ᐊᑐᐊᒐᖅ ᐊᐅᓚᑦᑎᔾᔪᑎᑦ ᐱᐅᓯᑐᖃᖃᕐᕕᖕᓄᑦ, ᐃᑦᓴᕐᓂᑕᖃᕐᕕᓕᑦ ᐃᓂᖏᑦ, ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎᖏᑦ, ᐊᒻᒪᓗ ᓯᓚᕐᔪᐊᒥ ᐱᖁᑎᑐᖃᑦ ᐃᓕᖏᑦ ᐊᑐᐊᒐᖅ ᐊᐅᓚᑦᑎᔾᔪᑎᑦ ᐱᐅᓯᑐᖃᖃᕐᕕᖕᓂᑦ, ᐃᑦᓴᕐᓂᑕᖃᕐᕕᖕᓂᒃ, ᐱᖁᑎᑐᖃᕐᓂᒃ (South)
1. ᐊᑑᑎᖃᖅᑐᑦ ᐅᓪᓗᖏᑦ
ᐅᓇ ᐊᑐᐊᒐᖅ ᐊᑑᑎᖃᓕᕐᓂᐊᖅᑐᖅ ᓯᑎᐱᕆ 1, 2025.
ᐅᓇ ᐊᑐᐊᒐᖅ ᐊᒻᒪᓗ ᑕᒪᑐᒧᖓ ᐊᑕᔪᑦ ᐱᓕᕆᔾᔪᑎᑦ ᐃᓚᖐᔪᑦ ᐱᐅᓯᑐᖃᕐᓄᑦ ᐊᐅᓚᑦᑎᔾᔪᑎᑦ ᐊᑐᐊᒐᖅ ᓇᓂᔭᐅᔪᓐᓇᖅᑐᖅ ᐃᓚᖓ lll ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᑐᑭᒧᐊᒍᑎᖏᑦ ᑐᓐᖓᔾᔪᑎᑦ ᐊᒻᒪᓗ ᐊᐅᓚᑦᑎᔾᔪᑎᒃᓴᓄᑦ ᐊᑐᐊᒐᐃᑦ.
2. ᐊᖏᖅᑕᐅᓯᒪᕗᑦ
ᐅᓇ ᐊᑐᐊᒐᖅ ᓴᕿᑕᐅᓯᒪᔪᖅ ᒪᓕᒐᖅᑎᒍᑦ ᑎᑎᖃᖏᓐᓂᑦ 4 (1) ᐊᒻᒪᓗ 12 (3) ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᖁᔭᕐᔪᐊᖅ.
3. ᐃᓗᓕᖏᑦ
ᐱᐅᓯᑐᖃᖃᕐᕕᑦ ᑕᒪᐃᓐᓄᑦ ᐃᓚᒋᔭᐅᔪᑦ ᑐᑭᓯᐅᒪᓂᕐᒧᑦ, ᖁᔭᓕᓂᕐᒧᑦ, ᐊᑐᖅᑕᐅᔪᑦ, ᐊᒻᒪᓗ ᖁᕕᐊᒋᔭᐅᔪᑦ ᐱᖁᑎᑐᖃᑦ ᐃᓂᖃᕐᕕᖏᑦ. ᐊᑑᑎᖃᖅᑐᑦ ᐊᑕᔪᑦ ᐱᐅᓯᑐᖃᖃᕐᕕᑦ ᓇᒧᑐᐃᓐᓇᖅ ᐊᑑᑎᖃᖅᑐᑦ, ᑕᑯᑎᑦᑎᔪᑦ ᐊᒥᓱᓂᒃ ᑕᐅᑦᑐᖏᓐᓂᒃ ᐊᒻᒪᓗ ᓯᓚᕐᔪᐊᑉ ᑕᐅᑦᑐᖏᓐᓂᒃ, ᐊᒻᒪᓗ ᐊᓯᖑᓲᖑᖕᒥᔪᑦ ᐊᑯᓂᐅᔪᒥ ᖃᖓᐅᓕᑐᖃᕌᖓᑦ. ᐊᐅᓚᑦᑎᔾᔪᑕᐅᔪᑦ ᐃᑲᔫᑎᒋᐊᖃᖅᑐᑦ ᓱᖏᐅᓴᐅᑎᒃᓴᖏᓐᓄᑦ ᖃᓄᕆᑦᑐᑐᐃᓐᓇᑦᑎᐊᓂᒃ ᐱᓯᒪᔪᑦ ᑖᒃᑯᐊ ᐃᓗᓕᖏᓐᓂᒃ ᐊᒻᒪᓗ ᑭᐅᓯᓂᖅ ᐃᑲᔪᖅᓯᓂᖅ ᐊᓯᖑᖅᑐᓄᑦ ᐃᓕᓴᕆᓯᒪᓗᒋᑦ ᐱᒻᒪᕆᐅᓂᖏᑦ ᐱᐅᓯᑦᑎᐊᕙᐅᓛᖑᔪᑦ ᐊᒻᒪᓗ ᐱᑕᖃᕆᐊᖃᕐᓂᖓᓂ ᑐᑭᓯᓇᖅᑐᓂᒃ ᐱᒋᐊᕈᑎᒃᓴᓂᒃ. ᐅᓇ ᐊᑐᐊᒐᖅ ᑐᓂᓯᓯᒪᔪᖅ ᑕᒪᐃᓐᓂᒃ ᑐᑭᒧᐊᒍᑎᒃᓴᓂᒃ ᐊᐅᓚᑕᐅᓂᐊᖅᑎᓪᓗᒋᑦ ᐱᐅᓯᑐᖃᖃᕐᕕᑦ ᑕᐃᒪᓗ ᓱᕈᖅᑕᐅᓂᐊᓐᖏᒻᒪᑕ ᐱᖁᑎᑐᖃᑦ ᐊᑑᑎᖃᖅᑐᑦ ᑕᒪᒃᑯᐊᑦᑕᐅᖅ, ᑕᐃᑲᓂᓗ ᑲᓇᑕᒥ ᐃᑦᓴᕐᓂᑕᖃᕐᕕᑦ, ᐅᑯᐊ ᐃᖃᐅᒪᔾᔪᑎᓄᑦ ᒪᓕᒋᐊᓕᑦ. ᐅᓇ ᐊᑐᐊᒐᖅ ᑐᒥᓯᓯᒪᔪᖅ ᐃᑦᓴᕐᓂᑕᖃᕐᕕᓕᑦ ᐃᓂᖏᑦ, ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᐊᒻᒪᓗ ᓯᓚᕐᔪᐊᒥ ᐱᖁᑎᑐᖃᑦ ᐃᓂᖏᓐᓂᒃ.
ᐅᓇ ᓄᑖᖑᕆᐊᕐᓂᖓ ᐊᑐᐊᒐᖅ ᐃᖏᕐᕋᓯᑎᓯᒪᔪᖅ ᑭᐅᓯᔾᔪᑎᒋᓪᓗᒍ ᑭᒡᓕᓯᓐᓂᐊᖅᑎᒃᑯᑦ ᑲᓇᑕ ᐱᓕᕆᐊᖑᖁᔭᖏᑦ 79(ii). ᐅᓇ ᐊᑐᐊᒐᖅ ᐃᑲᔪᖅᓯᖅᑐᖅ ᐱᓕᕆᐊᖑᖁᔭᖏᓐᓂᒃ ᓇᓗᓇᐃᖅᓯᒪᔪᓂ ᑲᓇᑕᐅᑉ ᒐᕙᒪᒃᑯᑦ ᐱᓕᕆᐊᒃᓴᖏᓐᓄᑦ ᐸᕐᓇᐅᑎᑦ ᓴᕿᑕᐅᓯᒪᔪᑦ ᑭᐅᓯᓪᓗᑎᒃ ᔪᓇᐃᑎᑦ ᓇᐃᓴᓐᔅ ᓱᓕᓂᕋᐅᑎᑦ ᐱᔪᓐᓇᐅᑎᖃᕐᓂᖏᓐᓄᑦ ᓄᓇᖅᑲᖅᑳᖅᓯᒪᔪᑦ.
ᐊᑐᖅᖢᒍ ᑖᓐᓇ ᐊᑐᐊᒐᖅ, ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐃᒃᐱᒍᓱᑦᑎᐊᖅᑐᑦ ᑲᓇᑕᐅᑉ ᐱᖁᔭᕐᔪᐊᖓᓂᒃ ᓴᐳᒻᒥᔪᓂᒃ ᐱᔪᓐᓇᐅᑎᖃᕐᓂᖏᓐᓂᒃ ᓄᓇᖅᑲᖅᑳᖅᓯᒪᔪᑦ ᐊᒻᒪᓗ ᐊᑐᖅᓯᓂᐊᖅᑐᑦ ᐱᔪᓐᓇᐅᑎᖃᖅᑎᓪᓗᒋᑦ ᐊᒻᒪᓗ ᐱᔭᒃᓴᖃᖅᑐᑦ ᐊᑕᔪᑦ ᒫᓐᓇᐅᔪᖅ ᐊᒻᒪᓗ ᐃᒻᒪᑲᓪᓚᓂᑕᑦ ᐊᖏᕈᑎᑦ, ᐊᖏᖅᑕᐅᓯᒪᔪᑦ, ᐊᒻᒪᓗ ᐊᓯᖏᑦ ᐊᑑᑎᖃᖅᑐᑦ ᐋᕿᒃᑕᐅᓯᒪᔪᑦ, ᓲᕐᓗ ᓴᐳᓐᓂᐊᕐᓂᖅ ᓄᓇᓂᒃ ᓴᕿᑕᐅᓯᒪᔪᑦ ᐊᖏᕈᑎᑦᑎᒍᑦ ᐊᒻᒪᓗ ᐊᒃᑐᖅᑕᐅᔪᑦ ᐊᒻᒪᓗ ᐃᑲᔫᓯᐊᕈᑎᒃᓴᑦ ᐊᖏᕈᑎᑦ.
ᐅᓇ ᐊᑐᐊᒐᖅ ᒪᓕᒃᑐᖅ ᐊᒥᓱᓂᒃ ᐋᕿᒃᑕᐅᓯᒪᔪᓂᒃ ᑐᓐᖓᔾᔪᑎᓂᒃ ᐅᑯᐊᓗ ᐊᑐᓂ ᐃᓗᓕᖏᑦ ᐱᖁᑎᑐᖃᑦ ᐃᓂᖃᕐᕕᖏᑦᑕ ᐱᓯᒪᔪᑦ. ᐊᒥᓱᑦ ᓄᓇᓖᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐱᓕᕆᖃᑕᐅᔪᑦ ᐊᖏᔪᒥᒃ ᐊᒻᒪᓗ ᐊᔾᔨᒋᔭᐅᓐᖏᑦᑐᓂᒃ ᑲᑎᖓᓂᖃᖅᑐᑦ ᐱᐅᓯᑐᖃᕐᒥᖕᓄᑦ ᐱᖁᑎᑐᖃᓄᑦ ᐊᑖᒍᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐸᕿᔭᖏᓐᓂᒃ. ᐃᒃᐱᒋᑦᑎᐊᖅᖢᒋᑦ ᐅᑯᐊ ᑲᑎᖓᔾᔪᑎᖏᑦ, ᐊᔾᔨᒌᓐᖏᑦᑐᓂᒃ ᑕᐅᑦᑐᕆᔭᐅᔪᑦ ᐊᒻᒪᓗ ᓯᓚᕐᔪᐊᒥ ᑕᐅᑦᑐᕆᔭᐅᔪᑦ ᐊᑑᑎᖃᑦᑎᐊᕐᓂᐊᖅᑐᑦ ᐊᐅᓚᑦᑎᔾᔪᑎᖏᑦ ᐱᐅᓯᑐᖃᖃᕐᕕᖕᓄᑦ. ᐅᓇ ᐊᑐᐊᒐᖅ, ᑐᑭᓯᓇᓱᖃᑎᖃᖅᓯᒪᓪᓗᑎᒃ ᑕᒪᐃᓐᓂᒃ, ᑐᓂᓯᓯᒪᕗᖅ ᐱᕕᖃᕐᑎᑦᑎᓪᓗᓂ ᐋᕿᒃᓱᐃᓗᑎᒃ ᐊᒻᒪᓗ ᓴᖕᖏᒃᑎᒋᐊᕐᓗᖏᑦ ᐊᕙᑖᓂᑦ ᐃᓚᒌᒍᓯᖏᑦ ᐊᒻᒪᓗ ᑐᑭᓯᓗᑎᒃ, ᓯᕗᓕᐅᖅᓯᓗᑎᒃ ᐊᑑᑎᖃᖅᑐᓂᒃ, ᓄᖑᑉᐸᓪᓕᐊᓂᐊᓐᖏᖅᑐᓂᒃ, ᐊᒻᒪᓗ ᐱᐅᓯᑐᖃᕐᒧᑦ ᐊᑑᑎᖃᖅᑐᑦ ᐸᕿᓂᖅ ᐱᐅᓯᑐᖃᖃᕐᕕᖏᓐᓂᒃ ᐱᖁᑎᑐᖃᖏᓐᓂᒃ.
4. ᐊᑑᑎᖃᕐᕕᖏᑦ
4.1
ᐅᓇ ᐊᑐᐊᒐᖅ ᐊᑑᑎᖃᖅᑐᑦ ᐅᑯᓄᖓ:
4.1.1
ᐱᐅᓯᑐᖃᖃᕐᕕᑦ ᐃᓗᐊᓂ ᐱᖁᑎᑐᖃᑦ ᐃᓂᖃᕐᕕᖏᑦ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐊᒻᒪᓗ ᓄᐅᑕᐅᓯᒪᔪᑦ ᐊᑖᒍᑦ ᐸᕿᔭᐅᑦᑎᐊᖅᑐᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐃᓚᒋᔭᐅᓪᓗᑎᒃ ᐱᐅᓯᑐᖃᖃᕐᕕᑦ ᐅᑯᐊᓗ ᐊᑐᖅᑐᐊᖅᑕᐅᔪᑦ ᐅᕝᕙᓘᓐᓃᑦ ᐊᑐᖅᑎᑕᐅᔪᑦ ᐱᖓᓱᒋᔭᐅᔪᓄᑦ ᐱᓇᓱᐊᖅᑎᓄᑦ.
4.1.2
ᐃᑦᓴᕐᓂᑕᖃᕐᕕᓕᑦ ᐃᓂᖏᑦ ᓄᓇᒥ ᐊᐅᓚᑕᐅᔪᑦ ᑖᒃᑯᓇᖓᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
4.1.3
ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᐊᐅᓚᑕᐅᔪᑦ ᑖᒃᑯᓇᖓᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
4.1.4
ᓯᓚᕐᔪᐊᒥ ᐱᖁᑎᑐᖃᑦ ᐃᓂᖏᑦ, ᐅᕝᕙᓘᓐᓃᑦ ᐃᓚᖓᒥ ᓯᓚᕐᔪᐊᖅ ᐱᖁᑎᑐᖃᑦ ᐃᓂᖏᓐᓂᑦ, ᐊᐅᓚᑕᐅᔪᑦ ᑖᒃᑯᓇᖓᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
4.2
ᐅᓇ ᐊᑐᐊᒐᖅ ᐊᑑᑎᖃᓐᖏᑦᑐᖅ ᐅᑯᓄᖓ:
4.2.1
ᐃᓅᑉ ᑎᒥᐊᓂᖔᖅᑐᑦ, ᐃᓗᕕᖅᓯᐅᕈᑎᑦ, ᐃᓗᕕᑦ, ᐊᒻᒪᓗ ᐊᓯᖏᑦ ᐃᓗᕕᖃᕐᕕᕕᓂᑐᖃᐃᑦ ᓄᓇᒥ.
4.3
ᐅᓇ ᐊᑐᐊᒐᖅ ᐅᖃᓕᒫᖅᑕᐅᒋᐊᓕᒃ ᐊᒻᒪᓗ ᐊᑐᖅᑕᐅᓗᑎᒃ ᒪᓕᒐᖏᑦ ᐊᑑᑎᖃᖅᑐᓄᑦ ᒪᓕᒋᐊᓕᖕᓄᑦ, ᐱᖁᔭᕋᓛᑦ ᐊᒻᒪᓗ ᐊᑐᐊᒐᐃᑦ ᐃᓚᒋᔭᐅᔪᑦ ᑭᓯᐊᓂᑦᑕᐅᖅ ᐊᓯᖏᑦ ᑕᕝᕙᓂ ᑎᑎᕋᖅᓯᒪᔪᑦ 9-ᐊᑖᓂ. ᐅᓇ ᐊᑐᐊᒐᖅ ᐅᖃᓕᒫᖅᑕᐅᒋᐊᓕᒃᑕᐅᖅ ᐊᒻᒪᓗ ᐊᑐᖅᑕᐅᓗᑎᒃ ᑕᒪᕐᒥᒃ ᐊᑑᑎᖃᖅᑐᑦ ᐊᖏᕈᑎᑦ, ᐊᖏᖅᑕᐅᓯᒪᔪᑦ, ᐊᒻᒪᓗ ᐊᑑᑎᖃᖅᑐᑦ ᐋᕿᒃᑕᐅᓯᒪᔪᑦ ᓄᓇᖅᑲᖅᑳᖅᓯᒪᔪᓄᑦ.
5. ᑐᓐᖓᔾᔪᑎᖏᑦ
ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐃᖅᑲᓇᐃᔭᖅᑎᖏᑦ ᐱᓇᔪᕆᐊᖃᖅᑐᑦ ᐊᑐᖅᓯᓗᑎᒃ ᐊᑖᓂ ᑎᑎᕋᖅᓯᒪᔪᑦ ᑐᓐᖓᔾᔪᑎᑦ ᐊᐅᓚᑦᑎᓗᑎᒃ ᐱᐅᓯᑐᖃᖃᕐᕕᖕᓂᒃ:
5.1
ᑐᑭᓯᓇᓱᖃᑎᒌᖕᓂᖅ
5.1.1
ᓴᓇᖃᑎᒋᓗᒋᑦ ᓄᓇᖅᑲᖅᑳᖅᓯᒪᔪᑦ ᐱᓕᓂᕆᖃᑎᕗᑦ ᒪᓕᑦᑎᐊᕐᓗᑕ ᓄᓇᖅᑲᖅᑳᖅᓯᒪᔪᑦ ᐸᕿᔾᔪᑎᖏᓐᓂᒃ ᖃᓄᐃᓕᖓᓇᔭᕐᓂᖓᑦᑎᒍᑦ ᐊᒻᒪᓗ ᓄᓇᓖᑦ ᐅᑯᐊ ᓱᕈᖅᑕᐅᑦᑕᐃᓕᑎᑦᑎᔪᑦ ᐊᒻᒪᓗ ᐅᖃᐅᓯᕆᓗᒋᑦ ᐱᓕᕆᔾᔪᓯᕆᔭᑎᒃ ᐊᔾᔨᒌᓐᖏᑦᑐᓄᑦ ᑕᐅᑦᑐᕆᔭᐅᔪᓄᑦ ᐊᒻᒪᓗ ᖃᐅᔨᒪᔭᖃᕐᕕᐅᔪᓄᑦ.
5.1.2
ᑐᑭᓯᓇᓱᖃᑎᒌᒡᓗᑎᒃ ᐱᓕᕆᖃᑎᒋᔭᑎᒃᓗ ᐃᓱᒪᓕᐅᕆᑦᑎᐊᕐᓂᐊᕐᒪᑕ ᐊᐅᓚᑦᑎᔾᔪᑎᒃᓴᓄᑦ ᐱᐅᓯᑐᖃᖃᕐᕕᖕᓄᑦ.
5.2
ᑐᑭᓯᓂᖅ
5.2.1
ᑐᓴᕐᑎᑦᑎᖕᒥᓗᑎᒃ ᖃᐅᔨᒪᓂᕐᒥᒃ ᐊᕙᑖᓂᑦ ᑐᑭᓯᕚᓪᓕᕈᑕᐅᓂᐊᖅᑐᑦ ᐱᖁᑎᑐᖃᕐᓂᒃ ᐊᑑᑎᖏᓐᓂᒃ ᐱᐅᓯᑐᖃᖃᕐᕕᖕᓂ ᐅᑯᐊᓗ ᖃᐅᔨᒪᑎᑦᑎᔪᑦ ᓄᓇᖅᑲᖅᑳᖅᓯᒪᔪᑦ ᐱᐅᓯᖏᓐᓂᒃ ᖃᐅᔨᒪᓂᕐᒥᒃ ᐊᒻᒪᓗ ᒪᓕᒃᑐᑦ ᐊᔾᔨᒌᓐᖏᑦᑐᓂᒃ ᖃᐅᔨᓴᕈᓯᕐᓂᒃ ᐊᒻᒪᓗ ᐱᕕᐅᖃᑦᑕᖅᑐᑦ ᐃᓚᖏᔭᐅᕗᑦ ᐅᓂᒃᑳᖅᑐᐊᑐᖃᐃᑦ.
5.2.2
ᐊᑐᖅᓯᓗᑎᒃ ᑕᒪᑐᒥᖓ ᑐᑭᓯᐅᒪᓂᕐᒥᒃ ᐃᓕᓴᕆᔭᐅᒪᒋᐊᖃᕐᓂᖏᓐᓂᒃ ᐱᐅᓯᑐᖃᖃᕐᕕᑦ, ᐱᐅᓯᑐᖃᐃᑦ ᐊᑑᑎᖃᖅᑐᑦ ᓂᕈᐊᖅᓯᒪᓪᓗᒋᑦ, ᐊᒻᒪᓗ ᐊᑑᑎᖃᒻᒪᕆᒃᑐᑦ ᐸᕿᔾᔪᓯᖏᑦ ᐱᐅᓯᑐᖃᖃᕐᕕᖕᒥᖕᓂᒃ.
5.3
ᓄᖑᑕᐅᕙᓪᓕᐊᓐᖏᓪᓗᑎᒃ
5.1.1
ᓴᕿᑦᑎᓯᒪᔪᑦ ᓱᕈᖅᑕᐅᑦᑕᐃᓕᑎᑦᑎᓂᖅ ᓂᕆᐅᓇᖅᖢᓂ ᒪᓕᒃᑐᑦ ᐱᖁᑎᑐᖃᑦ ᐊᑑᑎᖃᕐᓂᖏᑦ ᐱᐅᓯᑐᖃᖃᕐᕕᖕᓄ ᐃᓱᒪᒋᔭᐅᑦᑎᐊᕐᓗᑎᒃ ᐊᑐᐃᓐᓇᖃᖅᑎᑕᐅᓗᑎᒃ ᑮᓇᐅᔭᓂᒃ ᐊᒻᒪᓗ ᐃᖅᑲᓇᐃᔭᖅᑎᓂᒃ ᐊᒻᒪᓗ ᑲᔪᓯᔪᓐᓇᑦᑎᐊᕐᓗᑎᒃ ᐊᑑᑎᖃᕈᓯᖏᑦ.
6. ᑐᑭᑖᕈᑕᐅᕙᓪᓕᐊᔪᑦ ᐊᒻᒪᓗ ᓂᕆᐅᒋᔭᐅᔪᑦ ᑐᑭᓯᓇᖅᓯᓂᐊᖅᑐᓂᒃ
6.1
ᐅᓇ ᑐᑭᑖᕈᑕᐅᕙᓪᓕᐊᔪᖅ ᑖᔅᓱᒧᖓ ᐊᑐᐊᒐᖅ ᑐᑭᒧᐊᒃᑎᑦᑎᓂᖓ ᐊᐅᓚᑦᑎᔾᔪᑕᐅᔪᓄᑦ ᐱᐅᑐᖃᖃᕐᕕᖕᓄᑦ, ᐃᑦᓴᕐᓂᑕᖃᕐᕕᓕᑦ ᐃᓂᖏᑦ, ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᐊᒻᒪᓗ ᓯᓚᕐᔪᐊᒥ ᐱᖁᑎᑐᖃᑦ ᐃᓂᖏᓐᓄᑦ ᐊᐅᓚᑕᐅᔪᑦ ᐊᒻᒪᓗ ᐸᕿᔭᐅᑦᑎᐊᖅᑐᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
6.2
ᐅᑯᐊ ᓂᕆᐅᒋᔭᐅᔪᑦ ᑖᔅᓱᒧᖓ ᐊᑐᐊᒐᕐᒧᑦ ᐊᑖᓂ ᑎᑎᕋᖅᓯᒪᕗᑦ:
6.2.1
ᐱᖁᑎᑐᖃᑦ ᐊᑑᑎᖃᕐᓕᖏᑦ ᐱᐅᓯᑐᖃᖃᕐᕕᑦ ᓱᕋᖅᑕᐃᑕᐃᓕᓯᒪᔪᑦ ᐃᒃᐱᒋᑦᑎᐊᖅᖢᒋᑦ ᑭᖑᓂᑦᑎᓐᓂ ᐃᓅᓚᐅᖅᓯᒪᔪᑦ ᐊᒻᒪᓗ ᐃᑲᔫᑎᓂᐊᕐᒪᑕ ᒫᓐᓇ ᐊᒻᒪᓗ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᓄᑦ.
6.2.2
ᐱᒋᐊᕈᑎᑦ ᐊᐅᓚᑦᑎᔾᔪᑎᒃᓴᓄᑦ ᐱᐅᓯᑐᖃᖃᕐᕕᖕᓄᑦ ᐃᓂᖃᕐᕕᖏᓐᓂᑦ-ᐱᓯᒪᔪᑦ ᐊᒻᒪᓗ ᐱᐅᓯᑐᖃᖏᓐᓄᑦ ᐊᑑᑎᖃᖅᑐᑦ.
6.2.3
ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐊᑐᖅᓯᔪᑦ ᖃᓄᐃᓕᖓᔾᔪᑎᒃᓴᓄᑦ ᐊᑐᖅᑕᐅᔪᓐᓇᐅᓂᐊᖅᑐᓂᒃ ᐃᓱᒪᓕᐅᕆᔾᔪᓯᖃᕐᓗᑎᒃ ᐱᐅᓯᑐᖃᖃᕐᕕᖕᓄᑦ ᐊᒻᒪᓗ ᐃᑦᓴᕐᓂᑕᖃᕐᕕᓕᑦ ᐃᓂᖏᑦ ᐊᔪᕐᓇᕈᓐᓃᖅᑎᓪᓗᒋᑦ ᐊᒻᒪᓗ ᐃᒃᐱᒋᑦᑎᐊᕐᓗᒋᑦ ᓄᓇᖅᑲᖅᑳᖅᓯᒪᔪᑦ ᐸᕿᔨᐅᓂᖏᑦ ᑕᒪᒃᑯᓄᖓ ᐱᖁᑎᑐᖃᑦ ᐃᓂᖃᕐᕕᖏᑦ.
6.2.4
ᐱᐅᓯᑐᖃᖃᕐᕕᖕᓂᒃ ᐊᐅᓚᑦᑎᓂᖅ ᐊᑑᑎᖃᑦᑎᐊᖅᑐᑦ ᐃᓚᓕᐅᑎᓯᒪᓗᑎᒃ ᐊᐅᓚᑦᑎᔾᔪᑎᖏᓐᓄᑦ ᐱᖁᑎᑐᖃᑦ ᐃᓂᖃᕐᕕᖏᑦ ᐊᒻᒪᓗᑦᑕᐅᖅ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᓯᕗᓪᓕᐅᑎᒋᐊᖃᖅᑕᖏᓐᓄᑦ, ᐱᓕᕆᑎᑦᑎᔾᔪᑎᖏᓐᓄᑦ, ᐊᒻᒪᓗ ᐸᕐᓇᒃᓯᒪᔭᖏᓐᓄᑦ.
6.2.5
ᐃᑦᓴᕐᓂᑕᖃᕐᕕᓕᑦ ᐃᓂᖏᑦ ᓄᓇᑐᐃᓐᓇᒥ ᐊᐅᓚᑕᐅᕗᑦ ᑖᒃᑯᓇᖓᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᓴᐳᒻᒥᔭᐅᔪᑦ ᐊᖏᖅᑕᐅᓯᒪᓐᖏᑦᑐᓂᑦ ᐸᒡᕕᔭᐅᔭᕆᐊᒃᓴᖅ.
6.2.6
ᐅᓇ ᐱᖁᑎᑐᖃᑦ ᐊᑑᑎᖃᕐᓂᖓ ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᐊᐅᓚᑕᐅᔪᑦ ᑖᒃᑯᓇᖓᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐋᕿᒃᑕᐅᑦᑎᐊᖅᓯᒪᔪᑦ ᒪᓕᑦᑎᐊᖅᖢᑎᒃ ᑖᒃᑯᑎᒍᑦ ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᓴᐳᒻᒥᔾᔪᑎᖏᑦ ᐱᖁᔭᕐᔪᐊᖅ.
6.2.7
ᐅᑯᐊ ᓱᓕ ᐱᓕᕆᔭᕆᐊᓕᑦ ᓯᓚᕐᔪᐊᒥ ᐊᑑᓯᖃᖅᑐᑦ ᐃᕈᑎᑐᖃᑦ ᐃᓂᖏᑦ, ᐅᕝᕙᓘᓐᓃᑦ ᐃᓚᖏᑦ ᓯᓚᕐᔪᐊᒥ ᐱᖁᑎᑐᖃᑦ ᐃᓂᖏᑦ, ᐊᐅᓚᑕᐅᔪᑦ ᑖᒃᑯᓇᖓᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᓱᕈᖅᑕᐅᔾᔭᐃᖅᓯᒪᔪᑦ ᐃᑲᔫᑎᓂᐊᕐᒪᑕ ᒫᓐᓇ ᐅᓪᓗᒥ ᐊᒻᒪᓗ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᓄᑦ.
7. ᓵᑕᒃᓴᐅᓂᖅ
7.1
ᐅᑯᐊ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐊᖓᔪᖅᑳᖓ ᐊᒻᒪᓗ ᐊᖓᔪᖅᑳᑦ ᐊᐅᓚᑦᓯᔨᖏᓐᓂ ᐃᒪᓐᓇᐅᔭᕆᐊᓕᑦ:
7.1.1
ᖃᐅᔨᒪᓗᑎᒃ ᐱᔾᔪᑎᖏᑦ ᑐᑭᑖᕈᑕᐅᕙᓪᓕᐊᓂᖏᓐᓄᑦ ᑐᑭᑖᑦᑎᐊᕐᓗᑎᒃ ᐊᒻᒪᓗ ᓂᕆᐅᒋᔭᐅᔪᑦ ᐋᕿᒍᑎᓂᐊᖅᑐᑦ ᑖᔅᓱᒪᖓᑦ ᐊᑐᐊᒐᕐᒥᑦ.
7.1.1
ᐊᑐᓕᖅᑕᐅᖁᔭᖏᑦ ᒫᓐᓇᕈᖅᑎᕆᔾᔪᑕᐅᓗᑎᒃ ᑖᔅᓱᒥᖓ ᐊᑐᐊᒐᕐᒥᒃ ᒥᓂᔅᑕᒧᑦ.
7.1.1
ᐊᖏᖅᓯᓗᑎᒃ ᑕᒪᑐᒧᖓ ᑐᑭᒧᐊᒍᑎᑦ ᐊᒻᒪᓗ ᑕᒫᖓᑦ ᖃᓄᐃᓕᖓᓕᕐᒪᖔᑕ ᖃᐅᔨᒋᐊᖃᑦᑕᕈᑎᒃᓴᑦ.
7.2
ᐅᑯᐊ ᐊᖓᔪᖅᑳᖅ-ᑐᖏᓕᖓ, ᐃᓄᓕᕆᔨᑐᖃᒃᑯᑦ ᐊᒻᒪᓗ ᐃᑦᑕᕐᓂᑕᓕᕆᔨᒃᑯᑦ ᐱᖁᑎᑐᖃᓄᑦ ᐃᒪᓐᓇᐅᒋᐊᓕᑦ:
7.2.1
ᑐᓂᓯᓗᑎᒃ ᐊᐅᓚᑦᑎᒋᐊᓕᑦ ᓯᕗᓕᐅᖅᑎᑦ ᐊᒻᒪᓗ ᐅᖃᐅᔾᔨᖃᑦᑕᕐᓗᑎᒃ ᑕᒪᑐᒥᖓ ᐊᑐᐊᒐᖅ ᐊᒻᒪᓗ ᑕᒪᒃᑯᓄᖓ ᐊᑕᔪᑦ ᓴᓇᕐᕈᑎᖏᑦ ᑖᒃᑯᓄᖓ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᖕᓄᑦ.
7.2.1
ᓯᕗᓕᐅᕆᓗᑎᒃ ᐊᑐᓕᖅᑎᑕᐅᔪᒥᒃ ᑕᒪᑐᒥᖓ ᐊᑐᐊᒐᖅ ᐊᒻᒪᓗ ᑖᒃᑯᓄᖓ ᐊᑕᔪᑦ ᓴᓇᕐᕈᑎᑦ ᐃᒃᐱᒋᑦᑎᐊᖅᖢᒋᑦ ᐱᐅᓯᑐᖃᖃᕐᕕᑦ ᐅᑯᐊᓗ ᐃᓚᒋᔭᐅᔪᑦ ᓄᐊᑕᐅᓂᖏᑦᑕ ᐊᑖᖑᑦ ᐸᕿᔭᖏᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
7.2.1
ᑐᓂᓯᓯᒪᓗᑎᒃ ᐊᐅᓚᑦᑎᔪᓐᓇᖅᑐᓂᒃ ᓯᕗᓕᐅᖅᑎᓂᒃ ᐊᒻᒪᓗ ᐅᖃᐅᔾᔨᓯᒪᓗᑎᒃ ᐸᕐᓇᐃᓂᕐᒧᑦ ᐊᒻᒪᓗ ᖃᑭᔾᔪᑎᒃᓴᓕᐅᕈᑎᓄᒃ ᐱᐅᓯᑐᖃᖃᓕᕆᓂᕐᒧᑦ, ᐃᑦᓴᕐᓂᑕᖃᕐᕕᓕᑦ ᐃᓂᖏᑦ, ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎᑦ ᐊᒻᒪᓗ ᓯᓚᕐᔪᐊᕐᒥ ᐱᖁᑎᑐᖃᑦ ᐃᓂᖏᑦ ᐊᐅᓚᑕᐅᔪᑦ ᐊᒻᒪᓗ ᐸᕿᔭᐅᔪᑦ ᑖᒃᑯᓇᖓᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
7.2.1
ᑕᐃᒪᓗ ᐱᔭᕆᐅᖅᓴᑎᑦᑎᓂᖅ, ᑐᑭᒧᐊᒃᑎᑦᑎᓂᖅ, ᐊᒻᒪᓗ ᓴᓇᕐᕈᑎᑦ ᐱᐅᓯᑐᖃᖃᕐᕕᖕᓂᒃ ᐊᐅᓚᑦᑎᓂᖅ ᓴᕿᑕᐅᓗᑎᒃ ᐊᒻᒪᓗ ᐊᑐᐃᓐᓇᐅᓗᑎᒃ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᖕᓄᑦ
7.2.1
ᐃᓕᓴᕆᔭᐅᒐᓗᐊᕐᒪᖔᑕ ᐱᐅᓯᑐᖃᖃᕐᕕᑦ ᐊᑖᒍᑦ section 7.4.1 ᑲᔪᓯᑎᑕᐅᓗᑎᒃ ᐊᒻᒪᓗ ᒪᓕᑦᑎᐊᕐᓗᑎᒃ ᓄᓇᖅᑲᖅᑳᖅᓯᒪᔪᑦ ᐸᕿᔨᑦ ᖃᓄᐃᓕᖓᓇᔭᕈᑎᖏᓐᓂᒃ ᐊᒻᒪᓗ ᑕᒪᒃᑯᓄᖓ ᐊᑕᔪᑦ ᓴᓇᕐᕈᑎᑦ.
7.2.1
ᐊᑐᖅᓯᑦᑎᐊᖏᓐᓇᕐᓗᑎᒃ ᓄᓇᓕᖕᓂ ᐱᓕᕆᔾᔪᓯᑦ ᐱᐅᓯᑐᖃᖃᕐᕕᖕᓂ ᐊᐅᓚᑦᑎᓪᓗᑎᒃ.
7.2.1
ᐊᑐᖅᓯᑦᑎᐊᖏᓐᓇᖅᑐᑦ ᐱᖁᑎᖃᕐᕕᒋᓪᓗᒋᑦ ᐱᐅᓯᑐᖃᖃᕐᕕᑦ ᐃᓕᓴᕆᔭᐅᓯᒪᔪᑦ ᐊᑖᒍᑦ section 7.4.1.
7.2.1
ᒥᐊᓂᕆᓗᒍ ᐊᑑᑎᖃᑦᑎᐊᕐᒪᖔ ᐅᓇ ᐊᑐᐊᒐᖅ.
7.3
ᐅᓇ ᐊᖓᔪᖅᑳᖅ-ᑐᖏᓕᖓ, ᐊᐅᓚᑦᓯᔨᖓᓐᓂᑦ ᐃᒪᓐᓇᐅᔭᕆᐊᓕᒃ:
7.5.1
ᓯᕗᓕᐅᕆᓗᑎᒃ ᐊᑐᓕᖅᑎᑕᐅᕙᓪᓕᐊᑎᓪᓗᒍ ᐅᓇ ᐊᑐᐊᒐᖅ ᐊᒻᒪᓗ ᐊᑕᔪᑦ ᓴᓇᕐᕈᑎᑦ ᐱᖁᑎᑐᖃᑦ ᐃᓂᖃᕐᕕᖏᓐᓂ ᑎᑭᐅᑎᑦᑎᐊᖅᓯᒪᓂᐊᕐᒪᑕ ᑐᕌᕈᑎᖏᓐᓂᒃ ᑐᑭᑖᕈᑕᐅᕙᓪᓕᐊᓂᖏᓐᓄᑦ ᐊᒻᒪᓗ ᓂᕆᐅᒋᔭᐅᔪᓄᑦ ᑐᑭᓯᓇᖅᓯᑎᑦᑎᔾᔪᑕᐅᓂᐊᖅᑐᓄᑦ.
7.4
ᑲᑐᔾᔨᓗᑎᒃ, ᐅᑯᐊ ᐊᖓᔪᖅᑳᖅ-ᑐᖏᓕᖓ, ᐊᐅᓚᑦᓯᔨᖏᓐᓂᑦ ᐊᒻᒪᓗ ᐊᖓᔪᖅᑳᖅ-ᑐᖏᓕᖓ, ᐃᓄᓕᕆᔨᑐᖃᒃᑯᑦ ᐊᒻᒪᓗ ᐃᑦᑕᕐᓂᑕᓕᕆᔨᒃᑯᑦ ᐱᖁᑎᑐᖃᑦ ᐃᒪᓐᓇᐅᓂᐊᖅᑐᖅ:
7.5.1
ᐊᖏᖅᑕᐅᓗᑎᒃ ᐃᓕᓴᕆᔭᐅᔾᔪᑎᖏᑦ ᐱᐅᓯᑐᖃᖃᕐᕕᑦ ᑭᓯᐊᓂ ᐊᖓᔪᖅᑳᖅ ᑕᐃᒪᐃᑎᑕᐅᒍᓂ ᒪᓕᒐᕐᒧᑦ ᐅᕝᕙᓘᓐᓃ ᐊᓯᐊᓂᑦ ᐊᑐᐊᒐᕐᒥᑦ ᒥᓂᔅᑕᒧᑦ.
7.5.1
ᑲᑎᒪᔭᖅᑐᖅᑎᑕᐅᓯᒪᔪᑦ ᐊᑐᓂ ᐊᖓᔪᖅᑳᖃᕐᕕᖃᖅᑐᓂᑦ ᐊᑖᒍᑦ section 7.4.1 ᐊᖏᖅᓯᓗᑎᒃ ᐃᓕᓴᕆᔭᐅᔪᓐᓇᕐᓂᖓᓂ ᐱᐅᓯᑐᖃᖃᕐᕕᑦ ᑖᒃᑯᓄᖓ ᐊᐅᓚᑦᓯᔨᑦ ᐊᑖᒍᑦ ᐊᐅᓚᑦᓯᕕᖕᒥᖕᓂᑦ.
7.5
ᐊᖓᔪᖅᑳᖅ-ᑐᖏᓕᖓ, ᐃᒡᓗᑦ ᐊᒻᒪᓗ ᐱᖁᑎᑦ ᐃᒪᓐᓇᐃᓕᖓᔭᐅᔭᕆᐊᓕᑦ:
7.5.1
ᐃᓂᖃᖅᖢᖓ ᐊᖓᔪᖅᑳᖅ ᓴᓂᖅᕙᒃᑕᐅᓯᒪᔪᓄᑦ ᐃᒡᓗᓕᕆᔨ ᐊᒻᒪᓗ ᐱᖁᑎᓄᑦ, ᑕᐃᒪᓗ ᑐᓐᖓᔾᔪᑎᖏᑦ ᑕᒪᑐᒧᖓ ᐊᑐᐊᒐᖅ ᐊᒻᒪᓗ ᑕᐃᒪᓐᓇᐅᔭᕆᐊᖃᖅᑎᑕᐅᔪᑦ ᐃᓚᓕᐅᑎᓯᒪᑦᑎᐊᖃᑦᑕᖅᑐᑦ ᑭᒃᑯᑦ ᐊᐅᓚᑦᑎᓂᖏᑦᑎᒍᑦ, ᐸᕐᓇᐃᓂᖏᑦᑎᒍᑦ ᐊᒻᒪᓗ ᖃᑭᔾᔪᑎᒃᓴᓕᐅᕈᑎᑦᑎᒍᑦ ᐃᒡᓗᓄᑦ ᐊᒻᒪᓗ ᐱᖁᑎᓄᑦ.
7.5.1
ᐃᑲᔪᖅᖢᒍ ᐊᑐᓕᖅᑎᑕᐅᓯᒪᔪᖅ ᑕᒪᓐᓇ ᐊᑐᐊᒐᖅ ᐊᒻᒪᓗ ᐊᑕᔪᑦ ᓴᓇᕐᕈᑎᑦ ᑕᒪᒃᑯᐊ ᖃᓄᐃᓕᐅᕈᑕᐅᔪᓄᑦ ᐱᔭᕆᐅᖅᓴᐅᑎᑦ ᓴᓇᕐᕈᑎᑦ ᐊᒻᒪᓗ ᑐᑭᒧᐊᒍᑎᑦ ᓱᕈᖅᑕᐅᑕᐃᓕᑎᑦᑎᓂᕐᒧᑦ ᐃᒡᓗᓕᒃ ᓴᕿᑕᐅᓯᒪᔪᓄᑦ ᐊᒻᒪᓗ ᐊᑐᐃᓐᓇᐅᔪᓄᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᖕᓄᑦ.
7.6
ᑲᑐᔾᔨᓪᓗᑎᒃ, ᐅᑯᐊ ᐊᖓᔪᖅᑳᖅ-ᑐᖏᓕᖓ, ᐃᒡᓗᓄᑦ ᐊᒻᒪᓗ ᐱᖁᑎᓄᑦ ᐊᒻᒪᓗ ᐊᖓᔪᖅᑳᖅ-ᑐᖏᓕᖓ ᐃᓄᓕᕆᔨᑐᖃᒃᑯᑦ ᐊᒻᒪᓗ ᐃᑦᑕᕐᓂᑕᓕᕆᔨᒃᑯᑦ ᐱᖁᑎᑐᖃᑦ ᐃᒪᓐᓇᐅᔭᕆᐊᖃᖅᑐᑦ:
7.5.1
ᑐᓐᖓᔾᔪᑎᖏᑦ ᑕᒪᑐᒧᐊ ᐊᑐᐊᒐᖅ ᐊᒻᒪᓗ ᑕᐃᒪᓐᓇᐅᔭᕆᐊᖃᖅᑎᑕᐅᔪᓄᑦ ᐊᑕᔪᑦ ᓴᓇᕐᕈᑎᖏᓐᓄᑦ ᐊᑑᑎᖃᖅᑎᑕᐅᑦᑎᐊᕋᓗᐊᕐᒪᖔᑕ ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᐃᓚᓕᐅᑎᓯᒪᓗᑎᒃ ᐱᖁᑎᑦ ᐊᒻᒪᓗ ᐃᒡᓗᑦ ᖃᑭᔾᔪᑕᐅᓇᓱᒍᓐᓇᕐᓗᑎᒃ ᐃᓱᒪᓕᐅᕆᓯᒪᓗᑎᒃ.
7.7
ᑕᒪᕐᒥᒃ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐊᖓᔪᖅᑳᖅ-ᑐᖏᓕᖏᑦ ᐃᒪᓐᓇᐅᔭᕆᐊᖃᖅᑐᑦ:
7.5.1
ᑖᒃᑯᐊ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᑦ ᐊᑑᑎᖃᑦᑎᐊᖅᑐᓂᒃ ᐱᔭᕆᐅᖅᓴᓯᒪᑦᑎᐊᕋᓗᐊᕐᒪᖔᑕ ᐱᐅᓯᑐᖃᖃᕐᕕᖕᓂᒃ ᐊᐅᓚᑦᑎᓂᕐᒧᑦ.
7.8
ᓄᓇᒥ ᐱᓇᓱᐊᖅᑎᑦ ᐅᔾᔨᖅᑐᖅᑎᖓ ᐃᒪᓐᓇᐅᔭᕆᐊᖃᖅᑐᑦ:
7.5.1
ᑖᒃᑯᐊ, ᑕᐃᑲᓂ ᐱᖁᑎᑐᖃᑦ ᐃᓂᖃᕐᕕᖏᑦ, ᑐᓐᖓᕕᖏᑦ ᑕᒪᑐᒧᖓ ᐊᑐᐊᒐᖅ ᐊᒻᒪᓗ ᑕᐃᒪᓐᓇᐅᔭᕆᐊᖃᖅᑎᑕᐅᔪᑦ ᐊᑕᔪᑦ ᓴᓇᕐᕈᑎᑦ ᐊᑑᑎᖃᖅᑎᑕᐅᑦᑎᐊᕋᓗᐊᕐᒪᖔᑕ ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᐃᓚᓕᐅᑎᓯᒪᓗᑎᒃ ᐊᐅᓚᑦᑎᔾᔪᑎᒥᖕᓄᑦ ᐱᐅᓯᑐᖃᖃᕐᕕᖕᓄᑦ ᑕᐃᒫᒃ ᒪᓕᑦᑎᐊᕐᓗᑎᒃ ᐊᑑᑎᖃᖅᑐᓂᒃ ᐱᓕᕆᔾᔪᓯᕐᓂᒃ ᓇᓗᓇᐃᑦᑎᐊᖅᓯᒪᔪᑦ ᐃᓗᐊᓂ ᖃᓄᐃᓕᖓᓇᔭᕐᓂᖓ ᐃᒻᒪᑲᓪᓚᓂᑕᓄᑦ ᐊᒻᒪᓗ ᐃᖃᐅᒪᑎᑦᑎᔾᔪᑏᑦ.
8. ᑕᐃᒎᓯᑦ
- ᐃᑦᓴᕐᓂᑕᖃᕐᕖᑦ ᐃᓂᖏᑦ
- ᐃᓂᖃᕐᕕᖏᑦ ᐅᕝᕙᓘᓐᓃᑦ ᐃᓂᖓ ᑎᒍᔭᒃᓴᐅᔪᖅ ᑕᑯᑎᑦᑎᔪᖅ ᑭᖑᓂᑦᑎᓐᓂ ᐃᓄᖕᓂᒃ ᖃᓄᐃᓕᐅᖅᑕᐅᓂᑯᑦ ᒫᓐᓇᒧᑦ ᖃᓄᐃᓕᐅᓯᒪᓐᖏᑦᑎᐊᖅᑐᑦ, ᐊᑖᓂ ᐅᕝᕙᓘᓐᓃᑦ ᖁᓛᓂ ᓄᓇ ᒪᓂᕋᖅ.
- ᓇᓗᓇᐃᖅᑕᐅᓯᒪᔪᖅ ᒐᕙᒪᑐᖃᒃᑯᑦ ᐱᖁᑎᑐᖃᑦ ᐃᒡᓗ
- ᓇᓗᓇᐃᖅᑕᐅᓯᒪᔪᖅ ᒐᕙᒪᑐᖃᒃᑯᑦ ᐱᖁᑎᑐᖃᖓ ᐃᒡᓗ ᓴᓂᖅᕙᒃᑕᐅᓯᒪᔪᖅ ᐊᑖᒍᑦ ᑮᓇᐅᔭᓕᕆᔨᕐᔪᐊᑦ ᑲᓇᑕᒥ ᑲᑎᒪᔨᖏᑦᑕ ᐊᑐᐊᒐᖏᑦ ᐊᐅᓚᑦᑎᔾᔪᑕᐅᔪᓄᑦ ᐃᒡᓗᓄᑦ ᓯᕗᓂᐊᓂ ᒪᐃ 13, 2022.
- ᐃᖃᐅᒪᔾᔪᑎᑦ ᐱᕚᓪᓕᖅᓯᒪᓂᐊᕐᒪᑕ
- ᐱᓯᒪᔪᖅ ᖃᓄᕆᑑᓂᖓᓂ ᐅᕝᕙᓘᓐᓃᑦ ᒫᓐᓇ ᖃᓄᐃᓕᖓᓂᖓᓂ ᑲᓇᑕᒥ ᐱᖁᑎᑐᖃᑦ ᐃᓂᖓ ᑕᐃᑲᓂ ᐃᓂᖓ ᐱᓯᒪᔭᐅᑎᓪᓗᒍ ᐱᖁᑎᑐᖃᐅᓂ ᐊᑑᑎᖃᕐᓂᖓ ᐅᓇᓗ ᑐᓂᔭᐅᓯᒪᓕᖅᑐᖅ ᐃᖃᐅᒪᔭᐅᕕᖃᖅᓂ ᑎᑭᐅᑎᓯᒪᓂᐊᕐᒪᑕ ᓇᓪᓕᐊᖕᓄᑦ ᑕᖏᕆᔭᕆᐊᖃᖅᑕᖏᓐᓄᑦ.
- ᓱᕈᖅᑕᐅᑦᑕᐃᓕᑎᑦᑎᓂᖅ
- ᑕᒪᕐᒥᒃ ᐱᓕᕆᐊᒃᓴᐃᑦ ᐅᕝᕙᓘᓐᓃ ᐱᓕᕆᔾᔪᓯᓕᒫᖏᑦ ᑐᕌᖅᑐᑦ ᐱᓯᒪᐃᓐᓇᕈᑎᒃᓴᓄᑦ ᐱᖁᑎᑐᖃᑦ ᐊᑑᑎᖃᐃᓐᓇᕐᓗᑎᒃ ᐱᐅᓯᑐᖃᖁᑎᒋᔭᐅᓗᑎᒃ, ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᐊᒻᒪᓗ ᓯᓚᕐᔪᐊᒥ ᐱᖁᑎᑐᖃᑦ ᐃᓂᖏᑦ.
- ᐱᓯᑐᖃᖃᕐᕕᑦ
- ᐱᐅᓯᑐᖃᖃᕐᕕᑦ ᑕᑯᔭᒃᓴᑦ ᐃᓄᐃᑦ ᖃᓄᐃᓕᐅᕈᑎᖏᑦ ᐊᒻᒪᓗ ᑕᐃᑲᖓᑦ ᑐᑭᑖᖅᓯᒪᔪᑦ ᐊᑕᔾᔪᑎᖏᓐᓂᑦ ᐃᓄᐃᑦ ᐃᒻᒪᑲᓪᓚᒃ ᐊᑐᖅᑕᐅᕕᓂᖏᓐᓂᒃ, ᐱᐅᓯᑐᖃᖏᓐᓂᒃ, ᐊᒻᒪᓗ ᑕᕐᓂᖏᓐᓂᒃ.
ᐱᐅᓯᑐᖃᖃᕐᕕᖕᓂᒃ ᐊᐅᓚᑦᑎᓂᖅ ᑐᕌᖅᑐᖅ ᓱᕈᖅᑕᐅᑦᑕᐃᓕᑎᑦᑎᓂᖅ ᐱᖁᑎᑐᖃᑦ ᐊᑑᑎᖃᕐᒪᑕ ᐅᑯᐊ ᐊᑖᓂ ᑎᑎᕋᖅᓯᒪᔪᑦ:- ᑲᓇᑕᒥ ᐱᖁᑎᑐᖃᖃᖅᑐᑦ ᐃᓂᖏᑦ;
- a ᐱᖁᑎᑐᖃᑦ ᓄᓇᓯᐅᑎᑯᑖᖃᕐᕕᒃ;
- ᒐᕙᒪᑐᖃᒃᑯᑦ ᐱᖁᑎᑐᖃᑦ ᓄᓇᖁᑎᖏᑦ ᐃᒡᓗᖁᑎᖏᑦ ᓴᓂᖅᕙᒃᑕᐅᓯᒪᔪᑦ ᐊᑖᒍᑦ ᑐᑭᒧᐊᒍᑎᑦ ᐊᐅᓚᑦᑎᔾᔪᑕᐅᔪᖅ ᐃᒡᓗᓄᑦ ᑕᐃᑲᓂ ᐅᕝᕙᓘᓐᓃᑦ ᓯᕗᓂᐊᓂ ᒪᐃ 13, 2022;
- ᓇᓗᓇᐃᖅᑕᐅᓯᒪᔪᑦ ᒐᕙᒪᑐᖃᒃᑯᑦ ᐱᖁᑎᑐᖃᖏᑦ ᐃᒡᓗᑦ; ᐊᒻᒪᓗ
- ᑎᒍᔭᒃᓴᐅᔪᑦ ᐅᕝᕙᓘᓐᓃᑦ ᑎᒍᔭᒃᓴᐅᓐᖏᑦᑐᑦ ᓄᓇᒥᐅᑕᑦ ᐃᓕᓴᕐᓇᖅᑐᑦ ᐱᖁᑎᑐᖃᐅᓂᖏᓐᓂᒃ ᐊᑑᑎᖃᕐᓂᖏᓐᓂᒃ ᐊᑖᒍᑦ ᒪᓕᒐᖅ section 7.4.1.
- ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ
- A ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᐊᒻᒪᓗ ᐊᑕᔪᑦ ᐃᒡᓗᑦ ᑐᓂᔭᐅᓯᒪᔪᑦ ᓴᓂᖅᕙᒃᑕᐅᓯᒪᔪᑦ ᐊᑖᒍᑦ ᒪᓕᒐᖅ 6 ᑖᒃᑯᓇᖓᑦ ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᓴᐳᓐᓂᐊᕈᑎᑦ ᐱᖁᕐᔪᐊᖅ.
- ᐱᖁᑎᑐᖃᑦ ᐃᓂᖃᕐᕕᖏᑦ
- ᓄᓇ, ᐃᑭᐊᖓᓂ ᓄᓇ, ᓯᑯ, ᐊᒻᒪᓗ ᐃᒪᖅ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᑲᓇᑕᒥ ᐱᖁᑎᑐᖃᑦ ᐃᓂᖏᑦ, ᑲᓇᑕ ᒥᕐᖑᐃᖅᓯᕐᕕᖏᑦ ᐊᒻᒪᓗ ᒥᕐᖑᐃᖅᓯᕐᕕᒃᓴᑦ, ᑲᓇᑕ ᑕᕆᐅᖓ ᓱᕈᖅᑕᐅᒋᐊᖃᓐᖏᑦᑐᖅ ᐊᒻᒪᓗ ᐱᖁᑎᒋᔭᑦ, ᐊᒻᒪᓗ ᓇᓕᐊᑐᐃᓐᓇᖅ ᐊᓯᖏᑦ ᓴᐳᒻᒥᔭᐅᔪᑦ ᐱᖁᑎᑐᖃᑦ, ᓇᓗᓇᐃᑦᑎᐊᖅᓯᒪᔪᑦ ᒪᓕᒐᖅ 2 ᑖᒃᑯᓇᓂ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᖁᔭᕐᔪᐊᖅ.
- ᐱᖁᑎᑐᖃᑦ ᓄᓇᓯᐅᑎᑯᑖᖃᕐᕕᒃ
- ᐅᓇ ᐱᖁᑎᑐᖃᑦ ᓄᓇᓯᐅᑎᑯᑖᖃᕐᕕᒃ ᓴᓂᖅᕙᒃᑕᐅᓯᒪᔪᖅ ᐊᑖᒍᑦ ᒪᓂᒐᖅ 4 ᑖᒃᑯᓇᓂ ᐱᖁᑎᑐᖃᑦ ᓄᓇᓯᐅᑎᑯᑖᖃᕐᕕᒃ ᓴᐳᓐᓂᐊᕈᑎᖏᑦ ᐱᖁᔭᕐᔪᐊᖅ.
- ᐱᖁᑎᑐᖃᑦ ᐊᑑᑎᖃᖅᑐᑦ
- ᑲᔾᔮᕐᓇᖅᑐᑦ, ᐃᑦᑕᕐᓂᑕᑦ, ᖃᐅᔨᓴᖅᑎᒻᒪᕆᒃᑎᒍᑦ, ᐱᐅᓯᑐᖃᑦ, ᐃᓅᓯᓕᕆᓂᖅ, ᐅᕝᕙᓘᓐᓃᑦ ᑕᕐᓂᒃᑯᑦ ᖃᐅᔨᒪᓇᖅᑐᑦ ᐱᐅᓯᑐᖃᖃᕐᕕᑦ ᐅᕝᕙᓘᓐᓃᑦ ᐃᑦᓴᕐᓂᑕᖃᕐᕕᑦ ᐃᓂᖏᑦ.
ᑕᐃᑲᓂᐅᑎᓪᓗᒍ ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ, ᐱᖁᑎᑐᖃᑦ ᐊᑑᑎᑲᖅᑐᑦ ᑐᑭᖃᖅᑐᑦ ᐱᖁᑎᑐᖃᑦ ᖃᓄᕆᑑᓂᖏᑦ.
ᑕᐃᑲᓂ ᓯᓚᕐᔪᐊᒥ ᐱᖁᑎᑐᖃᑦ ᐃᓂᖏᑦ, ᐱᖁᑎᑐᖃᑦ ᐊᑑᑎᖃᖅᑐᑦ ᑐᑭᖃᖅᑐᑦ ᐊᖏᓛᒥᒃ ᓯᓚᕐᔪᐊᓕᒫᒥ ᐊᑑᑎᖃᖅᑐᑦ.
ᑕᒪᒃᑯᐊ ᓱᓕᑦᑎᐊᖅᑐᑦ ᐱᖁᑎᑐᖃᑦ ᐊᑑᑎᖏᑦ ᓇᓗᓇᐃᑦᑎᐊᖅᓯᒪᓗᑎᒃ ᐱᐅᓯᑐᖃᖃᕐᕕᑦ ᓴᓂᖅᕙᒃᑕᐅᓯᒪᔪᑦ ᒥᓂᔅᑕᒥᑦ ᑎᑎᕋᖅᓯᒪᑦᑎᐊᖅᑐᑦ ᓇᓂᔭᐅᔪᓐᓇᖅᖢᑎᒃ ᒐᕙᒪᒃᑯᑦ ᑎᑎᖃᖁᑎᖏᑦ ᒐᕙᒪᑐᖃᒃᑯᓂ ᐱᖁᑎᑐᖃᑦ ᓴᓂᖅᕙᒃᑕᐅᓯᒪᔪᑦ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ. - ᐃᓕᓴᕆᔭᐅᓯᒪᔪᑦ ᒐᕙᒪᑐᖃᒃᑯᑦ ᐱᖁᑎᑐᖃᑦ ᐃᒡᓗᑐᖃᑦ
- ᐅᑯᐊ ᐃᒡᓗᑦ ᓴᓂᖅᕙᒃᑕᐅᓯᒪᔪᑦ ᐃᓕᓴᕆᔭᐅᓪᓗᑎᒃ ᒐᕙᒪᑐᖃᒃᑯᓂᑦ ᐱᖁᑎᑐᖃᑦ ᐃᒡᓗᖁᑎᑐᖃᖏᑦ ᐊᑖᒐᑦ ᐊᑐᐊᒐᖅ ᐊᐅᓚᑦᑎᓂᕐᒧᑦ ᐃᒡᓗᓂᒃ ᓯᕗᓂᐊᓂ ᒪᐃ 13, 2022.
9. ᖃᐅᔨᒋᐊᕐᕕᒃᓴᐃᑦ
ᒪᓕᒐᐃᑦ
- ᑲᓇᑕ ᑲᓇᑕᒧᑦ ᑕᕆᐅᑦ ᓴᐳᒻᒥᔭᑦ
- ᑲᓇᑕ ᑲᓇᑕᒧᑦ ᒥᕐᖑᐃᖅᓯᕐᕕᑦ ᐱᖁᔭᕐᔪᐊᑦ
- ᑲᓇᑕᐅᑉ ᐃᒪᖏᑦ ᐅᒥᐊᖅᑐᖅᑕᐅᔪᓐᓇᖅᑐᑦ ᐱᖁᔭᕐᔪᐊᖅ
- ᐊᐅᓚᑦᓯᕕᖓ ᐃᖏᕐᕋᔪᓕᕆᔨᒃᑯᑦ ᐱᖁᔭᕐᔪᐊᖅ
- ᒐᕙᒪᑐᖃᒃᑯᑦ ᐃᒡᓗᖁᑎᖏᑦ ᐊᒻᒪᓗ ᒐᕙᒪᑐᖃᒃᑯᑦ ᓅᑦᑐᓐᓇᓐᖏᑦᑐᑦ ᐱᖁᑎᖏᑦ ᐱᖁᔭᕐᔪᐊᖅ
- ᑮᓇᐅᔭᓕᕆᔾᔪᑕᐅᔪᓄᑦ ᑎᑎᕋᓕᕆᓂᖅ ᐱᖁᔭᕐᔪᐊᖅ
- ᐱᖁᑎᑐᖃᑦ ᓇᓂᕈᐊᓕᒃ ᐃᒡᓗᑦ ᑕᒻᒪᕇᒃᑯᑎ ᓴᐳᓐᓂᐊᕈᑎᑦ ᐱᖁᔭᕐᔪᐊᖅ
- ᐱᖁᑎᑐᖃᑦ ᓄᓇᓯᐅᑎᑯᑖᖃᕐᕕᒃ ᓴᐳᓐᓂᐊᕈᑎᑦ ᐱᖁᔭᕐᔪᐊᖅ
- ᐱᖁᑎᑐᖃᑦ ᐃᓂᖏᑦ ᐊᒻᒪᓗ ᐃᖃᐅᒪᔾᔪᑕᐅᔪᓄᑦ ᐱᖁᔭᕐᔪᐊᖅ
- ᐊᒃᑐᖅᑕᐅᔪᑦ ᖃᐅᔨᓴᖅᑕᐅᔪᓐᓇᕐᓂᖏᓐᓄᒃ ᐱᖁᔭᕐᔪᐊᖅ
- ᓗᓕᐄ ᐃᒡᓗ ᐱᖁᔭᕐᔪᐊᖅ
- ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᖁᔭᕐᔪᐊᖅ
- ᐅᓘᔾ ᑲᓇᑕ ᓄᓇᓕᖅᐸᐅᔭᐃᑦ ᒥᕐᖑᐃᖅᓯᕐᕕᒃ ᐱᖁᔭᕐᔪᐊᖅ
- ᓴᐳᐃᓂᐄ-ᓯᑦ. ᓗᐊᓚᓐᔅ ᑕᕆᐅᖅ ᒥᕐᖑᐃᖅᓯᕐᕕᒃ ᐱᖁᔭᕐᔪᐊᖅ
- ᔪᓇᐃᑎᑦ ᓇᐃᓴᓐᔅ ᓱᓕᓂᕋᐅᑎᖏᑦ ᐱᔪᓐᓇᐅᑎᖃᕐᓂᖏᓐᓄᑦ ᓄᓇᖅᑲᖅᑳᖅᓯᒪᔪᑦ ᐱᖁᔭᕐᔪᐊᑦ ᐱᓕᕆᐊᖑᖁᔭᖏᓐᓄᑦ ᐸᕐᓇᐅᑎᑦ
ᐊᑕᔪᑦ ᑖᒃᑯᓄᖓ ᐊᑐᐊᒐᐃᑦ ᓴᓇᕐᕈᑎᖏ
- ᑲᓇᑕ ᑐᑭᓯᓇᓱᖃᑎᒌᖕᓂᕐᒧᑦ ᐅᓪᓗᒥ ᐊᖏᕈᑎᑦ ᐊᑐᓕᖅᑎᑕᐅᔪᑦ ᐊᑐᐊᒐᖅ
- ᖃᓄᐃᓕᖓᓇᔭᕐᓂᖏᑦ ᐃᒻᒪᑲᓪᓚᓂᑕ ᐊᒻᒪᓗ ᐃᖃᐅᒪᔾᔪᑎᑦ ᓇᐸᔪᑦ: ᑲᓇᑕ ᐃᑦᑕᓂᑕᖃᕐᕕᖏᑦ ᐃᓂᖏᑦ ᐱᓕᕆᔾᔪᑎᓄᑦ ᐸᕐᓇᐅᑎᖓ 2019
- ᓄᓇᖅᑲᖅᑳᖅᓯᒪᔪᑦ ᐸᕿᔩᑦ ᖃᓄᖏᓕᖓᓇᔭᕐᓂᖏᑦ
- ᐃᓄᐃᑦ ᓄᓇᖓ ᐊᑐᐊᒐᖅ
- ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐃᑲᔫᑎᔪᑦ ᐊᐅᓚᑦᑎᔾᔪᑎᓄᑦ ᑐᑭᒧᐊᒍᑎᑦ
- ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᑐᑭᒧᐊᒍᑦ ᐊᒃᑐᖅᑕᐅᔪᓄᑦ ᖃᐅᔨᓴᕈᓯᑦ
- ᐱᐅᓯᑦ ᐊᒻᒪᓗ ᑐᑭᒧᐊᒍᑎᑦ ᓱᕈᖅᑕᐅᑦᑕᐃᓕᑎᑦᑎᓂᕐᒧᑦ ᐃᑦᑕᓂᑕᑦ ᐃᓂᖃᕐᕕᖏᓐᓂᒃ ᑲᓇᑕᒥ (2010)
- ᑮᓇᐅᔭᓕᕆᔨᕐᔪᐊᑦ ᑲᓇᑕᒥ ᑲᑎᒪᔨᖏᑦ ᐊᑐᐊᒐᑦ ᐸᕐᓇᐅᑎᓄᑦ ᐊᒻᒪᓗ ᐊᐅᓚᑦᑎᓂᕐᒧᑦ ᖃᑭᔾᔪᑎᒃᓴᓂᒃ
ᓯᓚᕐᔪᐊᒥ ᓱᓕᓂᕋᐅᑎᑦ, ᐊᖏᕈᑎᑦ ᐊᒻᒪᓗ ᐊᖏᕈᑎᑦ
- ᐊᖏᕈᑎᑦ ᐱᔾᔪᑎᓕᒃ ᓴᐳᓐᓂᐊᕐᓂᕐᒧᑦ ᓯᓚᔪᐊᑉ ᐱᐅᓯᑐᖃᖓ ᐊᒻᒪᓗ ᓄᓇᑐᐃᓐᓇᒧᑦ ᐱᖁᑎᑐᖃᑦ
- ᔪᓇᐃᑎᑦ ᓇᐃᓴᓐᔅ ᓱᓕᓂᕋᐅᑎᖏᑦ ᐱᔪᓐᓇᐅᑎᖃᕐᓂᖏᓐᓄᑦ ᓄᓇᖅᑲᖅᑳᖅᓯᒪᔪᑦ ᐱᖁᔭᕐᔪᐊᑦ ᐱᓕᕆᐊᖑᖁᔭᖏᓐᓄᑦ ᐸᕐᓇᐅᑎᑦ
ᐊᓯᖏᑦ
- Date modified :