓂᖅ
5.1.1
ᐱᓕᕆᖃᑎᒋᓗᒋᑦ ᓄᓇᖃᖅᖄᖅᑐᑦ ᐱᓕᕆᖃᑎᒋᔭᐅᔪᑦ ᐊᔾᔨᒋᓗᒋᑦ ᓄᓇᖃᖅᖄᖅᑐᑦ ᑲᒪᔭᖃᕐᓂᖏᓐᓄᑦ ᐋᖅᕿᐅᒪᔪᖅ ᐊᒻᒪᓗ ᓄᓇᓖᑦ ᐊᓯᐅᔨᑦᑕᐃᓕᓂᖅ ᐊᒻᒪᓗ ᑐᓂᓯᓂᕐᒧᑦ ᐊᑐᖅᑕᐅᖃᑦᑕᖅᑐᑦ ᑕᑯᒃᓴᐅᑎᓐᓂᐊᕐᓗᒋᑦ ᐊᔾᔨᒌᙱᑦᑐᓂᑦ ᑕᐅᑐᒐᐅᔪᓂᑦ ᐊᒻᒪᓗ ᖃᐅᔨᒪᓂᖃᖅᑐᓄᑦ ᐋᖅᕿᐅᒪᔪᓄᑦ.
5.1.2
ᐱᓕᕆᖃᑎᒋᓗᒋᑦ ᐱᓕᕆᖃᑎᒋᔭᐅᔪᑦ ᖃᐅᔨᒪᓗᑎᒃ ᐃᓱᒪᓕᐅᖃᑦᑕᕐᓂᐊᕐᓗᑎᒃ ᐊᐅᓚᑕᐅᓂᖏᑦᑕ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ.
5.2
ᑐᑭᓯᐊᓂᖅ
5.2.1
ᑐᓂᖃᑦᑕᐅᑎᓗᑎᒃ ᖃᐅᔨᒪᓂᕆᔭᐅᔪᓂᒃ ᑐᑭᓯᐊᓂᖃᓕᕐᓂᖅᓴᐅᓂᐊᕐᓗᑎᒃ ᑕᐃᑉᓱᒪᓂᑐᖃᐅᔪᖅ ᐱᒻᒪᕆᐅᓂᖓᓄᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᑦ ᐃᑲᔪᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᑐᖃᑦᑕᖅᑕᖏᑦ ᖃᐅᔨᒪᓂᕐᒧᑦ ᐊᒻᒪᓗ ᐊᑐᖅᑐᑦ ᐊᔾᔨᒌᙱᑦᑐᓂᒃ ᖃᐅᔨᓴᐃᓂᕐᒧᑦ ᐊᑐᖅᑕᐅᖃᑦᑕᖅᑐᓂᒃ ᐊᒻᒪᓗ ᐱᕝᕕᐅᔪᓂᒃ ᐃᓚᐅᑉᓗᑎᒃ ᐅᓂᑉᑳᖅᑕᐅᓯᒪᑉᓗᑎᒃ ᐱᓐᓂᑯᖏᑦ.
5.2.2
ᑐᑭᓯᐊᓂᖅᑖᖑᔪᖅ ᐊᑐᕐᓗᒍ ᐃᓕᑕᕆᓂᐊᕐᓗᒋᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ ᐱᖅᖁᓯᕆᔭᐅᔪᒃᑯᑦ ᓈᒻᒪᒃᑐᓂᒃ ᓂᕈᐊᖃᑦᑕᕐᒪᑕ, ᐊᒻᒪᓗ ᓈᒻᒪᒃᑐᒥᒃ ᑲᒪᔭᐅᓂᖏᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ.
5.3
ᐊᔪᙱᓐᓂᖃᕐᓂᖅ
5.3.1
ᓴᖅᕿᑦᑎᓗᓂ ᐊᓯᐅᔨᑦᑕᐃᓕᓂᕐᒧᑦ ᓂᕆᐅᒋᔭᐅᔪᓂᒃ ᐊᑐᕐᓗᒋᑦ ᑕᐃᑉᓱᒪᓂᑐᖃᐅᔪᖅ ᐱᒻᒪᕆᐅᓂᖓᓄᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᖅ ᐃᓱᒪᒋᔭᐅᑉᓗᓂ ᒪᓂᒪᓂᖏᑦ ᑮᓇᐅᔭᐃᑦ ᐊᒻᒪᓗ ᐱᓕᕆᔩᑦ ᐊᒻᒪᓗ ᐊᔪᙱᓐᓂᐊᕐᓂᖓ.
6. ᐱᔭᒃᓴᐅᑎᒋᔭᐅᔪᖅ ᐊᒻᒪᓗ ᓂᕆᐅᒋᔭᐅᔪᑦ ᖃᓄᐃᖓᓂᐅᔪᑦ
6.1
ᐱᔭᒃᓴᐅᑎᒋᔭᖓ ᐊᑐᐊᒐᐅᑉ ᖃᓄᐃᓕᐅᖅᑎᑦᑎᓂᐊᕐᓗᓂ ᐊᐅᓚᑕᐅᓂᖏᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ, ᐃᑦᑕᕐᓂᑕᖃᕐᕖᑦ, ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᐃᑦ, ᐊᒻᒪᓗ ᓄᓇᕐᔪᐊᕐᒥᑦ ᑕᐃᑉᓱᒪᓂᑐᖃᖅ ᐃᓂᐅᔪᑦ ᐊᐅᓚᑕᐅᑉᓗᑎᒃ ᐊᒻᒪᓗ ᑲᒪᒋᔭᐅᑉᓗᑎᒃ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ.
6.2
ᓂᕆᐅᒋᔭᐅᔪᑦ ᖃᓄᐃᖓᓂᕆᔭᖏᓐᓄᑦ ᐊᑐᐊᒐᕐᒥᑦ ᐃᒪᓐᓇᐃᑦᑐᑦ:
6.2.1
ᑕᐃᑉᓱᒪᓂᑐᖃᖅ ᐱᒻᒪᕆᐅᓂᖓ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐊᓯᐅᔨᑦᑕᐃᓕᔭᐅᔪᖅ ᐅᐱᒋᓂᐊᕐᓗᒋᑦ ᓯᕗᓕᕆᔭᐅᓚᐅᖅᑐᑦ ᐊᒻᒪᓗ ᐃᑲᔪᖅᑕᐅᓂᖃᕐᓂᐊᕐᓗᑎᒃ ᐅᑉᓗᒥᐅᔪᖅ ᐊᒻᒪᓗ ᓯᕗᓂᒃᓴᒥᑦ ᑭᖑᕚᕆᔭᐅᔪᑦ.
6.2.2
ᐊᑐᖅᑕᐅᔪᑦ ᐊᐅᓚᑦᑎᓂᕐᒥᒃ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᑦ ᐃᓂᐅᔪᒦᖓᔪᑦ ᐊᒻᒪᓗ ᐱᖅᖁᓯᕆᔭᐅᔪᒧᑦ ᓈᒻᒪᒃᑑᑉᓗᑎᒃ.
6.2.3
ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐊᑐᖃᑦᑕᖅᑐᑦ ᐋᖅᕿᐅᒪᔪᓂᒃ ᐊᓯᖏᓐᓂᑦ ᐃᓱᒪᓕᐅᖃᑎᖃᕐᓂᕐᒧᑦ ᐱᔾᔪᑎᖃᖅᑐᓂᒃ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐊᒻᒪᓗ ᐃᑦᑕᕐᓂᑕᖃᕐᕕᐅᔪᓂᑦ ᐱᒋᐊᖅᑎᓐᓂᐊᕐᓗᒋᑦ ᐊᒻᒪᓗ ᐅᐱᒋᓗᒋᑦ ᓄᓇᖃᖅᖄᖅᑐᑦ ᑲᒪᔭᖃᕐᓂᖏᑦ ᖃᖓᓂᑕᖃᕐᕕᐅᔪᓂᑦ.
6.2.4
ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐊᐅᓚᑦᑎᓂᖅ ᐃᓚᓕᐅᑎᔭᐅᖃᑦᑕᖅᑐᖅ ᐊᐅᓚᑕᐅᔪᓄᑦ ᑕᐃᑉᓱᒪᓂᑐᖃᖃᕐᕕᐅᔪᓂᑦ ᐊᒻᒪᓗ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᓯᕗᓪᓕᖅᐸᐅᑎᓂᐊᖅᑕᖏᓐᓄᑦ, ᑐᕌᖓᔪᖏᓐᓄᑦ, ᐊᒻᒪᓗ ᐸᕐᓇᐃᓂᖏᓐᓄᑦ.
6.2.5
ᐃᑦᑕᕐᓂᑕᖃᕐᕕᐅᔪᑦ ᓄᓇᒦᑦᑐᓂᑦ ᐱᓕᕆᐊᖑᔪᓂᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ ᒥᐊᓂᕆᔭᐅᔪᑦ ᐱᔪᖕᓇᖅᑎᑕᐅᓯᒪᙱᑦᑐᓄᑦ ᐃᖢᐃᓵᕆᔭᐅᓂᖏᓐᓄᑦ.
6.2.6
ᑕᐃᑉᓱᒪᓂᑐᖃᖅ ᐱᒻᒪᕆᐅᒋᔭᐅᓂᖓ ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᐃᑦ ᐱᓕᕆᐊᖑᖃᑦᑕᖅᑐᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ ᐱᔭᐅᓯᒪᔪᑦ ᒪᓕᒃᖢᒋᑦ ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᐃᑦ ᒥᐊᓂᖅᓯᓂᕐᒧᑦ ᐱᖁᔭᖅ.
6.2.7
ᑕᒪᐃᓐᓄᑦ ᐱᒻᒪᕆᐅᒋᔭᐅᓂᖏᑦ ᓄᓇᕐᔪᐊᕐᒥᑦ ᖃᖓᓂᑕᖃᕐᕕᐅᔪᑦ, ᐅᕝᕙᓘᓐᓃᑦ ᐃᓚᒋᔭᐅᔪᑦ ᓄᓇᕐᔪᐊᕐᒥᑦ ᑕᐃᑉᓱᒪᓂᑐᖃᓂᑦ ᐃᓂᐅᔪᓄᑦ, ᐱᓕᕆᐊᖑᖃᑦᑕᖅᑐᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐸᐸᑕᐅᔪᑦ ᐃᑲᔪᐃᓂᖃᕐᓂᐊᕐᓗᓂ ᐅᑉᓗᒥᐅᔪᒥᑦ ᐊᒻᒪᓗ ᓯᕗᓂᒃᓴᒥᑦ.
7. ᐱᔭᒃᓴᐅᑎᒋᔭᐅᔪᑦ
7.1
ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ ᐊᖓᔪᖅᖄᖅ ᐊᒻᒪᓗ ᐃᓱᒪᑕᕆᔭᐅᔪᑦ ᐃᒪᓐᓇᐃᑦᑕᕆᐊᖃᖅᑐᖅ:
7.1.1
ᐱᔭᒃᓴᐅᑎᒋᔭᐅᔪᑦ ᐊᒻᒪᓗ ᓂᕆᐅᒋᔭᐅᔪᑦ ᖃᓄᐃᖓᓂᐅᔪᑦ ᐊᑐᐊᒐᕐᒧᑦ ᑎᑭᐅᑎᔭᐅᑎᓪᓗᒋᑦ.
7.1.2
ᐃᒪᓐᓈᖅᑐᐃᓗᓂ ᒥᓂᔅᑕᒧᑦ ᓄᑖᙳᖅᑎᖅᑕᐅᓂᖓ ᐊᑐᐊᒐᖅ.
7.1.3
ᓈᒻᒪᒋᓗᒋᑦ ᐱᔾᔪᑎᖃᖅᑐᑦ ᐊᑐᖅᑕᐅᔭᕆᐊᓖᑦ ᐊᒻᒪᓗ ᓄᑖᙳᖅᑎᖅᑕᐅᔪᑦ.
7.2
ᐊᖓᔪᖅᖄᒧᑦ ᑐᖏᓕᕆᔭᐅᔪᖅ, ᓄᓇᖃᖅᖄᖅᑐᓂᒃ ᑲᒪᔭᖃᖅᑐᓄᑦ ᐊᒻᒪᓗ ᖃᖓᓂᑕᖅ ᑕᐃᑉᓱᒪᓂᑐᖃᓄᑦ ᐃᒪᓐᓇᐃᑦᑕᕆᐊᖃᖅᑐᖅ:
7.2.1
ᐊᔪᙱᑦᑐᒥᒃ ᓯᕗᓕᖅᑎᐅᓗᓂ ᐊᒻᒪᓗ ᐅᖃᐅᔾᔨᖃᑦᑕᕐᓗᓂ ᐊᑐᐊᒐᒧᑦ ᐊᒻᒪᓗ ᐃᓚᒋᔭᐅᔪᓄᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᓕᕆᔨᖏᓐᓄᑦ.
7.2.2
ᐱᓕᕆᐊᕆᓗᓂᐅᒃ ᐊᑐᓕᖅᑎᑕᐅᓂᖓ ᐊᑐᐊᒐᖅ ᐊᒻᒪᓗ ᐃᓚᒋᔭᐅᔪᑦ ᐱᔾᔪᑎᖃᖅᑐᓂᒃ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐃᓚᒋᔭᐅᔪᓂᑦ ᑲᑎᑦᑎᓂᕐᒧᑦ ᒪᓕᒃᖢᒍ ᐱᓕᕆᐊᖃᕐᓂᖏᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ.
7.2.3
ᐊᔪᙱᑦᑐᒥᒃ ᓯᕗᓕᖅᑎᐅᓗᓂ ᐊᒻᒪᓗ ᐅᖃᐅᔾᔨᖃᑦᑕᕐᓗᓂ ᐱᔾᔪᑎᖃᖅᑐᓂᒃ ᐸᕐᓇᐃᓂᕐᒧᑦ ᐊᒻᒪᓗ ᐱᑖᖅᑐᕐᓂᕐᒧᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ, ᐃᑦᑕᕐᓂᑕᖃᕐᕕᖕᓂᑦ, ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᐃᑦ, ᐊᒻᒪᓗ ᓄᓇᕐᔪᐊᕐᒥᑦ ᑕᐃᑉᓱᒪᓂᑐᖃᖅ ᐃᓂᐅᔪᑦ ᐱᓕᕆᐊᖑᔪᓂᒃ ᐊᒻᒪᓗ ᑲᒪᒋᔭᐅᔪᓂᒃ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ.
7.2.4
ᐊᔪᕈᖕᓃᖅᓴᐃᓃᑦ, ᖃᓄᐃᓕᐅᖅᑎᑦᑎᓂᖅ, ᐊᒻᒪᓗ ᐊᑐᖅᑕᐅᖃᑦᑕᖅᑐᓂᒃ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐊᐅᓚᑦᑎᓂᖅ ᓴᖅᕿᑕᐅᓯᒪᓗᑎᒃ ᐊᒻᒪᓗ ᒪᓂᒪᑎᓪᓗᒋᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᓕᕆᔨᖏᓐᓄᑦ.
7.2.5
ᐃᓕᑕᕆᔭᐅᓯᒪᓂᖓ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ section 7.4.1-ᑯᑦ ᐊᑐᖅᑕᐅᖃᑦᑕᕐᓗᓂ ᐊᒻᒪᓗ ᐊᔾᔨᒋᓗᒋᑦ ᓄᓇᖃᖅᖄᖅᑐᑦ ᑲᒪᔭᖃᕐᓂᖏᓐᓄᑦ ᐋᖅᕿᐅᒪᔪᖅ ᐊᒻᒪᓗ ᐃᓚᒋᔭᐅᔪᑦ.
7.2.6
ᐱᑕᖃᖅᑎᑦᑎᓗᓂ ᓄᓇᓕᖕᒥᑦ ᐊᑐᖅᑕᐅᖃᑦᑕᕐᓂᖓ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐊᐅᓚᑦᑎᓂᕐᒥᒃ.
7.2.7
ᐱᑕᖃᕐᓗᓂ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᑦ ᐃᓕᑕᕆᔭᐅᓯᒪᔪᓂᒃ section 7.4.1-ᒥᑦ.
7.2.8
ᖃᐅᔨᓴᕐᓗᒍ ᐊᔪᙱᓐᓂᕆᔭᖓ ᐊᑐᐊᒐᐅᑉ.
7.3
ᐊᖓᔪᖅᖄᒧᑦ ᑐᖏᓕᕆᔭᐅᔪᖅ, ᐊᐅᓛᖅᑎᑦᑎᔩᑦ ᐃᒪᓐᓇᐃᑦᑕᕆᐊᖃᖅᑐᖅ:
7.3.1
ᐱᓕᕆᐊᕆᓗᒍ ᐊᑐᓕᖅᑎᑕᐅᓂᖓ ᐊᑐᐊᒐᖅ ᐊᒻᒪᓗ ᐃᓚᒋᔭᐅᔪᑦ ᑕᐃᑉᓱᒪᓂᑐᖃᖃᕐᕕᖕᓄᑦ ᑎᑭᐅᑎᓂᐊᕐᓗᒋᑦ ᐱᔭᒃᓴᐅᑎᒋᔭᐅᔪᑦ ᐊᒻᒪᓗ ᓂᕆᐅᒋᔭᐅᔪᑦ ᖃᓄᐃᖓᓂᐅᔪᓂᑦ.
7.4
ᐊᑕᐅᑦᑎᒃᑯᑦ, ᐊᖓᔪᖅᖄᒧᑦ ᑐᖏᓕᕆᔭᐅᔪᖅ, ᐊᐅᓛᖅᑎᑦᑎᓂᕐᓄᑦ ᐊᒻᒪᓗ ᐊᖓᔪᖅᖄᒧᑦ ᑐᖏᓕᕆᔭᐅᔪᖅ, ᓄᓇᖃᖅᖄᖅᑐᓂᒃ ᑲᒪᔭᖃᖅᑐᓄᑦ ᐊᒻᒪᓗ ᖃᖓᓂᑕᓂᒃ ᑕᐃᑉᓱᒪᓂᑐᖃᓄᑦ ᐃᒪᓐᓇᐃᑦᑐᖕᓇᖅᑐᖅ:
7.4.1
ᓈᒻᒪᒋᓗᒋᑦ ᐃᓕᑕᕆᔭᐅᓂᖏᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᑭᓯᐊᓂ ᐱᔪᖕᓇᖅᑎᑦᑎᓂᖓ ᒥᓂᔅᑕᐅᑉ ᐊᒃᑐᐊᓂᖄᓂᒃᐸᑦ ᒪᓕᒐᕐᒧᑦ ᐅᕝᕙᓘᓐᓃᑦ ᐊᓯᐊᓄᑦ ᐊᑐᐊᒐᕐᒧᑦ.
7.4.2
ᐱᓕᕆᐊᖅᑖᖅᑎᑦᑎᓗᓂ ᐱᔪᖕᓇᖅᑎᑦᑎᔨᖓᓐᓄᑦ ᒪᓕᒡᓗᒍ section 7.4.1 ᓈᒻᒪᒋᔭᐅᓂᐊᕐᓗᑎᒃ ᐃᓕᑕᕆᔭᐅᓂᖓ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᑦ ᐊᖓᔪᖅᖄᖑᔪᒧᑦ ᒪᓕᒃᖢᒋᑦ ᐊᐅᓚᑦᑎᓂᖏᑦ.
7.1
ᐊᖓᔪᖅᖄᒧᑦ ᑐᖏᓕᕆᔭᐅᔪᖅ, ᐱᒋᔭᐅᔪᓄᑦ ᐊᒻᒪᓗ ᐱᖁᑎᒋᔭᐅᔪᓄᑦ ᐃᒪᓐᓇᐃᑦᑕᕆᐊᖃᖅᑐᖅ:
7.5.1
ᐊᖓᔪᒃᖠᐅᑉᓗᓂ ᐃᓂᓕᐅᖅᑕᐅᓯᒪᔪᖅ ᐱᓕᕆᔨᒧᑦ ᐱᒋᔭᐅᔪᒧᑦ ᐊᒻᒪᓗ ᐊᑐᖅᑕᐅᔪᓄᑦ, ᒪᓕᒐᐅᔪᑦ ᐊᑐᐊᒐᒦᑦᑐᑦ ᐊᒻᒪᓗ ᐱᔭᕆᐊᖃᖅᑎᑦᑎᓂᐅᔪᑦ ᐱᔾᔪᑎᖅᑐᑦ ᐃᓚᒋᔭᐅᔪᓄᑦ ᐃᓚᓕᐅᑎᔭᐅᓯᒪᓗᑎᒃ ᐱᓕᕆᐊᒧᑦ ᐊᐅᓚᑦᑎᓂᕐᒧᑦ, ᐸᕐᓇᐃᓂᕐᒧᑦ ᐊᒻᒪᓗ ᐱᑖᖅᑐᕐᓂᕐᓄᑦ ᐱᒋᔭᐅᔪᒧᑦ ᐊᒻᒪᓗ ᐊᑐᖅᑕᐅᔪᒧᑦ.
7.5.2
ᐃᑲᔪᕐᓂᐊᕐᓗᓂ ᐊᑐᓕᖅᑎᑕᐅᓂᖓ ᐊᑐᐊᒐᖅ ᐊᒻᒪᓗ ᐃᓚᒋᔭᐅᔪᑦ, ᐱᓕᕆᐊᕐᒧᑦ ᐊᔪᕈᖕᓃᖅᓴᐃᓂᕐᒧᑦ ᐊᑐᖅᑕᐅᔪᑦ ᐊᒻᒪᓗ ᖃᓄᐃᓕᐅᖅᑎᑦᑎᓂᖅ ᐊᓯᐅᔨᑦᑕᐃᓕᓂᕐᒧᑦ ᐱᒋᔭᐅᔪᒥᑦ ᓴᖅᕿᑕᐅᓯᒪᓗᑎᒃ ᐊᒻᒪᓗ ᒪᓂᒪᓗᒋᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᓕᕆᔨᖏᓐᓄᑦ.
7.6
ᐊᑕᐅᑦᑎᒃᑯᑦ, ᐊᖓᔪᖅᖄᒧᑦ ᑐᖏᓕᕆᔭᐅᔪᖅ, ᐊᐅᓛᖅᑎᑦᑎᓂᕐᓄᑦ ᐊᒻᒪᓗ ᐊᖓᔪᖅᖄᒧᑦ ᑐᖏᓕᕆᔭᐅᔪᖅ, ᓄᓇᖃᖅᖄᖅᑐᓂᒃ ᑲᒪᔭᖃᖅᑐᓄᑦ ᐊᒻᒪᓗ ᖃᖓᓂᑕᓂᒃ ᑕᐃᑉᓱᒪᓂᑐᖃᓄᑦ ᐃᒪᓐᓇᐃᑦᑕᕆᐊᖃᖅᑐᑦ:
7.6.1
ᒪᓕᒐᐅᔪᑦ ᐊᑐᐊᒐᒦᑦᑐᑦ ᐊᒻᒪᓗ ᐱᔭᕆᐊᖃᖅᑎᑦᑎᓂᐅᔪᑦ ᐱᔾᔪᑎᖃᖅᑐᑦ ᐃᓚᒋᔭᐅᔪᓄᑦ ᐊᑐᖅᑕᐅᓗᑎᒃ ᐊᒻᒪᓗ ᐊᔪᙱᑦᑐᒃᑯᑦ ᐃᓚᓕᐅᑎᔭᐅᓗᑎᒃ ᐊᑐᖅᑕᐅᔪᓄᑦ ᐊᒻᒪᓗ ᐱᒋᔭᐅᔪᑦ ᐱᑖᖅᑕᐅᓯᒪᔪᓄᑦ ᐃᓱᒪᓕᐅᕆᓂᕐᓄᑦ.
7.7
ᑕᒪᕐᒥᓗᒃᑖᖅ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐊᖓᔪᖅᖄᒧᑦ ᑐᖏᓕᕆᔭᐅᔪᑦ ᐃᒪᓐᓇᐃᑦᑕᕆᐊᖃᖅᑐᑦ:
7.7.1
ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᓕᕆᔨᖏᑦ ᐱᔭᕆᐊᖃᖅᑐᓂᒃ ᐊᔪᕈᖕᓃᖅᓴᖅᑕᐅᑎᓪᓗᒋᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓂᑦ ᐊᐅᓚᑦᑎᓂᕐᒧᑦ.
7.8
ᐱᓕᕆᕝᕕᐅᔪᒥᑦ ᐃᓱᒪᑕᕐᔪᐊᖅ ᐃᒪᓐᓇᐃᑦᑕᕆᐊᖃᖅᑐᖅ:
7.8.1
ᐃᒪᓐᓇᐃᓪᓗᓂ, ᑕᐃᑉᓱᒪᓂᑐᖃᖃᕐᕕᐅᔪᑦ, ᒪᓕᒐᐅᔪᑦ ᐊᑐᐊᒐᒦᑦᑐᑦ ᐊᒻᒪᓗ ᐱᔭᕆᐊᖃᖅᑎᑦᑎᓂᐅᔪᑦ ᐱᔾᔪᑎᖃᖅᑐᑦ ᐃᓚᒋᔭᐅᔪᑦ ᐊᑐᖅᑕᐅᓗᑎᒃ ᐊᒻᒪᓗ ᐊᔪᙱᑦᑐᒃᑯᑦ ᐃᓚᓕᐅᑎᔭᐅᓗᑎᒃ ᐊᐅᓚᑦᑎᓂᕐᒧᑦ ᖃᖓᓂᑕᓂᑦ ᐱᕝᕕᐅᖃᑦᑕᖅᑐᓄᑦ ᐊᔾᔨᒋᓗᒋᑦ ᐊᑐᖅᑕᐅᓗᐊᖃᑦᑕᖅᑐᓄᑦ ᑎᑎᕋᖅᓯᒪᔪᑦ ᐋᖅᕿᐅᒪᔪᖅ ᑕᐃᑉᓱᒪᓂᑐᖃᒧᑦ ᐊᒻᒪᓗ ᐃᖅᖃᐅᒪᔾᔪᑎᖃᕐᓂᕐᒧᑦ.
8. ᑐᑭᐅᔪᓂᒃ
- ᐃᑦᑕᕐᓂᑕᖃᕐᕕᐅᔪᖅ
- ᐃᓂᐅᔪᖅ ᑕᑯᒃᓴᐅᔪᓂᒃ ᖃᐅᔨᓐᓇᐅᑎᖃᖅᑐᖅ ᑕᐃᑉᓱᒪᓂ ᐃᓄᐃᑦ ᓱᓕᕆᓂᕆᕙᓚᐅᖅᑕᖏᓐᓂᑦ ᑕᐃᑲᓃᑦᑐᑦ, ᐊᑖᓂᑦ ᐅᕝᕙᓘᓐᓃᑦ ᖁᓛᓂᑦ ᒪᓂᕋᐅᑉ.
- ᐃᓂᓕᐅᖅᑕᐅᓯᒪᔪᖅ ᒐᕙᒪᑐᖃᒃᑯᓐᓂᑦ ᑕᐃᑉᓱᒪᓂᑐᖃᖅ ᐃᒡᓗᕐᔪᐊᖅ
- ᐃᓂᓕᐅᖅᑕᐅᓯᒪᔪᖅ ᒐᕙᒪᑐᖃᒃᑯᓐᓂᑦ ᑕᐃᑉᓱᒪᓂᑐᖃᖅ ᐃᒡᓗᕐᔪᐊᖅ ᐃᓂᓕᐅᖅᑕᐅᓯᒪᔪᖅ ᒪᓕᒃᖢᒍ ᑮᓇᐅᔭᓕᕆᓂᕐᒧᑦ ᑲᑎᒪᔨᒃᑯᑦ ᐊᑐᐊᒐᖓᑦ ᐊᐅᓚᑦᑎᓂᕐᒧᑦ ᐱᒋᔭᐅᔪᓂᒃ ᓯᕗᓂᐊᒍᑦ ᓄᕐᕋᐃᑦ 13, 2022.
- ᐃᖅᖃᐅᒪᑎᑦᑎᓂᐅᑉ ᐃᓗᐃᑦᑑᑦᑎᐊᕐᓂᖓ
- ᐱᔾᔪᑎᖃᖅᑐᖅ ᖃᓄᐃᖓᓂᕆᔭᖓᑕ ᓄᓇᖅᖃᑎᒌᑦ ᑕᐃᑉᓱᒪᓂᑐᖃᖅ ᐃᓂᐅᔪᖅ ᐱᓯᒪᑎᓪᓗᒍ ᑕᐃᑉᓱᒪᓂᑐᖃᕐᒥᑦ ᐱᒻᒪᕆᐅᓂᖓᓂᑦ ᐃᓂᓕᐅᖅᑕᐅᓯᒪᔾᔪᑎᒋᓯᒪᖓᓄᑦ. ᐃᖅᖃᐅᒪᑎᑦᑎᔾᔪᑎ ᐃᓗᐃᑦᑑᖓᓂᖓ ᑎᑭᐅᑎᔭᐅᖃᑦᑕᖅᑐᖅ ᐱᔾᔪᑕᐅᔪᒧᑦ ᐊᑐᖅᑕᐅᔪᖅ ᑎᑭᐅᑎᔭᐅᔭᕌᖓᑦ.
- ᐊᓯᐅᔨᑦᑕᐃᓕᓂᖅ
- ᑕᒪᕐᒥᓗᒃᑖᖅ ᖃᓄᐃᓕᐅᕈᑕᐅᔪᑦ ᐱᓕᕆᐊᖑᔪᓪᓘᓐᓃᑦ ᑐᕌᒐᖃᖅᑐᑦ ᐸᐸᓐᓂᐊᕐᓗᒋᑦ ᑕᐃᑉᓱᒪᓂᑐᖃᖅ ᐱᒻᒪᕆᐅᔪᓂᑦ ᖃᖓᓂᑕᓂᒃ ᐱᕝᕕᐅᖃᑦᑕᖅᑐᑦ, ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᑦ ᐃᑭᑦᑕᖅᑐᐃᑦ, ᐊᒻᒪᓗ ᓄᓇᕐᔪᐊᕐᒥᑦ ᑕᐃᑉᓱᒪᓂᑐᖃᖅ ᐃᓂᐅᔪᖅ.
- ᐱᖅᑯᓯᕆᔭᐅᔪᒃᑯᑦ ᐱᕝᕕᐅᖃᑦᑕᖅᑐᑦ
- ᖃᖓᓂᑕᓂᒃ ᐱᕝᕕᐅᖃᑦᑕᖅᑐᑦ ᐱᖃᖅᑐᑦ ᑕᐅᑐᒃᓯᒪᓂᕐᒥᒃ ᐃᓄᐃᑦ ᖃᓄᐃᓕᐅᕐᓂᖏᓐᓄᑦ ᐊᒻᒪᓗ ᑐᑭᖃᖅᑐᑦ ᐱᔭᐅᔪᓂᒃ ᐊᒃᑐᐊᓂᖃᕐᓂᖏᓐᓄᑦ ᐃᓄᐃᑦ ᐱᓐᓂᑯᖏᓐᓄᑦ, ᐱᖅᖁᓯᖏᓐᓄᑦ, ᐊᒻᒪᓗ ᐅᒃᐱᕐᓂᖏᓐᓄᑦ.
ᖃᖓᓂᑕᓂᒃ ᐱᕝᕕᐅᖃᑦᑕᖅᑐᓂᒃ ᐊᐅᓚᑦᑎᓂᖅ ᑐᕌᒐᖃᖅᑐᖅ ᐊᓯᐅᔨᑦᑕᐃᓕᓂᕐᒧᑦ ᑕᐃᑉᓱᒪᓂᑐᖃᖅ ᐱᒻᒪᕆᐅᔪᓄᑦ ᐅᑯᓂᖓᑦ:- ᑲᓇᑕᒥᑦ ᖃᖓᑐᖄᓗᒃᒥᑦ ᐃᓂᐅᔪᖅ;
- ᖃᖓᑐᖄᓗᒃᒥᑦ ᓄᓇᒃᑰᕈᑎᕐᔪᐊᓄᑦ ᐃᓂᐅᔪᖅ;
- ᒐᕙᒪᑐᖃᒃᑯᑦ ᑕᐃᑉᓱᒪᓂᑐᖃᖅ ᐱᒋᔭᐅᔪᖅ ᐃᓂᓕᐅᖅᓯᒪᑉᓗᓂ ᒪᓕᒃᖢᒍ ᐊᑐᖅᑕᐅᖃᑦᑕᖅᑐᖅ ᐊᐅᓚᑦᑎᓂᕐᒧᑦ ᐱᒋᔭᐅᔪᒥᒃ ᓄᕐᕋᐃᑦ 31, 2022-ᒥᑦ ᖄᖏᖅᑎᓪᓗᒍᓘᓐᓃᑦ;
- ᐃᓂᓕᐅᖅᑕᐅᓯᒪᔪᖅ ᒐᕙᒪᑐᖃᒃᑯᓐᓂᑦ ᑕᐃᑉᓱᒪᓂᑐᖃᖅ ᐃᒡᓗᕐᔪᐊᖅ; ᐊᒻᒪᓗ
- ᑕᑯᒃᓴᐅᑉᓗᓂ ᑕᑯᒃᓴᐅᖏᖦᖢᓂᓘᓐᓃᑦ ᐱᕝᕕᐅᖃᑦᑕᖅᑐᖅ ᐃᓕᑕᕆᔭᐅᓯᒪᔪᖅ ᑕᐃᑉᓱᒪᓂᑐᖃᕐᒥᑦ ᐱᒻᒪᕆᐅᓂᖓᓄᑦ ᒪᓕᒃᖢᒍ ᐃᓚᒋᔭᐅᔪᖅ section 7.4.1.
- ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᑦ ᐃᑭᑦᑕᖅᑐᖅ
- ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᑦ ᐃᑭᑦᑕᖅᑐᖅ ᐊᓯᖏᓪᓗ ᐃᒡᓗᕐᔪᐊᑦ ᐃᓂᓕᐅᖅᓯᒪᔪᑦ ᐃᓚᒋᔭᐅᔪᖅ 6-ᑯᑦ ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᑦ ᐃᑭᑦᑕᖅᑐᒥᒃ ᒥᐊᓂᖅᓯᓂᕐᒧᑦ ᐱᖁᔭᕐᒥᑦ.
- ᑕᐃᑉᓱᒪᓂᑐᖃᒥᑦ ᐃᓂᐅᔪᖅ
- ᓄᓇ, ᓄᓇᐅᑉ ᖄᖓᓄᐊᖅᓯᒪᔪᖅ, ᓯᑯ, ᐊᒻᒪᓗ ᐃᒪᖅ ᐊᐅᓚᑕᐅᔪᖅ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ ᑲᓇᑕᒥᑦ ᖃᖓᑐᖃᖅ ᐃᓂᐅᔪᖅ, ᑲᓇᑕᒥᑦ ᒥᕐᖑᐃᖅᕐᕕᒃ ᐊᒻᒪᓗ ᒥᕐᖑᐃᖅᓯᕐᕕᖕᒧᑦ ᐃᓂᐅᔪᖅ, ᑲᓇᑕᒥᑦ ᑕᕆᐅᕐᒥᑦ ᐊᓯᐅᔨᑦᑕᐃᓕᓂᖃᕐᕕᐅᔪᖅ ᐊᒻᒪᓗ ᐃᓂᐅᔪᖅ, ᐊᒻᒪᓗ ᐊᓯᖏᑦ ᒥᐊᓂᖅᓯᓂᖃᕐᕕᐅᔪᑦ ᑕᐃᑉᓱᒪᓂᑐᖃᖃᕐᕕᐅᔪᖅ ᑐᑭᓕᐅᖅᑕᐅᓯᒪᑉᓗᓂ ᐃᓚᒋᔭᐅᔪᖅ 2-ᒥᑦ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᔾᔪᔾᔨᓂᕐᒧᑦ ᐱᖁᔭᕐᒥᑦ.
ᖃᖓᑐᖄᓗᒃᒥᑦ ᓄᓇᒃᑰᕈᑎᕐᔪᐊᓄᑦ ᐃᓂᐅᔪᖅ ᖃᖓᑐᖄᓗᒃᒥᑦ ᓄᓇᒃᑰᕈᑎᕐᔪᐊᓄᑦ ᐃᓂᐅᔪᖅ ᐃᓂᓕᐅᖅᑕᐅᓯᒪᔪᖅ ᐃᓚᒋᔭᐅᔪᖅ 4-ᒥᑦ ᑕᐃᑉᓱᒪᓂᑐᖃᐃᑦ ᓄᓇᒃᑰᕈᑎᕐᔪᐊᑦ ᐊᑉᖁᑎᓄᑦ ᐃᓂᐅᔪᓂᒃ ᒥᐊᓂᖅᓯᓂᕐᒧᑦ ᐱᖁᔭᖅ. - ᑕᐃᑉᓱᒪᓂᑐᖃᖅ ᐱᒻᒪᕆᐅᓂᕆᔭᖓ
- ᐱᑦᑕᐅᓴᖅᑕᐅᓂᖓ, ᑕᐃᑉᓱᒪᓂᑐᖃᐅᔪᖅ, ᖃᐅᔨᓇᓱᒃᑐᓕᕆᓂᖅ, ᐱᖅᖁᓯᖅ, ᐃᓅᖃᑎᒌᑦ, ᐅᕝᕙᓘᓐᓃᑦ ᐅᒃᐱᕐᓂᕆᔭᐅᔪᒧᑦ ᐱᒻᒪᕆᐅᒋᔭᐅᔪᖅ ᖃᖓᓂᑕᓂᒃ ᐱᕝᕕᐅᖃᑦᑕᖅᑐᖅ ᐅᕝᕙᓘᓐᓃᑦ ᐃᑦᑕᕐᓂᑕᖃᕐᕕᐅᔪᖅ.
ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᓄᑦ ᐃᑭᑦᑕᖅᑐᓄᑦ, ᑕᐃᑉᓱᒪᓂᑐᖃᕐᒧᑦ ᐱᒻᒪᕆᐅᓂᖓ ᑐᑭᖃᖅᑐᖅ ᑕᐃᑉᓱᒪᓂᑐᖃᖃᕐᓂᖓᓄᑦ.
ᓄᓇᕐᔪᐊᕐᒥᑦ ᑕᐃᑉᓱᒪᓂᑐᖃᖅ ᐃᓂᐅᔪᒧᑦ, ᑕᐃᑉᓱᒪᓂᑐᖃᕐᒧᑦ ᐱᒻᒪᕆᐅᓂᖓ ᑐᑭᖃᖅᑐᖅ ᐱᑦᑕᐅᑦᑎᐊᖅᑐᒥᒃ ᓇᓂᓗᒃᑖᖅ ᐱᒻᒪᕆᐅᔪᖅ.
ᓱᓕᔫᓂᖓᓄᑦ ᑕᐃᑉᓱᒪᓂᑐᖃᖃᕐᓂᖓ ᐱᒻᒪᕆᐅᔪᒧᑦ ᖃᓄᐃᑦᑑᓂᖓ ᖃᖓᓂᑕᓂᒃ ᐱᕝᕕᐅᖃᑦᑕᖅᑐᒧᑦ ᐃᓂᓕᐅᖅᓯᒪᔭᖓ ᒥᓂᔅᑕᐅᑉ ᐱᔭᐅᔪᖕᓇᖅᑐᖅ ᑭᑐᑐᐃᓐᓇᓄᑦ ᐊᑎᓕᐅᕆᕝᕕᖕᒥᑦ ᒐᕙᒪᑐᖃᒃᑯᑦ ᑕᐃᑉᓱᒪᓂᑐᖃᓄᑦ ᐃᓂᓕᐅᕆᔭᖏᓐᓂᑦ ᑲᒪᒋᔭᐅᔪᖅ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᓐᓄᑦ. - ᐃᓕᑕᕆᔭᐅᓯᒪᔪᖅ ᒐᕙᒪᑐᖃᒃᑯᓐᓂᑦ ᑕᐃᑉᓱᒪᓂᑐᖃᖅ ᐃᒡᓗᕐᔪᐊᖅ
- ᐃᒡᓗᕐᔪᐊᖅ ᐃᓂᓕᐅᖅᑕᐅᓯᒪᓂᖓᓄᑦ ᐃᓕᑕᕆᔭᐅᓯᒪᔪᖅ ᒐᕙᒪᑐᖃᒃᑯᓐᓂᑦ ᑕᐃᑉᓱᒪᓂᑐᖃᖅ ᐃᒡᓗᕐᔪᐊᖅ-ᑐᑦ ᒪᓕᒃᖢᒍ ᐊᑐᐊᒐᖓᑦ ᐊᐅᓚᑦᑎᓂᕐᒧᑦ ᐱᒋᔭᐅᔪᓂᒃ ᓯᕗᓂᐊᒍᑦ ᓄᕐᕋᐃᑦ 13, 2022.
9. ᓇᓗᓇᐃᔭᐃᕕᐅᓯᒪᔪᑦ
ᒪᓕᒐᖅ
- ᑲᓇᑕᒥᑦ ᑕᕆᐅᕐᒥᑦ ᐅᓯᐅᔨᑦᑕᐃᓕᓂᖃᕐᕕᐅᔪᓄᑦ ᐱᖁᔭᖅ ᑲᓇᑕᒥᑦ ᒥᕐᖑᐃᖅᓯᕐᕕᖕᓄᑦ ᐱᖁᔭᖅ
- ᑲᓇᑕᒥᑦ ᐃᖏᕐᕋᔭᒡᕕᐅᔪᖕᓇᖅᑐᑦ ᐃᒪᕐᓄᑦ ᐱᖁᔭᖅ ᐃᖏᕐᕋᔭᒃᑐᓕᕆᔨᒃᑯᑦ ᐱᖁᔭᖅ
- ᒐᕙᒪᑐᖃᒃᑯᓐᓄᑦ ᐱᒋᔭᐅᔪᒧᑦ ᐊᒻᒪᓗ ᒐᕙᒪᑐᖃᒃᑯᑦ ᓅᑕᐅᓂᖅ ᐊᔪᖅᑐᓄᑦ ᐱᖁᔭᖅ ᑮᓇᐅᔭᓕᕆᓂᕐᒧᑦ ᐱᖁᔭᖅ
- ᑕᐃᑉᓱᒪᓂᑐᖃᖅ ᐅᖓᓯᒃᑐᒥᑦ ᑕᑯᔭᐅᔪᖕᓇᖅᑐᑦ ᐃᑭᑦᑕᖅᑐᒥᒃ ᒥᐊᓂᖅᓯᓂᕐᒧᑦ ᐱᖃᔭᖅ ᖃᖓᑐᖄᓗᒃᒥᑦ ᓄᓇᒃᑰᕈᑎᕐᔪᐊᓄᑦ ᐃᓂᐅᔪᓂᒃ ᒥᐊᓂᖅᓯᓂᕐᒧᑦ ᐱᖁᔭᖅ
- ᑕᐃᑉᓱᒪᓂᑐᖃᓄᑦ ᐃᓂᐅᔪᓄᑦ ᐊᒻᒪᓗ ᐃᖅᖃᐅᒪᔾᔪᑎᓄᑦ ᐱᖁᔭᖅ Impact Assessment Act
- ᓘᕆᔫ ᐃᒡᓗᕐᔪᐊᕐᒧᑦ (Laurier House) ᐱᖁᔭᖅ
- ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᖁᔭ ᕉᔾ ᑲᓇᑕᒥᑦ ᐃᓄᖃᖅᑐᓄᑦ ᒥᕐᖑᐃᖅᓯᕐᕕᖕᒧᑦ ᐱᖁᔭᖅ
- ᓴᒍᓃ-ᓴᐃᓐᑦ ᓘᕆᐊᓐᔅ ᐃᒪᕐᒥᑦ (Saguenay-St. Lawrence Marine) ᒥᕐᖑᐃᖅᓯᕐᕕᖕᒧᑦ ᐱᖁᔭᖅ
- ᑲᑎᓯᒪᔪᑦ ᓄᓇᖅᖃᑎᒌᑦ ᐅᖃᕐᓂᕋᐅᑎᖓ ᐱᔪᖕᓇᐅᑎᖏᓐᓄᑦ ᓄᓇᖃᖅᖄᖅᑐᑦ ᐃᓄᖕᓄᑦ ᐱᖁᔭᖅ
ᐱᔾᔪᑎᖃᖅᑐᑦ ᐊᑐᐊᒐᓄᑦ ᐃᓚᒋᔭᐅᔪᑦ
- ᑲᓇᑕᐅᑉ ᐱᓕᕆᖃᑎᒌᖕᓂᕐᒧᑦ ᐅᑉᓗᒥᒥᑦ ᐊᖏᖃᑎᒌᒥᑦ ᐊᑐᓕᖅᑎᑦᑎᓂᕐᒧᑦ ᐊᑐᐊᒐᖅ
- ᐋᖅᕿᐅᒪᔪᖅ ᐱᓕᕆᐊᖅ ᑕᐃᑉᓱᒪᓂᒧᑦ ᐊᒻᒪᓗ ᐃᖅᖃᐅᒪᓂᕐᒧᑦ: ᓄᓇᖅᖃᑎᒌᑦ ᑕᐃᑉᓱᒪᓂᑐᖃᖅ ᐃᓂᐅᔪᓂᒃ ᐋᖅᕿᐅᒪᓂᕐᒧᑦ ᐸᕐᓇᐅᑎ 2019
- ᓄᓇᖃᖅᖄᖅᑐᑦ ᑲᒪᔭᖃᕐᓂᖏᓐᓄᑦ ᐋᖅᕿᐅᒪᔪᖅ ᐃᓄᐃᑦ ᓄᓇᖓᑦ-ᒧᑦ ᐊᑐᐊᒐᖅ
- ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᐱᖁᑎᓄᑦᐊᐅᓚᑦᑎᓂᕐᒧᑦ ᒪᓕᒐᖅ ᑲᓇᑕᒥᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᒪᓕᒐᖓᑦ ᐊᒃᑐᖅᓯᓂᕐᒥᒃᖃᐅᔨᓴᐃᓂᕐᒧᑦ
- ᐊᑐᖅᑕᐅᖃᑦᑕᖅᑐᑦ ᐊᒻᒪᓗ ᒪᓕᒃᑕᐅᔪᒃᓴᐃᑦ ᐸᐸᑦᑎᓂᕐᒧᑦ ᑕᐃᑉᓱᒪᓂᑐᖃᖅ ᐃᓂᐅᔪᓂᒃ ᑲᓇᑕᒥᑦ (2010)
- ᑮᓇᐅᔭᓕᕆᓂᕐᒧᑦ ᑲᑎᒪᔨᒃᑯᑦ ᐊᑐᐊᒐᖓᑦ ᐸᕐᓇᐃᓂᕐᒧᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐱᑖᖑᔪᓂᑦ
ᓄᓇᕐᔪᐊᕐᒥᑦ ᐅᖃᕐᓂᕋᐅᑏᑦ, ᐊᖏᖃᑎᒌᒍᑏᑦ ᐊᒻᒪᓗ ᐃᖅᕿᓕᖕᓄᑦ ᐊᖏᖃᑎᒌᒍᑏᑦ
- ᐊᖏᖃᑎᒌᒍᑎ ᐱᔾᔪᑎᖃᖅᑐᓂᒃ ᒥᐊᓂᕆᔭᐅᓂᖏᓐᓄᑦ ᓄᓇᕐᔪᐊᕐᒥᑦ ᐱᖅᖁᓯᕐᒧᑦ ᐊᒻᒪᓗ ᓄᓇᒥᑦ ᐱᓯᒪᔪᓂᒃ ᑕᐃᑉᓱᒪᓂᑐᖃᓂᒃ
- ᑲᑎᓯᒪᔪᑦ ᓄᓇᖅᖃᑎᒌᑦ ᐅᖃᕐᓂᕋᐅᑎᖓ ᐱᔪᖕᓇᐅᑎᖏᓐᓄᑦ ᓄᓇᖃᖅᖄᖅᑐᑦ ᐃᓄᖕᓄᑦ ᐱᖁᔭᖅ
ᐊᓯᖏᑦ
- ᒪᓕᒐᐃᑦ ᐱᔾᔪᑎᒋᑉᓗᒋᑦ ᒐᕙᒪᒃᑯᑦ ᐱᓕᕆᖃᑎᒌᖕᓂᖏᑦ ᓄᓇᖃᖅᖄᖅᑐᑦ ᐃᓄᖕᓂᑦ ᐅᓂᑉᑳᑦ ᑲᓇᑕᒥᑦ ᓱᓕᓂᕐᒧᑦ ᐊᒻᒪᓗ ᐋᖅᕿᖃᑎᒌᖕᓂᕐᒧᑦ ᑲᑎᒪᔨᒃᑯᓐᓂᑦ
- ᑲᑎᓯᒪᔪᑦ ᓄᓇᖅᖃᑎᒌᑦ ᐅᖃᕐᓂᕋᐅᑎᖓᑦ ᐱᔪᖕᓇᐅᑎᖏᓐᓄᑦ ᓄᓇᖃᖅᖄᖅᑐᑦ ᐃᓄᖕᓄᑦ ᐱᖁᔭᖅ ᖃᓄᐃᓕᐅᕈᑎᖃᕐᓂᕐᒧᑦ ᐸᕐᓇᐅᑎ
- Date modified :