ᐊᑐᐊᒐᖅ ᐊᐅᓚᑦᑎᔾᔪᑎᑦ ᐱᐅᓯᑐᖃᖃᕐᕕᖕᓂᒃ, ᐃᑦᑕᕐᓂᑕᖃᕐᕕᖕᓂᒃ, ᐱᖁᑎᑐᖃᕐᓂᒃ ᐃᑯᒪᔪᑦ ᐃᒃᑕᖁᑎᑦ, ᐊᒻᒪᓗ ᓯᓚᕐᔪᐊᒥ ᐱᖁᑐᑐᖃᖃᕐᕕᑦ (North)
1. ᐊᑑᑎᖃᓕᕐᕕᖓ ᐅᓪᓗᖅ
ᐅᓇ ᐊᑐᐊᒐᖅ ᐊᑑᑎᖃᓯᒋᐊᖅᑐᖅ ᓯᑎᐱᕆ 1, 2025.
ᐅᓇ ᐊᑐᐊᒐᖅ ᐊᒻᒪᓗ ᐊᑕᔪᑦ ᑕᒪᑐᒧᖓ ᐃᓚᖐᓂᐊᖅᑐᑦ ᐱᓯᑐᖃᖃᕐᕕᖕᓂ ᐊᐅᓚᑦᑎᔾᔪᑎᓄᑦ ᐊᑐᐊᒐᖅ ᓇᓂᔭᐅᔪᓐᓇᖅᑐᖅ ᐃᓚᖓ lll ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᑐᑭᒧᐊᒍᑎᖏᑦ ᑐᓐᖓᔾᔪᑎᒥᖕᓄᑦ ᐊᒻᒪᓗ ᐊᐅᓚᑦᑎᔾᔪᑎᒥᖕᓄᑦ ᐊᑐᐊᒐᐃᑦ.
2. ᐱᔪᓐᓇᐅᑎᓕᑦ
ᐅᓇ ᐊᑐᐊᒐᖅ ᑐᓂᔭᐅᔪᖅ ᒪᓕᒐᖅ ᒪᓕᒃᖢᒋᑦ 4 (1) ᐊᖅᒪᓗ 12 (3) ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᖁᔭᕐᔪᐊᖓ.
3. ᐃᓗᓕᖏᑦ
ᐱᐅᓯᑐᖃᑦ ᑕᒪᕐᒥᒃ ᐃᓚᒋᕙᖏᑦ ᑐᑭᓯᐅᒪᓂᖅ, ᐊᑑᑎᒋᐊᓕᑦ, ᐊᑐᖅᑕᐅᒋᐊᓕᑦ, ᐊᒻᒪᓗ ᖁᕕᐊᒋᓗᒋᑦ ᐱᖁᑎᑐᖃᑦ ᐃᒡᓗᑐᖃᕕᓃᑦ. ᐊᑑᑎᖃᕐᓂᖓ ᐊᑕᔪᖅ ᐱᐅᓯᑐᖃᕐᓄᑦ ᖃᓄᕆᑦᑐᑐᐃᓐᓇᐅᔪᓐᓇᖅᑐᑦ ᐱᓯᒪᓂᖃᕐᓗᑎᒃ ᐊᒥᓱᓂᑦ ᑕᐅᑦᑐᕆᔭᐅᔪᓂᑦ ᐊᒻᒪᓗ ᓯᓚᕐᔪᐊᑉ ᑕᐅᑦᑎᖏᑦᑎᒍᑦ, ᐊᒻᒪᓗ ᐊᓯᖑᕈᓐᓇᖅᑐᑦ ᐊᑯᓂᐅᔪᒃᑯᑦ. ᐊᐅᓚᑦᑎᔾᔪᓯᑦ ᐊᑑᑎᖃᕈᓐᓇᕐᓗᑎᒃ ᐃᑲᔪᖅᓯᐅᑎᓗᑎᒃ ᖃᓄᕆᑦᑐᑐᐃᓐᓇᓂᒃ ᐃᓗᓕᖏᓐᓂᒃ ᐊᒻᒪᓗ ᑭᐅᓯᓂᖅ ᐊᓯᕈᖅᑐᓄᑦ ᐃᓕᓴᕆᓗᒋᑦ ᐱᒻᒪᕆᐅᔪᑦ ᐱᐅᓯᑦᑎᐊᕙᐅᓛᑎᒍᑦ ᐊᒻᒪᓗ ᑐᑭᓯᐅᒪᑦᑎᐊᖅᑐᓂᑦ ᐱᒋᐊᕈᑎᖃᕆᐊᖃᖅᑐᑦ. ᐅᓇ ᐊᑐᐊᒐᖅ ᑐᓂᓯᓯᒪᔪᖅ ᑕᒪᐃᓐᓄᑦ ᑐᑭᒧᐊᒍᑎᑦ ᐊᐅᓚᑦᑎᔾᔪᑎᓄᑦ ᐱᐅᓯᑐᖃᖃᕐᕕᐅᔪᓂ ᓱᕈᖅᑕᐃᑦᑕᐃᓕᖁᓪᓗᒋᑦ ᐱᖁᑎᑐᖃᐅᓂᖏᓐᓄᑦ ᐊᑑᑎᖃᖅᑐᑦ ᐊᒻᒪᓗ, ᑕᐃᑲᓂ ᑲᓇᑕᒥ ᐃᑦᑕᕐᓂᑕᖃᕐᕕᑦ, ᐃᖃᐅᒪᔾᔪᑕᐅᔪᓄᓪᓗ ᒪᓕᒃᑕᐅᑦᑎᐊᕆᐊᓕᑦ. ᐅᓇ ᐊᑐᐊᒐᖅ ᑐᓂᓯᓯᒪᔪᖅ ᐱᔾᔪᑎᒋᓪᓗᒋᑦ ᐃᑦᑕᕐᓂᑕᖃᖅᑐᑦ ᐃᓂᖏᑦ, ᐃᒫᓂ ᐃᑯᒪᓖᑦ ᐳᑦᑕᐅᑎᑦ ᐊᒻᒪᓗ ᓯᓚᕐᔪᐊᒥ ᐱᖁᑎᑐᖃᖃᕐᕕᐅᔪᑦ ᐃᓂᖏᑦ.
ᓄᑖᖑᕆᐊᖅᑎᓪᓗᒍ ᐅᓇ ᐊᑐᐊᒐᖅ ᐃᖏᕐᕋᓯᑎᑕᐅᓯᒪᔪᖅ ᑭᐅᓯᖁᔭᐅᑐᐃᓐᓇᖅᖢᑎᒃ ᑭᒡᓕᓯᓐᓂᐊᖅᑎᒃᑯᓂᒃ ᐱᓕᕆᐊᕆᖁᔭᖏᓐᓄᑦ 79(ii). ᐅᓇ ᐊᑐᐊᒐᖅ ᐃᑲᔪᖅᑐᖅ ᐱᓕᕆᐊᒃᓴᖏᓐᓂᒃ ᓇᓗᓇᐃᖅᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᐊᒃᓴᖏᑦ ᓴᕿᑕᐅᓯᒪᔪᑦ ᑭᐅᓯᔾᔪᑎᒋᓪᓗᒋᑦ ᓯᓚᕐᔪᐊᒥ ᓱᓕᓂᕋᐅᑎᑦ ᐱᔪᓐᓇᐅᑎᖃᕐᓂᖏᓐᓂᑦ ᓄᓇᖅᑲᖅᑳᖅᓯᒪᔪᑦ ᐱᖁᔭᕐᔪᐊᖅ ᐊᑐᖅᓯᓂᐊᕐᒪᑕ ᑐᑭᓕᐅᕈᑕᐅᓯᒪᔪᓂᒃ ᓯᓚᕐᔪᐊᒥ ᓱᓕᓂᕋᐅᑎᑦ ᐱᔪᓐᓇᐅᑎᖃᕐᓂᖏᓐᓄᑦ ᓄᓇᖅᑲᖅᑳᖅᓯᒪᔪᑦ.
ᐊᑐᖅᑕᐅᓂᐊᕐᓗᓂ ᐅᓇ ᐊᑐᐊᒐᖅ, ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐃᒃᐱᒍᓱᑦᑎᐊᖅᐳᑦ ᑲᓇᑕᐅᑉ ᒪᓕᒐᕐᔪᐊᖓᓂ ᐸᐸᑦᑎᑦᑎᐊᕐᓂᖅ ᓄᓇᖅᑲᖅᑳᖅᓯᒪᔪᓂᒃ ᐊᒻᒪᓗ ᐊᑐᖅᓯᓗᑎᒃ ᐱᔪᓐᓇᐅᑎᖏᓐᓂᒃ ᐊᒻᒪᓗ ᐱᔭᒃᓴᖏᓐᓂᒃ ᐊᑕᔪᑦ ᒫᓐᓇᐅᔪᖅ ᐊᒻᒪᓗ ᐃᒻᒪᑲᓪᓚᒃ ᐊᖏᖃᑎᒌᒍᑎᕕᓂᑦ, ᐊᖏᕈᑎᑦ, ᐊᒻᒪᓗ ᐊᓯᖏᑦ ᐱᔾᔪᑎᖃᑦᑎᐊᖅᖢᑎᒃ ᐋᕿᒃᑕᐅᓯᒪᔪᑦ, ᓲᕐᓗ ᐸᐸᑦᑎᑦᑎᐊᕐᓂᖅ ᓄᓇᓂᒃ ᓴᕿᑕᐅᔪᑦ ᐊᖏᕈᑎᑦᑎᒍᑦ ᐊᒻᒪᓗ ᐊᒃᑐᖅᑕᐅᔪᑦ ᐊᒻᒪᓗ ᐃᑲᔫᓯᐊᕈᑎᒃᓴᓄᑦ ᐊᖏᕈᑎᑦ.
ᐅᓚ ᐊᑐᐊᒐᖅ ᒪᓕᒃᑐᖅ ᐊᒥᓱᓂᒃ ᑐᓐᖓᔾᔪᑎᓂᒃ ᐅᑯᐊᓗ ᐃᒃᐱᒍᓱᑦᑎᐊᖅᑐᑦ ᐃᓗᓕᖏᓐᓂᒃ ᐊᑐᓂ ᐃᑦᑕᕐᓂᑕᖃᕐᕕᐅᔪᓂᒃ. ᐊᒥᓱᑦ ᓄᓇᓖᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐱᓕᕆᖃᑎᕗᑦ ᐊᖏᔪᒥᒃ ᐊᒻᒪᓗ ᐊᔾᔨᐅᓐᖏᑦᑐᓂᒃ ᑲᑎᖓᕕᓖᑦ ᐱᐅᓯᑐᖃᕐᒥᖕᓄᑦ ᐊᑖᒍᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐸᕿᔭᖏᓐᓂ. ᐅᓇ ᐃᒃᐱᒋᑦᑎᐊᖅᖢᒍ ᑲᑎᖓᓂᖅᐳᑦ, ᐊᔾᔨᒌᓐᖏᑦᑐᓂᑦ ᑕᐅᑦᑐᕆᔭᐅᔪᑦ ᐊᒻᒪᓗ ᓯᓚᕐᔪᐊᒥ ᑕᐅᑐᒃᑕᐅᔪᑦ ᐊᑐᖅᓯᑦᑎᐊᕆᐊᖃᖅᑐᒍᑦ ᐊᐅᓚᑦᑎᔾᔪᑎᑦᑎᓂᒃ ᐱᐅᓯᑐᖃᖁᑎᑦᑎᓐᓂᒃ. ᐅᓇ ᐊᑐᐊᒐᖅ, ᐃᑲᔪᖅᑎᒌᒍᑕᐅᓯᒪᔪᖅ, ᑐᓂᓯᓯᒪᕗᖅ ᑎᕕᖃᕐᑎᑦᑎᓂᕐᒥᒃ ᐋᕿᒃᓱᐃᓂᐊᕐᓗᑕ ᐊᒻᒪᓗ ᓴᖕᖏᒃᑎᒋᐊᕐᓂᐊᕐᓗᒋᑦ ᐃᒃᐱᒍᓱᑦᑎᐊᕐᓂᒃᑯᑦ ᐃᓚᒌᒍᓯᖅ ᐊᒻᒪᓗ ᑐᑭᓯᐅᒪᓗᑕ, ᓯᕗᓕᐅᖅᑎᐅᓗᑕ ᐊᑑᑎᖃᑦᑎᐊᖅᑐᒥᒃ, ᐱᑕᖃᐃᓐᓇᖅᑎᓪᓗᒋᑦ ᐊᒻᒪᓗ ᐱᐅᓯᑐᖃᕐᒧᑦ ᐊᑑᑎᖃᖅᑐᑦ ᐸᕿᓂᖅ ᐱᐅᓯᑐᖃᑐᖃᑦᑎᓐᓂᒃ.
4. ᐊᑑᑎᖃᕐᕕᖏᑦ
4.1
ᐅᓇ ᐊᑐᐊᒐᖅ ᐊᑑᑎᖃᖅᑐᖅ ᐅᑯᓄᖓ:
4.1.1
ᐱᐅᓯᑐᖃᖃᕐᕕᑦ ᐱᖁᑎᑐᖃᖏᑦ ᐃᓂᖏᑦ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᓂᑦ ᑲᓇᑕ ᐊᒻᒪᓗ ᐱᖁᑎᒋᔭᐅᔪᑦ ᐊᑖᒍᑦ ᐸᕿᔭᐅᓪᓗᑎᒃ ᒥᕐᖑᐃᖅᓯᕐᕕᓕᕆᔨᒃᑯᓂᑦ ᑲᓇᑕ ᐃᓚᒋᔭᐅᓪᓗᑎᒃ ᐱᐅᓯᑐᖃᖃᕐᕕᑦ ᐅᑯᐊᓗ ᐊᑐᖅᑐᐊᖅᑕᐅᔪᓐᓇᖅᑐᑦ ᐱᖓᔪᒋᔭᐅᔪᓄᑦ ᑎᒥᐅᔪᓄᑦ.
4.1.2
ᐃᑦᑕᕐᓂᑕᖃᕐᕖᑦ ᓄᓇᐃᑦ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
4.1.3
ᐃᖁᒪᓕᑦ ᓇᐸᔪᑦ ᐃᒫᓂ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
4.1.4
ᓯᓚᕐᔪᐊᒥ ᐱᖁᑎᑐᖃᖃᕐᕕᑦ, ᐅᕝᕙᓘᓐᓃᑦ ᓯᓚᕐᔪᐊᒥ ᐱᖁᑎᑐᖃᖃᕐᕕᑦ ᐃᓂᖏᑦ, ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
4.2
ᐅᓇ ᐊᑐᐊᒐᖅ ᐊᑑᑎᖃᓐᖏᑦᑐᖅ ᐅᑯᓄᖓ:
4.2.1
ᐃᓄᐃᑦ ᑎᒥᖏᑦ ᑐᖁᖓᔪᑦ, ᐃᓗᕕᖅᓯᐅᑎᑦ, ᐃᓗᕕᖃᕐᕕᑦ, ᐊᒻᒪᓗ ᐊᓯᖏᑦ ᑎᒥᓄᑦ ᐃᓂᒋᔭᐅᔪᑦ ᓄᓇᒥ.
4.2
ᐅᓇ ᐊᑐᐊᒐᖅ ᐅᖃᓕᒫᖅᑕᐅᒋᐊᓕᒃ ᐊᒻᒪᓗ ᐊᑐᖅᑕᐅᓗᓂ ᒪᓕᒃᓗᒋᑦ ᐊᑑᑎᖃᖅᑐᑦ ᒪᓕᒐᐃᑦ, ᐱᖁᔭᕋᓛᑦ ᐊᒻᒪᓗ ᐊᑐᐊᒐᐃᑦ ᓴᓇᕐᕈᑎᒋᓗᒋᑦ ᐃᓚᒋᔭᐅᓗᑎᒃ ᑭᓯᐊᓂ ᐊᓯᖏᓐᓄᑦᑕᐅᖅ ᑖᒃᑯᐊ ᑎᑎᕋᖅᓯᒪᔪᑦ ᐃᓚᖓ 9 ᐊᑖᓂ. ᐅᓇ ᐊᑐᐊᒐᖅ ᐅᖃᓕᒫᖅᑕᐅᒋᐊᓕᒃᑕᐅᖅ ᐊᒻᒪᓗ ᐊᑐᖅᑕᐅᓗᓂ ᒪᓕᑦᑎᐊᕐᓗᒋᑦ ᑕᒪᕐᒥᒃ ᐊᑑᑎᖃᖅᑐᑦ ᐊᖏᕈᑎᕕᓂᑐᐊᖃᐃᑦ, ᐊᖏᕈᑎᑦ, ᐊᒻᒪᓗ ᐊᑑᑎᖃᖅᑐᑦ ᐋᕿᒃᑕᐅᓯᒪᔪᓄᑦ ᓄᓇᖅᑲᖅᑳᓯᒪᔪᒃᑯᑎᒍᑦ.
5. ᑐᓐᖓᔾᔪᑎᑦ
ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐃᖅᑲᓇᐃᔭᖅᑎᖏᑦ ᐊᑐᕆᐊᖃᖅᑐᑦ ᐊᑖᓂ ᑐᓐᖓᔾᔪᑎᑦ ᐊᐅᓚᑦᑎᓂᐊᕐᓗᑎᒃ ᐱᐅᓯᑐᖃᕐᓄᑦ ᐱᖁᑎᒋᔭᐅᔪᓄᑦ:
5.1
ᐃᑲᔪᖅᑎᒌᒡᓗᑎᒃ
5.1.1
ᓴᓇᖃᑎᒋᓗᒋᑦ ᓄᓇᖅᑲᖅᑳᖅᓯᒪᔪᑦ ᐱᓕᕆᖃᑎᒋᔭᕗᑦ ᒪᓕᑦᑎᐊᕐᓂᐊᕐᒪᑕ ᓄᓇᖅᑲᖅᑳᖅᓯᒪᔪᑦ ᐸᕿᔨᑦ ᓄᓇᒥᒃ ᖃᓄᐃᓕᖓᕕᒃᓴᖏᑦ ᐊᒻᒪᓗ ᓄᓇᓕᑦ ᐅᑯᐊ ᐸᐸᑦᑎᑦᑎᐊᕈᓐᓇᖅᑐᑦ ᐊᒻᒪᓗ ᐅᖃᓪᓚᒍᓐᓇᑦᑎᐊᓕᕐᓗᒋᑦ ᓴᕿᑎᑦᑎᔪᑦ ᐊᔾᔨᒌᓐᖏᑦᑐᓂᒃ ᑕᐅᑦᑐᕆᔭᐅᔪᓂᒃ ᐊᒻᒪᓗ ᖃᐅᔨᒪᔾᔪᑕᐅᔪᓂᒃ.
5.1.2
ᐃᑲᔪᖅᑎᒌᒡᓗᑎᒃ ᓴᓇᖃᑎᒌᑦ ᐃᓱᒪᓕᐊᕈᑦᑎᐊᕐᓗᑎᒃ ᐊᐅᓚᑦᑎᔾᔪᑎᒃᓴᖏᓐᓂᒃ ᐱᐅᓯᑐᖃᖃᕐᕕᐅᔪᑦ.
5.2
ᑐᑭᓯᐅᒪᓗᑎᑦ
5.2.1
ᑐᓴᖅᑎᑦᑎᖃᑎᒌᒡᓗᑎᒃ ᖃᐅᔨᒪᔭᕐᒥᖕᓂᒃ ᐊᑐᓂ ᑐᑭᓯᑦᑎᐊᕐᓂᖅᓴᐅᓂᐊᕐᒪᑕ ᐱᖁᑎᑐᖃᖏᑦ ᐊᑑᑎᖃᖅᑐᑦ ᐱᐅᓯᑐᖃᖃᕐᕕᐅᔪᑦ ᑐᓴᖅᑎᑦᑎᓗᑎᒃ ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔾᔪᑎᓂᒃ ᐊᒻᒪᓗ ᒪᓕᒃᑕᐅᓲᓂᒃ ᐊᔾᔨᒌᓐᖏᑦᑐᑦ ᖃᐅᔨᓴᕈᓯᑦ ᐊᒪᓗ ᐱᕕᐅᓲᑦ ᐃᓚᒋᔭᐅᓪᓗᑎᒃ ᐅᓂᒃᑳᑐᖃᐃᑦ.
5.2.2
ᐊᑐᖅᓯᓗᑕ ᑖᔅᓱᒥᖓ ᑐᑭᓯᐅᒪᔭᐅᔪᖅ ᐃᓕᓴᕆᓂᐊᕐᓗᒍ ᐱᐅᓯᑐᖃᖃᕐᕕᐅᔪᖅ, ᐱᐅᓯᑐᖃᓄᑦ ᓈᒻᒪᒃᓯᑎᓪᓗᒍ ᓂᕈᐊᕆᓯᒪᔭᖏᓐᓂᒃ, ᐊᒻᒪᓗ ᑐᑭᖃᑦᑎᐊᖅᑐᓂᒃ ᐸᕿᔾᔪᑎᖃᕐᓗᑎᒃ ᐱᐅᓯᑐᖃᖃᖅᑐᓂᒃ.
5.3
ᐱᑕᖃᐃᓐᓇᖅᑎᓪᓗᒋᑦ
5.3.1
ᓴᕿᑦᑎᓗᑎᑦ ᓴᐳᓐᓂᐊᕈᑎᒃᓴᓂᒃ ᓂᕆᐅᒋᔭᐅᔪᑦ ᐃᓂᖏᓐᓂᒃ ᐃᑦᑕᕐᓂᑕᖃᖅᑐᑦ ᐱᐅᓯᑐᖃᖃᕐᕕᑐᐊᐃᑦ ᐃᓱᒪᒋᔭᐅᑦᑎᐊᕐᓗᑎᒃ ᐊᑐᐃᓐᓇᐅᔪᑦ ᑮᓇᐅᔭᐃᑦ ᐊᒻᒪᓗ ᐃᓄᐃᑦ ᐱᓕᕆᔪᓐᓇᖅᑐᑦ ᐊᒻᒪᓗ ᐊᓯᖏᓐᓂᑦᑕᐅᖅ ᐊᔪᓯᔪᓐᓇᕐᒪᖔᑦ ᐱᓕᕆᐊᖑᔪᖅ.
6. ᑐᑭᓕᐅᕈᑕᐅᕙᓪᓕᐊᔪᑦ ᐊᒻᒪᓗ ᓂᕆᐅᓇᖅᑐᑦ ᑐᑭᓯᓇᖅᓯᓂᐊᖅᑐᑦ
6.1
ᐅᓇᑐᑭᓕᐅᕈᑕᐅᕙᓪᓕᐊᔪᖅ ᑖᔅᓱᒧᖓ ᐊᑐᐊᒐᖅ ᑐᓂᓯᓯᒪᔪᖅ ᑐᑭᒧᐊᒍᑎᓂᒃ ᐊᐅᓚᑦᑎᓂᕐᒧᑦ ᐱᐅᓯᑐᖃᖃᕐᕕᖕᓂᒃ, ᐃᑦᑕᕐᓂᑕᖃᕐᕕᖕᓂᒃ, ᐃᑦᑕᕐᓂᑕᐃᑦ ᐃᖁᒪᓕᑦ ᓇᐸᔪᑦ ᐃᒫᓂ ᐊᒻᒪᓗ ᓯᓚᕐᔪᐊᒥ ᐱᖁᑎᑐᖃᖃᕐᕕᑦ ᐃᓂᖏᑦ ᐊᐅᓚᑕᐅᔪᑦ ᐊᒻᒪᓗ ᐸᕿᔭᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
6.2
ᐅᓇ ᓂᕆᐅᓇᖅᑐᖅ ᑐᑭᓯᓇᖅᓯᔪᒫᖅᑐᑦ ᑕᕝᕙᖓᑦ ᐊᑐᐊᒐᕐᒥᒃ ᐅᑯᐊ ᐊᑖᓂ ᑎᑎᕋᖅᓯᒪᔪᑦ:
6.2.1
ᐃᑦᑕᕐᓂᑕᖃᕐᕕᑦ ᐊᑑᑎᖃᖅᑐᑦ ᐱᐅᓯᑐᖃᖃᕐᕕᐅᔪᑦ ᓴᐳᓐᓂᐊᖅᑕᐅᓗᑎᒃ ᐃᒃᐱᒋᔭᐅᑦᑎᐊᕐᓗᑎᒃ ᓯᕗᓂᒃᓴᑦᑎᓐᓂ ᐊᒻᒪᓗ ᐃᑲᔫᓯᔪᑦ ᒫᓐᓇ ᐊᒻᒪᓗ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᓄᑦ.
6.2.2
ᐱᒋᐊᕈᑖ ᐊᐅᓚᑦᑎᔾᔪᑎᒃᓴᓄᑦ ᐱᐅᓯᑐᖃᖃᕐᕕᖕᒧᑦ ᐋᕿᒃᓯᒪᑦᑎᐊᖅᑐᑦ ᐊᒻᒪᓗ ᐱᐅᓯᑐᖃᕐᒧᑦ ᐊᑑᑎᖃᖅᑐᑦ
6.2.3
ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐊᑐᖅᓯᔪᑦ ᐱᓕᕆᔾᔪᑎᓂᒃ ᑐᓴᖅᑎᑦᑎᖃᑎᒌᖃᑦᑕᕐᓂᐊᕐᒪᑕ ᐃᓱᒪᓕᐅᕆᔪᓂ ᐱᔾᔪᑎᒋᓪᓗᒍ ᐱᐅᓯᑐᖃᖃᕐᕕᑦ ᐊᒻᒪᓗ ᐃᑦᑕᕐᓂᑕᖃᕐᕕᑦ ᐃᓂᖏᑦ ᐊᔪᕈᓐᓃᕐᓂᐊᕐᒪᑕ ᐊᒻᒪᓗ ᐃᒃᐱᒋᑦᑎᐊᕐᓗᒋᑦ ᓄᓇᖅᑲᖅᑳᖅᓯᒪᔪᑦ ᓄᓇᒥᒃ ᐸᕿᔨᖏᑦ ᐃᑦᑕᕐᓂᑕᖃᕐᕕᐅᔪᓂᒃ.
6.2.4
ᐱᐅᓯᑐᖃᖃᕐᕕᖕᓂ ᐊᐅᓚᑦᑎᓂᖅ ᐊᑑᑎᖃᖅᑐᖅ ᐃᓚᓕᐅᑎᓗᒋᑦ ᐊᐅᓚᑦᑎᔾᔪᑎᒃᓴᓄᑦ ᐃᑦᑕᕐᓂᑕᖃᕐᕕᐅᔪᓂᒃ ᐊᒻᒪᓗ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᓯᕗᓪᓕᐅᑎᒋᐊᖃᖅᑕᖏᓐᓂᑦ, ᐱᓕᕆᑎᑦᑎᔾᔪᑎᓂᒃ, ᐊᒻᒪᓗ ᐸᕐᓇᐅᑎᓂᒃ.
6.2.5
ᐃᑦᑕᕐᓂᑕᖃᕐᕕᖏᑦ ᐃᓂᖏᑦ ᓄᓇᒥ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐸᐸᑦᑎᑦᑎᐊᕐᓂᖅ ᐊᖏᖅᑕᐅᓯᒪᓐᖏᑦᑐᓂᑦ ᐸᒡᕕᓴᒃᑕᐅᖁᓇᒋᑦ.
6.2.6
ᐱᖁᑎᑐᖃᖃᕐᕕᐅᔪᑦ ᐊᑑᑎᓕᑦ ᐃᖁᒪᓕᑦ ᓇᐸᔪᑦ ᐃᒫᓂ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐋᕿᒃᓯᒪᔭᖏᓐᓂᒃ ᒪᓕᑦᑎᐊᖁᓪᓗᒋᑦ ᐱᖁᑎᑐᖃᐃᑦ ᓄᑕᐅᓐᖏᑦᑐᑦ ᐃᒫᓂ ᖃᐅᒻᒪᖁᑎᓕᑦ ᐳᒃᑕᔪᑦ ᓴᐳᒻᒥᔭᐅᖁᓪᓗᒋ ᐸᐸᑦᑕᐅᑦᑎᐊᕐᓗᑎᒃ ᐱᖁᔭᕐᔪᐊᖅ.
6.2.7
ᐱᐅᓂᖅᐹᑦ ᓯᓚᕐᔪᐊᒥ ᐊᑑᑎᖃᖅᑐᑦ ᓯᓚᕐᔪᐊᒥ ᐱᖁᓯᑐᖃᖃᕐᕕᐅᔪᑦ, ᐅᕝᕙᓘᓐᓃᑦ ᐃᓚᖏᑦ ᓯᓚᕐᔪᐊᕐᒥ ᐃᑦᑕᕐᓂᑕᓂᒃ ᐃᓂᒋᔭᐅᔪᑦ, ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᓱᕈᖅᑕᐅᑦᑕᐃᓕᑎᑦᑎᓂᖅ ᐃᑲᔫᑎᓂᐊᕐᒪᑕ ᒫᓐᓇ ᐊᒻᒪᓗ ᓯᕗᓂᒃᓴᑦᑎᓐᓂ ᐃᓅᓂᐊᖅᑐᓄᑦ.
7. ᓵᑕᒃᓴᐅᔪᑦ
7.1
ᐅᓇ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐊᖓᔪᖅᑳᖓ ᐊᒻᒪᓗ ᐊᖓᔪᖅᑳᖓᑦ ᐊᐅᓚᑦᓯᔨᑦ ᐃᒪᓐᓇᐅᒋᐊᓕᒃ:
7.1.1
ᑕᐃᒪᓗ ᑐᕌᖅᑕᐅᔪᑦ ᑐᑭᓕᐅᕈᑕᐅᕙᓪᓕᐊᔪᑦ ᐊᒻᒪᓗ ᓂᕆᐅᓇᖅᑐᓂᒃ ᐋᕿᒍᑎᔪᑦ ᑕᒪᑐᒧᖓ ᐊᑐᐊᒐᕐᒧᑦ ᐱᔭᕇᖅᑕᐅᑦᑎᐊᕐᓗᑎᒃ.
7.1.2
ᐊᑐᓕᖅᑕᐅᖁᔭᓂᒃ ᒫᓐᓇᒨᖓᓕᖅᓯᓗᑎᒃ ᐅᓇ ᐊᑐᐊᒐᖅ ᒥᓂᔅᑕᒧᑦ.
7.1.3
ᐊᖏᖅᓯᓗᓂ ᑕᒪᑐᒧᖓ ᑐᑭᒧᐊᒍᑎᑦ ᐊᒻᒪᓗ ᐋᕿᒋᐊᖅᓯᒪᔪᑦ.
7.2
ᐅᓇ ᐊᖓᔪᖅᑳᖅ ᑐᖏᓕᖓ, ᓄᓇᖅᑲᖅᑳᖅᓯᒪᔪᓄᑦ ᐊᒻᒪᓗ ᐱᐅᓯᑐᖃᕐᓄᑦ ᐱᖁᑎᑐᖃᖏᓐᓄᑦ ᐃᒪᓐᓇᐅᒋᐊᓕᒃ:
7.2.1
ᑐᓂᓯᓯᒪᓗᑎᑦ ᐃᖏᕐᕋᓯᑎᑦᑎᔪᓐᓇᖅᑐᖅ ᓯᕗᓕᐅᖅᑎᐅᓗᑎᑦ ᐊᒻᒪᓗ ᖃᐅᔨᒪᔨᒻᒪᕆᐅᓗᑎᑦ ᑕᒪᑐᒥᖓ ᐊᑐᐊᒐᖅ ᐊᒻᒪᓗ ᑕᒪᒃᑯᓄᖓ ᐱᓯᒪᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᑦ.
7.2.2
ᓯᕗᓕᐅᖅᑎᐅᓗᑎᑦ ᐊᑐᓕᖅᑎᑕᐅᓂᕐᒧᑦ ᐅᓇ ᐊᑐᐊᒐᖅ ᐊᒻᒪᓗ ᑕᒪᒃᑯᓄᖓ ᓴᓇᕐᕈᑎᓄᑦ ᐃᒃᐱᒋᑦᑎᐊᖅᖢᒋᑦ ᐱᐅᓯᑐᖃᖃᕐᕕᐅᔪᑦ ᐅᑯᐊᓗ ᐃᓚᒋᔭᐅᔪᑦ ᓄᐊᑦᑎᓂᕐᒧᑦ ᐊᑖᒍᑦ ᐸᕿᔭᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
7.2.3
ᑐᓂᓗᒋᑦ ᐃᖏᕐᕋᓯᑎᑦᑎᔪᓐᓇᕋᕕᑦ ᓯᕗᓕᐅᖅᓯᑎᐅᓗᑎᑦ ᐊᒻᒪᓗ ᐅᖃᐅᑎᓗᒋᑦ ᐱᓯᒪᓂᖃᖅᑐᓄᑦ ᐸᕐᓇᐃᓂᐃᒧᑦ ᐊᒻᒪᓗ ᖃᕿᔾᔪᑎᒃᓴᓕᐅᕈᑎᑦ ᐱᐅᓯᑐᖃᖃᕐᕕᐅᔪᓂᒃ, ᐃᑦᑕᕐᓂᑕᖃᕐᕕᐅᔪᓂ, ᐃᒫᓂ ᖃᐅᒻᒪᖁᑎᓕᑦ ᐳᒃᑕᔪᑦ ᐊᒻᒪᓗ ᓯᓚᕐᔪᐊᕐᒥ ᐃᒡᓗᑐᖃᐃᑦ ᐃᓂᖏᑦ ᐊᐅᓚᑕᐅᔪᑦ ᐊᒻᒪᓗ ᐸᕿᔭᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ.
7.2.4
ᐱᔭᕆᐅᖅᓴᑎᑦᑎᓗᑎᑦ, ᑐᑭᒧᐊᒃᑎᑦᑎᓗᑎᑦ, ᐊᒻᒪᓗ ᓴᓇᕐᕈᑎᑦ ᐱᐅᓯᑐᖃᕐᒧᑦ ᐊᑐᐃᓐᓇᐅᔪᑦ ᐊᐅᓚᑕᐅᓗᑎᒃ ᓴᕿᑕᐅᓯᒪᔪᑦ ᐊᒻᒪᓗ ᐊᑐᐊᐃᓐᓇᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᖕᓄᑦ.
7.2.5
ᖃᐅᔨᒪᑦᑎᐊᕐᓗᑎᑦ ᑕᒪᓐᓇ ᐃᓕᓴᕆᔭᐅᓗᓂ ᐱᐅᓯᑐᖃᖃᕐᕕᑦ ᐊᑖᒍᑦ section 7.4.1 ᑲᔪᓯᑎᑕᐅᓯᒪᔪᖅ ᐊᒻᒪᓗ ᒪᓕᑦᑎᐊᕐᓗᓂ ᓄᓇᖅᑲᖅᑳᖅᓯᒪᔪᑦ ᓄᓇᒥᒃ ᐸᕿᔨᒃᓴᓄᑦ ᖃᓄᐃᓕᖓᔾᔪᑎᒃᓴᖓ ᐊᒻᒪᓗ ᑕᒪᒃᑯᓄᖓ ᐊᑕᔪᑦ ᓴᓇᕐᕈᑎᑦ.
7.2.6
ᐊᑐᑦᑎᐊᖏᓐᓇᕐᓗᒋᑦ ᓄᓇᓕᖕᓂ ᐱᓕᕆᔾᔪᓯᑦ ᐱᐅᓯᑐᖃᖃᕐᕕᖕᒥᒃ ᐊᐅᓚᑦᑎᓗᑎᒃ.
7.2.7
ᐋᕿᑦᑎᐊᖅᓯᒪᐃᓐᓇᕐᓗᒋᑦ ᐱᖁᑎᑦ ᑎᑎᕋᖅᓯᒪᔪᑦ ᐱᐅᓯᑐᖃᖃᕐᕕᖕᓂ ᐃᓕᓴᕆᔭᐅᓯᒪᔪᑦ ᐊᑖᒍᑦ section 7.4.1.
7.2.8
ᒥᐊᓂᕆᓗᒍ ᐊᑑᑎᖃᕐᓂᖓ ᐅᓇ ᐊᑐᐊᒐᖅ
7.3
ᐅᓇ ᑐᖏᓕᖓ-ᐊᖓᔪᖅᑳᖅ, ᐊᐅᓚᑦᑎᓂᖓ ᐃᒪᓐᓇᐅᒋᐊᓕᒃ:
7.3.1
ᓯᕗᓕᐅᕆᓗᓂ ᐊᑐᓕᖅᑎᑕᐅᕙᓪᓕᐊᓂᖓᓂ ᑕᒪᓐᓇ ᐊᑐᐊᒐᖅ ᐊᒻᒪᓗ ᑖᒃᑯᓄᖓ ᐊᑕᔪᑦ ᓴᓇᕐᕈᑎᑦ ᐃᑦᑕᕐᓂᑕᖃᖅᑐᓂ ᑎᑭᐅᑎᑦᑎᐊᕐᓂᐊᕐᒪᑕ ᑐᑭᓕᐅᕈᑕᐅᕙᓪᓕᐊᓂᐊᖅᑐᓄᑦ ᐊᒻᒪᓗ ᓂᕆᐅᒋᔭᐅᔪᓄᑦ ᐋᕿᒍᑎᔪᓄᑦ.
7.4
ᑲᑐᔾᔨᓗᑎᒃ, ᑐᖏᓕᖓ-ᐊᖓᔪᖅᑳᖅ, ᐊᐅᓚᑦᑕᐅᔪᓄᑦ ᐊᒻᒪᓗ ᑐᖏᓕᖓ-ᐊᖓᔪᖅᑳᖅ ᓄᓇᖅᑲᖅᑳᖅᓯᒪᔪᓄᑦ ᐊᒻᒪᓗ ᐱᐅᓯᑐᖃᕐᓄᑦ ᐱᖁᑎᑐᖃᖏᑦ ᐃᒪᓐᓇᐅᒋᐊᓕᑦ:
7.4.1
ᐊᖏᖅᓯᓗᑎᒃ ᐃᓕᓴᕆᔭᐅᖁᓪᓗᒋᑦ ᐱᐅᓯᑐᖃᖃᕐᕕᐅᔪᑦ ᑭᓯᐊᓂ ᐱᔪᓐᓇᐅᑎᖏᑦ ᐊᑕᒃᐸᑕ ᒪᓕᒐᕐᒧᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐊᑐᐊᒐᕐᓄᑦ ᑖᔅᓱᒧᖓ ᒥᓂᔅᑕᒧᑦ
7.4.2
ᑲᑎᒪᔭᖅᑐᖅᑎᑕᐅᓗᓂ ᐱᔪᓐᓇᐅᑎᖃᕐᕕᒋᔭᒥᖕᓄᑦ ᐊᑖᒍᑦ section 7.4.1 ᐊᖏᖅᓯᓗᑎᒃ ᐃᓕᓴᕆᔭᐅᖁᓪᓗᒋᑦ ᐱᐅᓯᑐᖃᖃᕐᕕᑦ ᑖᒃᑯᓄᖓ ᐊᐅᓚᑦᓯᔨᓄᑦ ᐊᑖᒍᑦ ᓇᖕᒥᓂᖅ ᐊᐅᓚᑦᑎᔾᔪᑎᒥᖕᓄᑦ.
7.5
ᑐᖏᓕᖓ-ᐊᖓᔪᖅᑳᖅ, ᐃᒡᓗᓕᕆᓂᕐᒧᑦ ᐊᒻᒪᓗ ᐱᖁᑎᑦ ᐃᒪᓐᓇᐅᒋᐊᓕᒃ:
7.5.1
ᐃᖅᑲᓇᐃᔮᕆᓪᓗᒍ ᐊᖓᔪᖅᑳᖅ ᑐᓂᔭᐅᓯᒪᔪᖅ ᐃᒡᓗᓕᕆᓂᕐᒧᑦ ᐊᒻᒪᓗ ᐱᖁᑎᓄᑦ, ᖃᐅᔨᒪᑦᑎᐊᕐᓗᓂ ᑖᒃᑯᐊ ᑐᓐᖓᔾᔪᑎᖏᑦ ᑕᒪᑐᒧᖓ ᐊᑐᐊᒐᕐᒧᑦ ᐊᒻᒪᓗ ᑕᐃᒪᓐᓇᐅᔭᕆᐊᖃᖅᑎᑕᐅᔪᓄᑦ ᓴᓇᕐᕈᑎᖏᑦ ᐃᓚᓕᐅᑎᓯᒪᓗᒋᑦ ᑭᑰᓂᖏᓐᓄᑦ ᐊᐅᓚᑦᑎᓂᕐᒧᑦ, ᐸᕐᓇᐃᓂᕐᒧᑦ ᖃᑭᔾᔪᑎᒃᓴᓕᐅᕐᓂᕐᒧᓪᓗ ᐃᒡᓗᓄᑦ ᐊᒻᒪᓗ ᐱᖁᑎᓄᑦ.
7.5.2
ᐃᑲᔪᕐᓗᒋᑦ ᐊᑐᓕᖅᑎᑕᐅᓂᖓ ᐅᓇ ᐊᑐᐊᒐᖅ ᐊᒻᒪᓗ ᑖᒃᑯᓄᖓ ᐊᑕᔪᑦ ᓴᓇᕐᕈᑎᑦ, ᑕᐃᒫᒃ ᐱᖁᓗᒋᐊᓖᑦ ᐱᔭᕆᐅᖅᓴᐅᑎᑦ ᓴᓇᕐᕈᑎᖏᑦ ᐊᒻᒪᓗ ᑐᑭᒧᐊᒍᑎᖏᑦ ᐊᔪᕆᖅᓲᔾᔨᕙᓪᓕᐊᔪᑦ ᓱᕈᖅᓴᐃᑕᐃᓕᓂᕐᒧᑦ ᐃᒡᓗᖁᑎᒥᖕᓄ ᓴᕿᑕᐅᓗᑎᒃ ᐊᒻᒪᓗ ᐊᑐᐊᓐᓇᐅᓗᑎᒃ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᖕᓄᑦ.
7.6
ᑲᑐᔾᔨᓗᑎᒃ, ᑐᖏᓕᖓ-ᐊᖓᔪᖅᑳᖅ, ᐃᒡᓗᓄᑦ ᐊᒻᒪᓗ ᐱᖁᑎᓄᑦ ᐊᒻᒪᓗ ᑐᖏᓕᖓ-ᐊᖓᔪᖅᑳᖅ ᓄᓇᖅᑲᖅᑳᖅᓯᒪᔪᓄᑦ ᐊᒻᒪᓗ ᐱᐅᓯᑐᖃᕐᓄᑦ ᐱᖁᑎᑐᖃᖏᓪᓗ ᐃᒪᓐᓇᐅᒋᐊᓕᒃ:
7.6.1
ᐊᑐᖅᑕᐅᑦᑎᐊᕋᓗᐊᕐᒪᖔᑕ ᑐᓐᖓᕕᖏᑦ ᑕᒪᑐᒧᖓ ᐊᑐᐊᒐᕐᒧᑦ ᐊᒻᒪᓗ ᑕᐃᒪᓐᓇᐅᔭᕆᐊᖃᖅᑎᑲᐅᔪᑦ ᑕᒪᒃᑯᓄᖓ ᓴᓇᕐᕈᑎᑦ ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᐊᑕᓕᖅᑎᓯᒪᑦᑎᐊᕐᓗᑎᒃ ᐱᖁᑎᓄᑦ ᐊᒻᒪᓗ ᐃᒡᓗᓄᑦ ᖃᑭᔾᔪᑎᒃᓴᓕᐅᕈᑎᒃᓴᑦ ᐃᓱᒪᓕᐅᕈᑎᒋᕙᓪᓕᐊᔭᕐᓄᑦ.
7.7
ᑕᒪᕐᒥᒃ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᑐᖏᓕᖏᑦ ᐊᖓᔪᖅᑳᑦ ᐃᒪᓐᓇᐅᔭᕆᐊᖃᖅᑐᑦ:
7.5.1
ᐱᔭᕆᐅᖅᓴᑦᑎᐊᖅᓯᒪᒐᓗᐊᕐᒪᖔᑕ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᓕᕆᖃᑎᒌᖏᑦ ᐊᑑᑎᖃᖅᑐᓄᑦ ᐱᐅᓯᑐᖃᖃᕐᕕᐅᔪᑦ ᐊᐅᓚᑦᑎᔾᔪᑎᖏᓐᓂᒃ.
7.8
ᓄᓇᒥ ᐱᓇᓱᖃᑎᒌᑦ ᐅᔾᔨᖅᑐᖅᑎᖓ ᐃᒪᓐᓴᐅᔭᕆᐊᖃᖅᑐᖅ:
7.8.1
ᐊᑐᖅᑕᐅᑦᑎᐊᕋᓗᐊᕐᒪᖔᑕ, ᑕᐃᑲᓂ ᐃᒡᓗᑐᑲᐃᑦ, ᐅᓇ ᑐᓐᖓᔾᔪᑕᐅᔪᖅ ᑕᒪᑐᒧᖓ ᐊᑐᐊᒐᕐᒧᑦ ᐊᒻᒪᓗ ᑕᐃᒪᓐᓇᐅᔭᕆᐊᖃᖅᑎᑕᐅᔪᑦ ᑖᒃᑯᓄᖓ ᓴᓇᕐᕈᑎᑦ ᐊᒻᒪᓗ ᐊᑑᑎᖃᑦᑎᐊᖅᑐᒥᒃ ᐊᑕᓕᖅᑎᓯᒪᑦᑎᐊᕐᓗᑎᒃ ᐊᐅᓚᑦᑎᔾᔪᑎᓄᑦ ᐱᐅᓯᑐᖃᖃᕐᕕᖕᓄᑦ ᒪᓕᑦᑎᐊᖅᑎᓪᓗᒋᑦ ᐊᑑᑎᖃᖅᑐᒥᑦ ᐱᓕᕆᔾᔪᑎᑦ ᓇᓗᓇᐃᖅᓯᒪᔪᑦ ᖃᓄᐃᓕᐅᕈᑎᒃᓴᖏᑦ ᐃᒻᒪᑲᓪᓚᓂᑕᓄᑦ ᐊᒻᒪᓗ ᐃᖃᐅᒪᔾᔪᑎᒃᓴᓄᑦ.
8. ᑐᑭᖏᑦ
- ᐃᑦᑕᕐᓂᑕᖃᕐᕕᑦ
- ᐃᓂ ᐅᕝᕙᓘᓐᓃᑦ ᓄᓇ ᑎᒍᔭᒃᓴᐅᔪᓂᒃ ᐱᑕᖃᖅᑐᖅ ᐃᒻᒪᑲᓪᓚᒃ ᐃᓄᖕᓂᑦ ᖃᓄᐃᓕᐅᕐᕕᐅᔪᕕᓃᑦ ᒫᓐᓇᒧᑦ ᓱᓕ ᐱᐅᔪᑦ, ᖄᖓᓂ, ᐊᑖᓂ ᐅᕝᕙᓘᓐᓃᑦ ᖁᓛᓂ ᒪᓕᕋᐅᑉ.
- ᓇᓗᓇᐃᒃᑯᑕᖅᑖᖅᓯᒪᔪᖅ ᒐᕙᒪᑐᖃᒃᑯᓂ ᐃᑦᑕᕐᓂᓴᐅᓗᓂ ᐃᒡᓗ
- ᐊᖏᖅᑕᐅᓯᒪᔪᖅ ᒐᕙᒪᑐᖃᒃᑯᓂᑦ ᐃᒡᓗᑐᖃᖅ ᐃᑦᑕᕐᓂᑕᖅ ᓴᓂᖅᕙᒃᑕᐅᓯᒪᔪᖅ ᐊᑖᒍᑦ ᑮᓇᐅᔭᓕᕆᔨᕐᔪᐊᒃᑯᑦ ᑲᑎᒪᔨᖏᑦᑕ ᐊᑐᐊᒐᖏᑦ ᐊᐅᓚᑦᑎᓂᕐᒧᑦ ᐃᒡᓗᓂᒃ ᓯᕗᓂᐊᓂ ᓴᓇᔭᐅᓂᑯᑦ ᒪᐃ 13, 2022.
- ᐃᖃᐅᒪᔾᔪᑎᑦ ᒪᓕᒃᑕᐅᒋᐊᓕᒃ
- ᐱᔾᔪᑎᖃᖅᑐᖅ ᖃᓄᕆᑑᓂᖓ ᐅᕝᕙᓘᓐᓃᑦ ᒫᓐᓇ ᖃᓄᐃᓕᖓᓂᕐᓂᖓ ᑲᓇᑕᒥ ᐃᑦᑕᕐᓂᑕᖃᕐᕕᑦ ᑕᐃᑲᓂ ᐃᓂᖓ ᐱᔭᐅᓯᒪᔪᖅ ᐃᑦᑕᕐᓂᑕᖃᕐᓂᖓᓂ ᐊᑑᑎᖃᖅᑐᑦ ᐅᑯᐊᓗ ᑕᐃᒪ ᓴᓂᖅᕙᒃᑕᐅᓯᒪᕗᑦ. ᐃᖃᐅᒪᔾᔪᑎᑦ ᒪᓕᒃᑕᐅᒋᐊᓕᑦ ᓇᑉᐸᕆᐊᓕᑦ ᑭᓱᒥᒃ ᑕᖏᕐᒥᒃ ᐋᕿᐅᑎᒋᔭᖃᕋᒥᒃ.
- ᓱᕈᖅᑕᐃᓕᑎᑦᑎᓂᖅ
- ᑕᒪᕐᒥᒃ ᐱᓕᕆᐊᖑᔪᓄᑦ ᐅᕝᕙᓘᓐᓃᑦ ᐱᓕᕆᔾᔪᓯᑦ ᑐᕌᖅᑐᑦ ᐃᑦᑕᕐᓂᑕᖃᕐᒪᑦ ᐊᑑᑎᖃᖅᑐᖅ ᐱᐅᓯᑐᖃᖃᕐᕕᒃ, ᐃᒫᓂ ᐳᒃᑕᔪᑦ ᖃᐅᒻᒪᖁᑎᑦ ᐊᒻᒪᓗ ᓯᓚᕐᔪᐊᒥ ᐃᒡᓗᑐᖃᐃᑦ.
- ᐱᐅᓯᑐᖃᖃᕐᕕᒃ
- ᐱᐅᓯᑐᖃᖃᕐᕕᑦ ᐱᑕᖃᖅᑐᖅ ᐃᒻᒪᑲᓪᓚᒃ ᐃᓄᖕᓂᑦ ᖃᓄᐃᓕᐅᕐᕕᐅᔪᕕᓃᑦ ᐊᒻᒪᓗ ᑐᑭᓕᐅᖅᓯᒪᔪᑦ ᑕᒪᑐᒧᖓ ᐊᑕᔪᓂᑦ ᐱᓪᓗᒍ ᐃᓄᐃᑦ ᐃᒻᒪᑲᓪᓚᒃ ᐊᑐᖅᓯᒪᔭᖏᓐᓂᒃ, ᐱᐅᓯᑐᖃᖏᑦᒪ ᐊᒻᒪᓗ ᑕᕐᓂᖏᓐᓄᑦ ᐊᑕᔪᑦ.
ᐱᐅᓯᑐᖃᖃᕐᕕᑦ ᐊᐅᓚᑕᐅᔪᑦ ᑐᕌᖅᓯᓪᓗᑎᒃ ᓱᕈᖅᑕᐅᑦᑕᐃᓕᑎᑦᑎᓂᕐᒥᒃ ᐃᑦᑕᕐᓂᑕᓂᒃ ᐊᑑᑎᖃᕐᒪᑕ ᐅᑯᐊ ᐊᑖᓂ ᑎᑎᕋᖅᓯᒪᔪᑦ:- ᑲᓇᑕᒥ ᐃᒡᓗᑐᖃᐃᑦ;
- ᓄᓇᓯᐅᑎᑯᑖᖃᕐᕕᕕᓃᑦ ᐃᒡᓗᑦ;
- ᒐᕙᒪᑐᖃᒃᑯᑦ ᐃᒡᓗᑐᖃᕐᓄᑦ ᓴᓂᖅᕙᒃᑕᐅᓯᒪᔪᑦ ᐊᑖᒍᑦ ᐊᑐᐊᒐᖏᑦ ᐊᐅᓚᑦᑎᓂᕐᒧᑦ ᐃᒡᓗᓂᒃ ᑕᐃᑲᓂ ᐅᕝᕙᓘᓐᓃᑦ ᓯᕗᓂᐊᓂ ᓴᓇᔭᐅᓂᑯᑦ ᒪᐃ 13, 2022;
- ᓇᓗᓇᐃᖅᑕᐅᓯᒪᔪᑦ ᒐᕙᒪᑐᖃᒃᑯᑦ ᐃᑦᑕᕐᓂᑕᐅᓂᖏᑦ ᐃᒡᓗᑐᖃᐃᑦ; ᐊᒻᒪᓗ
- ᑎᒍᔭᒃᓴᐅᔪᑦ ᐅᕝᕙᓘᓐᓃᑦ ᑎᒍᔭᒃᓴᐅᓐᖏᑦᑐᑦ ᐃᓕᓴᖅᓯᓯᒪᔪᑦ ᐃᑦᑕᕐᓂᑕᖃᓂᖓᓂ ᐊᑑᑎᖃᖅᑐᖅ ᐊᑖᒍᑦ ᒪᓕᒐᖅ section 7.4.1.
- ᐃᑦᑕᓂᑕᐃᑦ ᐃᖁᒪᓕᑦ ᓇᐸᔪᑦ ᐃᒫᓂ
- ᐃᑦᑕᕐᓂᑕᐃᑦ ᐃᖁᒪᓕᑦ ᓇᐸᔪᑦ ᐃᒫᓂ ᓴᓂᖅᕙᒃᑕᐅᓯᒪᔪᑦ ᐊᑖᒍᑦ ᐃᓚᖓ 6 ᐃᑦᑕᕐᓂᑕᐃᑦ ᐃᖁᒪᓕᑦ ᓇᐸᔪᑦ ᐃᒫᓂ ᓴᐳᓐᓂᐊᕈᑎᖏᑦ ᐱᖁᔭᕐᔪᐊᖅ
- ᐃᑦᑕᕐᓂᑕᖃᖅᑐᑦ
- ᓄᓇ, ᓴᕿᓯᒪᔪᖅ ᐃᒫᓂᑦ ᓄᓇ, ᓯᑯ, ᐊᒻᒪᓗ ᐃᒥᖅ ᐊᐅᓚᑕᐅᔪᑦ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᑲᓇᑕᒥ ᐃᑦᑕᕐᓂᑕᖃᕐᕕᖓᓂ, ᑲᓇᑕᒥ ᒥᕐᖑᐃᖅᓯᕐᕕᖏᓐᓂ ᐊᒻᒪᓗ ᒥᖑᐃᖅᓯᕐᕕᖑᖅᑎᑕᐅᔪᒪᔪᑦ, ᑲᓇᑕᒥ ᑕᕆᐅᖅᒥ ᓴᐳᓐᓂᐊᖅᑐᑦ ᓄᓇᖓᓂ ᐊᒻᒪᓗ ᓴᐳᓐᓂᐊᒐᒃᓴᑦ, ᐊᒻᒪᓗ ᓇᓕᐊᑐᐃᓐᓇᖅ ᐊᓯᖏᑦ ᓴᐳᒻᒥᔭᐅᔪᑦ ᐃᑦᑕᕐᓂᑕᖃᖅᑐᑦ ᓄᓇᐃᑦ ᓇᓗᓇᐃᖅᑕᐅᓯᒪᔪᑦ ᒪᓕᒐᖅ 2 ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ ᐱᖁᔭᕐᔪᐊᖓ.
- ᐃᑦᑕᕐᓂᑕᐃᖅ ᓄᓇᓯᐅᑎᑯᑖᖃᕐᕕᕕᓃᑦ
- ᐃᑦᑕᕐᓂᑕᐃᑦ ᓄᓇᓯᐅᑎᑯᑖᖃᕐᕕᑦ ᓴᓂᖅᕙᒃᑕᐅᓯᒪᔪᑦ ᐊᑖᒍᑦ ᒪᓕᒐᖅ 4 ᐃᑦᑕᕐᓂᑕᑦ ᓄᓇᓯᐅᑎᑯᑖᖃᕐᕕᖕᓂᒃ ᐸᐸᑦᑎᑦᑎᐊᕐᓂᖅ ᐱᖁᔭᕐᔪᐊᖅ
- ᐃᑦᑕᕐᓂᑕᓄᑦ ᐊᑑᑎᖃᖅᑐᑦ
- ᑲᔾᔮᕐᓇᖅᑐᑦ, ᐃᑦᑕᕐᓂᑕᐃᑦ, ᖃᐅᔨᓴᖅᑎᒻᒪᕆᖕᓅᖓᔪᑦ, ᐱᐅᓯᑐᖃᖅ, ᐃᓅᓯᖅ, ᐅᕝᕙᓘᓐᓃᑦ ᑕᕐᓂᕐᒧᑦ ᐊᑑᑎᖃᖅᑐᑦ ᐱᐅᓯᑐᖃᖃᕐᕕᑦ ᐅᕝᕙᓘᓐᓃᑦ ᐃᑦᑕᕐᓂᑕᖃᕐᕕᑦ.
ᑕᐃᑲᓂ ᐃᑦᑕᕐᓂᑕᐃᑦ ᐃᖁᒪᓕᑦ ᓇᐸᔪᑦ ᐃᒫᓂ, ᐃᑦᑕᕐᓂᑕᑦ ᐊᑑᑎᖃᖅᑐᑦ ᑐᑭᖃᖅᑐᑦ ᐃᑦᑕᕐᓂᑕᖃᕐᒪᑕ.
ᑕᐃᑲᓂ ᓯᓚᕐᔪᐊᒥ ᐊᑦᑕᕐᓂᑕᖃᕐᕕᑦ, ᐃᑦᑕᕐᓂᑕᖃᖅᑐᑦ ᐊᑑᑎᖃᖅᑐᑦ ᐊᖏᓛᑦᑎᐊᒥᒃ ᓯᓚᕐᔪᐊᓕᒫᒧᑦ ᐊᑑᑎᖃᕈᑎᒃ.
ᐅᑯᐊ ᐊᖓᔪᖃᐅᑎᑦ ᐃᑦᑕᕐᓂᑕᑦ ᐊᑑᑎᖃᕐᓂᖏᓐᓂᒃ ᓇᓗᓇᐃᖅᓯᒪᔪᑦ ᐱᐅᓯᑐᖃᖃᕐᕕᖅ ᓇᓗᓇᐃᖅᑕᐅᓯᒪᔪ ᒥᓂᔅᑕᒥᑦ ᐃᓂᖃᖅᑐᑦ ᒐᕙᒪᒃᑯᑦ ᑎᑎᕋᖅᑕᐅᓯᒪᕕᖏᓐᓄᑦ ᐃᓄᖕᓄᑦ ᐊᑐᐃᓐᓇᐅᔪᑦ ᐃᑦᑕᕐᓂᑕᖃᕐᕕᖕᓂ ᓇᓗᓇᐃᖅᑕᐅᓯᒪᔪᓂᒃ ᓴᓂᖅᕙᒃᑕᐅᓯᒪᔪᑦ ᐊᐅᓚᑕᐅᓪᓗᑎᒃ ᒥᕐᖑᐃᖅᓯᕐᕕᓕᕆᔨᒃᑯᑦ ᑲᓇᑕ. - ᐃᓕᓴᕆᔭᐅᓯᒪᔪᑦ ᒐᕙᒪᑐᖃᒃᑯᑦ ᐃᑦᑕᓂᑕᐃᑦ ᐃᒡᓗᑐᖃᐃᑦ
- ᐃᒡᓗᑦ ᓴᓂᖅᕙᒃᑕᐅᓯᒪᔪᑦ ᐃᓕᓴᕆᔭᐅᓯᒪᓪᓗᑎᒃ ᐃᑦᑕᓂᑕᐅᓂᖏᓐᓂᒃ ᐊᑖᒍᑦ ᐊᑐᐊᒐᖅ ᐊᐅᓚᑦᑎᔾᔪᑕᐅᔪᓄᑦ ᐃᒡᓗᓕᕆᓂᕐᒥ ᓯᕗᓂᐊᓂ ᒪᐃ 13, 2022.
9. ᑐᑭᓯᒋᐊᕐᕕᐅᔪᑦ
ᒪᓕᒐᐃᑦ
- Canada National Marine Conservation Areas Act
- Canada National Parks Act
- Canadian Navigable Waters Act
- Department of Transport Act
- Federal Real Property and Federal Immovables Act
- Financial Administration Act
- Heritage Lighthouse Protection Act
- Heritage Railway Stations Protection Act
- Historic Sites and Monuments Act
- Impact Assessment Act
- Laurier House Act
- Parks Canada Agency Act
- Rouge National Urban Park Act
- Saguenay-St. Lawrence Marine Park Act
- United Nations Declaration on the Rights of Indigenous Peoples Act
ᑕᒪᑐᒧᖓ ᐊᑕᔪᑦ ᐊᑐᐊᒐᑦ ᓴᓇᕐᕈᑕᐅᓯᒪᔪᑦ
- Canada's Collaborative Modern Treaty Implementation Policy
- Framework for History and Commemoration: National Historic Sites System Plan 2019
- Indigenous Stewardship Framework
- Inuit Nunangat Policy
- Parks Canada Asset Management Directive
- Parks Canada Directive on Impact Assessment
- Standards and Guidelines for the Conservation of Historic Places in Canada (2010)
- Treasury Board Policy on the Planning and Management of Investments
ᓯᓚᕐᔪᐊᒥ ᓱᓕᓂᕋᐅᑎᑦ, ᐊᖏᖅᑕᐅᓯᒪᔪᑦ ᐊᒻᒪᓗ ᐊᖏᕈᑎᑦ
- Convention Concerning the Protection of the World Cultural and Natural Heritage
- United Nations Declaration on the Rights of Indigenous Peoples
ᐊᓯᖏᑦ
- Date modified :