Maligatsait ilinganiKajumut Aulatsigiamut Ilukkusiliginimmut Piviannatunik, Itsasuanitanut Iningit, Taimangasuanit Ikumalet Illualuit, ammalu Silatsuami Taimangasuanit Inigijaujut

English Print this page

1. Atuttauliakisimanninga ullunga

Tânna maligatsak atuttauliaKisimajuk ullunganit Septembera 1, 2025.

Tânna maligatsak ammalu ilinganigijangit pitagijangit ininganottisijuk taipsuminga Ilukkusiliginimmut Piviannatunik Aulatsigiamut Maligatsanik napvâtaujumut iluani Ilangani III taipsumangat SilakKijâpviligijet Canadami Tasiugiattaujumut Pitagijanginnik ammalu Aulatsigiamut Maligatsanginnik.

2. Pitsatunilet

Tânna maligatsak tunijaujuk malillugu ilagiagutimmik 4 (1) ammalu 12 (3) taipsumangat SilakKijâpviligijet Canadami katutjiKatigegiallanga PikKujatsasuanganik.

3. Pitagijangit

Ilukkusiliginimmut piviannatungit atuniKatsiamagittut tukisigiamut, nakutsagiamut, atugiamut, ammalu aliagigianganut taimangasuanit inigijaujunut. Illinattut atajut ilukkusinnut piviannatunit Kanutuinnak tukisijausot, sutaijajunut takunnâtausot ammalu silatsuami takunnâtausongutlutik, ammalu asianguvalliasot Kângivallialimmat. Aulatsigiamut atuttauKattajut sungiutigijaugialet sunatsuatuinnanut pitagijaujunut ammalu sungiutisongulluni asiangujunut atautsikut ilitatsiluni ikKanattoninganik piunippânik atuttausongujunut ammalu atullutillu isumagijautsiasimajunut pinianniKallutik. Tânna maligatsak sakKititsijuk ilonnanginnik Kanuk aulatsigunnagiamut ilukkuset piviannatunik nungotsitailigiamut taimangasuanigijanginnik illinattojunullu, isumagillugit nunatsualimâmi piusituKausimajut inigijangit, taikkunungallu ikKaumautigillugit pitagijanginnik. Tainna maligatsak sakKititsimijuk itsasuanitanik inigijaujunut, taimangasuanit ikumalet illualuit ammalu Silatsuami Taimangasuanit inigijaujunut.

Tamanna nutângutitaunninga tâpsuminga maligatsamik pigiasittaulautsimajuk sivullimi kiugiamut taipsumunga Sulijunut ammalu KujaliKatigennimik katimattiujunut Canadami Kinugautigisimajanginnnut PinianniKagiamut 79(ii). Tânna maligatsak ikajutsijuk atuttaugumajunut allatausimajutigut ilinganiKajumut kavamakkunut Canadami Piniannet Pannaigutinganik kiugiamut taipsumunga United Nations Ilitagijaugutinganik Pivitsanut NunaKakKâsimajuit Inunginnut PikKujatsasuanganut angutigiamut tugâgutigijanginnik taipsumunga United Nations Ilitagijaugutet Pivitsanginnut NunaKakKâsimajuit Inunginnut.

Ilisigianganut tâpsumunga maligatsamk, SilakKijâpviligijet Canadami sulijugiKavut maligatsasuakkut paigijaugutigijanginnik pivitsagijaujunut taikkununga NunaKakKâsimajuit inunginnut ammalu malillutik pivitsagijanginnik ammalu suliagijaugiaKajunut ilinganiKajunut ullumiulittuk ammalu taimangasuanit angiKatigegutigijausimajunut, angiKatigegutet, ammalu asigiallanik pitsiatausimajunut âkKisuttausimajunut, sollu paigijaugutiKajunut iniujunut sakKititausimajunut angiKatigegutinnut ammalu attutaujuKagajappat ammalu ikajotet angiKatigegutinnik.

Tânna maligatsak sanajausimajuk maltlutik malittaugiaKajunut sulijugiKajunut pitagijanginnik atunik taimangasuanit inigijaujunut. Unuttumaget nunalet ammalu NunaKakKâsimajuit ikajuttigejut pitalet angijummagimmik ammalu atjiKangitunik ataKatigejunut taikkununga ilukkusiliginimmut taimangasuaniujunut atânejunut SilakKijâpviligijet Canadami paigijaugutiKajunut. Nittugigiangit taikkununga atajunut, atjigengitut isumagijaujut ammalu silatsuami takunnâtaujunut Kaujititsigialik Kanuk aulatsigiamut taikkununga ilukkusiliginimmut piviannatojunut. Tânna maligatsak, ikajuttigetlugit pimagittojanganik, sakKititsivuk pivitsanik sanagiamut ammalu sangitivalliatitsigiamut sulijugijaujunut ilagenimmik ammalu tukisigiamut, sakKititsivalliajumut atuniKatsianiattumut, sakKijânginnaKullugu, ammalu ilukkusikkut nâmmasiattunik ilinniatitsigiamut taikkununga ilukkusiliginimmut taimangasuaniujunut.

4. Ottugautik

4.1
Tânna maligatsak ukununga ilinganiKajuk:
4.1.1
Ilukkusiliginimmut piviannatungit iluani taimangasuanit iniujunut aulataujunut SilakKijâpviligijet Canadakkunut ammalu katitsuigiamut atâgut paigijaujunut SilakKijâpviligijikkunginnut Canadami ilautigillugit ilukkusiliginimmut piviannatunik tauttulitsatâgijaujunut upvalu attatuttaujunut asinginnut.
4.1.2
Itsasuanittaligijet inet nunanik aulataujunut SilakKijâpviligijet Canadakkunut.
4.1.3
Taimangasuanit Ikumalet Illualuit aulataujunut SilakKijâpviligijet Canadakkunut.
4.1.4
Silatsuami Taimangasuanit iniujut, upvalu ilanginnik Silatsuami Taimangasuanit inet, aulataujunut SilakKijâpviligijet Canadakkunut.
4.2
Tânna maligatsak ukununga ilinganiKalungituk:
4.2.1
Inuvinet, iluvipvinut pitagijangit, iluvipvet, ammalu asigiallait iluvipvet nunagijangita.
4.3
Tânna maligatsak atuattaugialik ammalu ilijaugialik ikajuttigenikkut ilinganiKatsiatunut maligalianut, maligatsanut ammalu maligatsaliginimmut pitanginnik ilautillugit tâvatuak ilagiagutigilunnagit taikkununga allatausimajunut iluani Ilagiagutimmut 9 atâni. Tânna maligatsak atuattaugiaKammijuk ammalu ilijaulluni ikajuttigellutik ilonnanginnik ilinganiKajunut angiKatigettausimajunut, angiKatigennut, ammalu pitsiatausimajunut âkKisuttausimajunut taikkununga NunaKakKâsimajuit Inunginnut.

5. Malittausiagumajut

SilakKijâpviligijet Canadami suliaKattiKavut ukununga malttaugiaKajunut aulatsigunnagiamut ilukkusiligijet piviannatojunut:

5.1
Ikajuttigenikkut
5.1.1
SuliaKaKatigillugit NunaKakKâsimajuit ikajuttigejunut malittigetsiatumik taikkununga NunaKakKâsimajuit Ilinniatitsigiamut TungaviKatillugit ammalu nunalinnut kamagijautsianiammata nungotsitailigiamut ammalu Kaujititsiutinik ottugattaunikkut ilinganiKatsiatunut atjigengitunik isumagijaujunut ammalu Kaujimajaugettunut piusigijaujunut.
5.1.2
Ikajuttigellugit suliaKaKatigijangit Kaujimatsiatillugit kajusiuitiliuKattaniammata ilinganiKajunut aulatsigiamut ilukkusiliginimmut pivianatojunut.
5.2
TukisiKatigennik
5.2.1
TautseKatigennik Kaujimajaugettunut sakKititsivalliagiamut piunitsamik tukisiKatigennimik ilinganiKajunut taimangasuanik illigijaujunut ilukkusiliginimmut piviannatunut KaujimattitauKattajunut NunaKakKâsimajuit piusigijanginnik ammalu ilinganiKajunut Kanuittusuatuinnanut Kaujisagiamut piusigijauKattajunut ammalu atuttausonut ilautigillugit uKausikkut piusigijaulautsimajunut.
5.2.2
Atullutik tâpsuminga tukisijauttumut ilitatsigiamut ilukkuset piviannatunik, sanaKattalutik ilukkusikkut nâmmasiattunik annigijauKattajunut, ammalu kamagijautsialutik pitsiatunik ilnniagatsanik ilukkusikkut piviannatojunut.
5.3
SakKijânginnaKullugit
5.3.1
SakKititsilutik nungotsitailigiamut nigiugijaujunut ilinganiKajunut taimangasuanit illigijaujunut taikkununga ilukkuset piviannatunik isumagillugit atuinnaujunut kenaujait ammalu suliaKattelu atuniKatsiamangâllu.

6. Tugâgutigijaujut ammalu Nigiugijaujut sakKijut

6.1
Tânna tugâgutigijanga tâpsumunga maligatsamut imailingavuk sakKititsigiamut namut aigiamut aulatsigiamut ilinganiKajunut ilukkuset piviannatunginnik, itsasuanitait iningt, taimangasuanit ikumalet illualuit ammalu Silatsuami Taimangasuanit inigijaujunut aulataujunut ammalu paigijaujunut SilakKijâpviligijet Canadakkunut.
6.2
Tâmakkua nigiugijaujut sakKiniattut tâpsumangat maligatsamit imailingavut:
6.2.1
Tamakkua taimangasuanit illigijaujut ilukkusiligijet piviannatungit piulimajaugialet nittugillugit sivulliiviniusimajut ammalu ikajotigijauniattunut ullumiulittunik ammalu sivunitsaginiattavuttinut.
6.2.2
Piniannisait aulatsigiamut ilukkusiliginimmut piviannatunut ininginnik-ilinganiKagialet ammalu ilukkusikkut nâmmasiattilugit.
6.2.3
SilakKijâpviligijet Canadami atuKattajut atuttausonik atuKatigegiamut kajusiutiliunnimut pitjutigillugit ilukkusiligijet piviannatunut ammalu itsasuanitait ininginnik pivitsaKattiKullugit nittugigiangit NunaKakKâsimajunut ilinniagiamut iluani taimangasuanit inigijaujunut.
6.2.4
Ilukkusiliginimut piviannatunik aulatsigiamut atuniKatsiagialet ilijautillugit iluanut aulatsigiamut taikkununga taimangasuanit iniujunut ammalugiallak SilakKijâpviligijet Canadami sivulliutigijanginnik, suliatsanginnik, ammalu pannaigutinginnik.
6.2.5
Itsasuanitait inigijangit nunani aulataujut SilakKijâpviligijikkunginnut Canadami paigijaugialet taikkunangat pitsatuniKangitunut ulapitsijunut.
6.2.6
Taikkua taimangasuanit illigijaujunut ilinganiKajunut Taimangasuanit Ikumalet Illualuit aulataujut SilakKijâpviligijikkunginnut Canadami kamagijaunginnagialet uKausingitigut taikkununga Taimangasuanit Ikumalet Illualuit Paigijaugutigijangita PikKujatsasuanginnut.
6.2.7
Taikkua Suli Silatsuami Illigijaujut ilinganiKajunut Silatsuami Taimangasuanit inet, upvalu ilanginnik Silatsuami Taimangasuanit inet, aulataujunut SilakKijâpviligijikkunginnut Canadami piuilimajaugialet ikajuniammata ullumiulittunut ammalu sivunitsaginiattatinnut.

7. kina kamagiaKattitaugialet

7.1
Tânna SilakKijâpviligijet Canadami Angajukkânga ammalu Aulatsijillaginga pigialet:
7.1.1
kamatsiatillugiit pigumajaujut tugâgutet ammalu nigiugijaujut sakKilangajut tâpsumangat maligatsamit angutigijaugialet.
7.1.2
PikKujiKattalutik nutânik KaujigatsatâKattagiamut tâpsumangat maligatsamik Ministerimmut.
7.1.3
Angiutigillugit ilinganiKajunut pikKujaujunut ammalu Kangaulimmat nutânik KaujititsiutitsatâKattaluni.
7.2
Tânna Tullia AngajukKâk, NunaKakKâsimajuit Suliatsaligijingit ammalu Ilukkusiligijet Taimangasuanit pigialet:
7.2.1
SakKititsilutik aulatsiatunik sivukkatinnik ammalu uKautjigiagutinnik tâpsumunga maligatsamut ammalu ilinganiKajunut atuttausonut taikkununga SilakKijâpviligijet Canada iligengujunut.
7.2.2
Sivukkatiulluni atuliaKittisigiamut tâpsuminga maligatsamik ammalu ilinganiKajunut atuttausonut isumagillugit ilukkuset piviannatunut ilangagijaujunut katitsuigiamut atâgut paigjaujunut SilakKijâpviligijikkunginnut Canadami.
7.2.3
SakKititsilutik aulatsiatunik sivukkatinnik ammalu uKautjigiagutinnik ilinganiKajunut ammalu kenaujannik atullutik iluanut ilukkusiligijet piviannatunut, itsasuanitait ininginnik, taimangasuanit ikumalet illualunnut ammalu Silatsuami Taimangasuanit iniujunut aulataujunut ammalu paigijaujunut taikkununga SilakKijâpviligijet Canadakkunut.
7.2.4
kamallutik ilinniagatsaKaniattunut, tasiugiagutinnik, ammalu atuttausonut ilinganiKajunut Ilukkusinnik piviannatunik aulatsigiamut pivallaitaugialet ammalu atuinnauKullugit taikkununga SilakKijâpviligijikkunginnut Candami iligengujunut.
7.2.5
kamallutik ilitagijaugialet ilukkuset piviannatungit atâgut section 7.4.1 suliagijaugialet ammalu suliagijaugialet malitsiatumik taipsumunga NunaKakKâsimajuit Ilinniagatsanik Tungavinganik ammalu ilinganiKajunut atuttausanut.
7.2.6
Tigumiattaugialet nunalimmi ottugattaujunut ilinganiKajunut ilukkusi=et piviannatunik aulatsigiamut.
7.2.7
Tigumiallutik Katsiujunut ilukkuset piviannatungit ilitagijaujunut atâgut section 7.4.1.
7.2.8
kamallutik atuniKatsianigijanganik tâpsumnga maligatsamik.
7.3
Tainna Tullia AngajukKâk, Aulataujut imailingagialet:
7.3.1
Sivukkatiullutik atuliaKittisigiamut tâpsuminga maligatsamik ammalu ilinganiKajunut atuttauniattunut taikani taimangasuanit iniujunut angitigiamut tugâgutigijaugasuajunut ammalu nigiugijaujunut sakKiniattunut.
7.4
Ikajuttigellutik, tainna Tullia AngajukKânga, Aulataujut ammalu Tullia AngajukKânga, NunaKakKâsimajuit SuliaKapvinga ammalu Ilukkusiligijet Taimangasuanit pisot:
7.4.1
Angiutigillugit tamanna ilitagijaugutinganik ilukkusiligijet piviannatunginnik asiagut pitsatunilik tunitsigesimangikuni maligatsatigut upvalu asiagut maligatsamik Ministerimmut.
7.4.2
Annigillugit pitsatuniKattitaujumut atâgut section 7.4.1 angigiamut ilitagijaugutitsanganik ilukkusiligijet piviannatunginnik aulatsijimmut atâgut aulatsijiginginnut.
7.5
Tullia AngajukKânga, Namminigijaullagijut ammalu namminigijangit pigialet:
7.5.1
Angijutliulluni Nalunaittausimajuk kiggatuttilagiulluni Sulitsiatunut Namminigijaujunut ammalu PiKutinnut, kamagialik taikkua malittaugialet tamapsumunga maligatsamut ammalu suliagijaugialet ilinganiKajunut sunatuinnait ilijaugialet iluani kinakkoninginnut aulatsijinnut, pannaigutinnut ammalu piKutinnut.
7.5.2
Ikajutsigiamut atuliaKittisigiamut tâpsumunga maligatsamut ammalu ilinganiKajunut, kamagialik ajunnatojunut ilinniagatsanik atuttausonut ammalu tasiugiajiujunut piulimatsigiamut taikkununga sulitsiatunut namminigijaujunut pivalliataugialet ammalu atuinnaugialet taikkununga SilakKijâpviligijet Canadakkut iligenginnut.
7.6
Ikajuttigellutik, tainna Tullia AngajukKânga, Sulitsiatut Namminigijaujut ammalu Namminet ammalu Tuliia AngajukKânga NunaKakKâsimajuit SuliaKapvinga ammalu Ilukkusiligijet Taimangasuanit pigialet:
7.6.1
kamagialet taikkua malittaugialet tamapsumunga maligatsamut ammalu suliagijaugialet ilinganiKajunut pitanginnik ilijausimagialet ammalu atuniKatsiatumik ilijautillugit iluanut piKutinnut ammalu sulitsiatunut piKutinut ammalu sulitsiatunik namminigijaujut kenaujanik atuttauniattunut kajusiutiliulippata.
7.7
Ilonnait SilakKijâpvilgijet Canadami Tullia AngajukKânga pigialik:
7.7.1
kamalluni taikkua SilakKijâpviligijet Canadam iligengit nâmmasiattumik ilinniatitaugialet ilinganiKajunut ilukkusiliginimmut piviannatunik aulatsigunnagiamut.
7.8
Nunami Apvitattik Aulatsijillagingit pigialet:
7.8.1
kamalluni imâk, taimangasuanit iniujunut, tainna malittaugialik tâsumunga maligatsamut ammalu suliagijaugialellu ilinganiKajunut piKutinut ammalu atuniKatsiatumik ilijaugialet iluanit aulatsigiamut ilukkusiliginimmut piviannatunginnut piusiKallutillu malitsiatumik atuniKatsiatunut ottugattaujunut allataumajutigut iluani Tungavinganut ilinganiattumut PiusituKagijausimajunut ammalu IkKaumautigijaujunut.

8. Tukitâgutet

Itsasuanitait iningit
Iniuvuk upvalu inik nanituinnak attutausonut takutsaujunut sivullivinimmik inundated piniannigijausimajunut piulimajaujunut Kângani, atâni upvalul nunaup Kânganettunut.
Nalunaittausimajuk Federal Taimangasuanit Illualuk
Nalunaittausimajuk Federal Taimangasuanit Illualuk nalunaittausimajumut atâgut kenaujaligijet AngajukKauKatigenginnut Maligatsaligijet Aulatsijinnut Sulitsiatunut Namminigijaujunut sivungagut Mai 13, 2022.
IkKaumajaugutiligijikkut isumagijaugutilik
UKâlautiKajuk piusigijanganut upvalu inigijamminik Nunatsualimâmi PiusituKagijausimajunut Inik pitâsimatluni tainna taimangasuanit illigijaugiamut taipsumunga nalunaittausimajutigut. IkKaumajaugutiliginimmut ilijaugutiKasimajuk angutigijautluni Kangatuinnak malittaugialet angitigijaummata.
Nungotsitailigiamut
Ilonnait piniannet upvalu piusigijaujut tugâgutiKajunut tigumiagiamut taikkuninga taimangasuanit illigijaujunut ilukkuset piviannatunut, taimangasuanit ikumalet illualuit ammalu Silatsuami Taimangasuanit inimmut.
Ilukkuset piviannatungit
Ilukkuset piviannatungit takutsauvut inunnut piniannigijausimajunut ammalu tukiKatsiatluni pisimajunit ilinganigisimajanginnik ilonnainut inunnut piusituKagiajausimajunut, ilukkusik, ammalu uppinikkut.

Ilukkusinnut piviannatunik aulatsigiamut tugâgutiKavuk nungotsitailigiamut taimangasuanit illinattoninginnik ukununga:
  1. Nunatsualimâmi PiusituKagijausimajuk Inik;
  2. Taimangasuanik Nunakkogutet SuliaKapvinga;
  3. Federallikkunut Taimangasuanik namminigijaujuk nalunaittausimajuk atâgut tainna Kanuk pigiaKagiamut Aulatsigiamut Sulijunut PiKutinut ullungani upvalu kinguvânganit ullunganit Mai 13, 2022;
  4. Nalunaittausimalluni Federal Taimangasuanik Illualuk; ammalu
  5. attutausok upvalu attutausongulungitut piviannatut ilitagijaujunut pitaKatluni taimangasuanit illinattojunut atâgut ilagiagutimmut section 7.4.1.
Taimangasuanik Ikumalik Illuluk
Taimangasuant ikumalik illualuk ammalu ilinganiKajut illualuit nalunaittausimajuk atâgut ilagiagutimmut 6 taipsumangat Taimangasuanit Ikumalik Illualuk Paigijaugutigijangita PikKujatsasuanganut.
Taimangasuanik inik
Nunak, ulittauKattajuk nunak, sikuk, ammalu imait aulataujunut SilakKijâpviligijikkunginnut Canadami iluani nunatsualimâmi piusituKagijausimajuk inik, nunatsualimâmi silakKijâpvik ammalu silakKijâpvik sanipvatausimajuk, nunatsualimâmik imappik nungotsitaigiamut ammalu sanipvatausimajuk, ammalu asigiallait paigijaugutilet taimangasuanik inik tukiKattitaujumut ilagiagutimmut 2 pisimajumit SilakKijâpviligijet Canada katutjiKatgegiallanga PikKujatsasuangani.
Taimangasuanit Nunakkotugutik SuliaKapvik
Taimangasuanit nunakkogutk suliaKapvinga nalunaittausimajuk atâgut ilagiagutimmut 4 pisimajumit Taimangasuanit Nunakkogutet SuliaKapvinut PaigijaugutiKajunut PikKujatsasuangani.
Taimangasuanik illinattuk
Tânna takuminattuk, piusituKagijausmajuk, Kaujisattilagijnnut, ilukkusik, inulimânut, upvalu uppinikkut ilinganiKatsiatuk ilukkusinnut piviannatunut upvalu itsasuanitalet iniujumut.

Isumagillugit taimangasuanit ikumalet illualuit, taimangasuanik illinattuk tukiKavuk taimangasuank piusiKattitaujuk.

Isumagillugu Silatsuami Taimangasuank inik, taimangasuanik illinattuk tukiKavuk Angijumk Silatsuami illinattojuk.

Taikkua pitsatuniKattitaujut taimangasuanit illinattojunut nalunaittausimajunut ilukkusiliginimmut piviannatut nalunaittausimajuk Ministerimmut napvâtausimajumut inulimânut atiKapvingani taikkunangat taimangasuanit nalunaittausimajunut taikkununga SilakKijâpviligijet Canadami.
Ilitagijaugutilik Federal Taimangasuanik Illualuk
Illualuk nalunaittausimajuk imâk Ilitagijaujuk Federal Taimangasuanit Illualunnut atâgut Maligatsanut Aulatsitaujunut Sulitsiatunut Namminigijaujuk sivungagut Mai 13, 2022.

9. atuttausimajut

Maligaliatsak

IlinganiKajunut maligatsait piKutigijangit

Silatsuami Nalunaigutingit, katimatsuagutigijausimajut ammalu AngiKatigegutet

Asigiallait

Related links

Date modified :