Yatı bet’a hoghedı́ xa on the Dene nı̨ hots’ı̨ ɂası hoghedı́, Denenı̨zaze k’e hoɂą, Dok’ąne kuę tąmbąghe hola tha hots’ı̨, chu Horelyų nı̨h k’e nąne hoɂá ɂası hoghedı hoɂą

English Print this page

1. T’a dzı̨ne k’e bonı̨dher

Ku ɂedırı yatı bet’a hoghedı́ xa September 1 hulta, 2025 nęnę k’é.

Ku ɂedırı yatı bet’a hoghedı́ xa chu honezı t’a ɂası bet’oredhı walı sı ha ɂedırı Nı̨h k’e ɂası hųlı̨ hoghedı́ hoɂą Yatı bet’a hoghedı́ xa ɂeją hųlɂa sı III hulta k’e horelyų Canada nąne hoɂá nı̨h hoghedı́ hoɂą T’a begharé ɂası ghetł’el chu t’ąt’u bet’a ɂası hołé ha yatı holı̨ yé.

2. T’ą betł’esé hoɂą

Ku ɂedırı yatı bet’a hoghedı́ xa k’ı ɂedırı hulta hots’ı̨ hıłchú 4 (1) chu 12 (3) ɂeją Canada nąne hoɂá nı̨h hoghedı́ hoɂą Yatı Nedhé hots’ı̨.

3. T’a beye hųlı̨

Dene ts’ı̨ ɂasıe hųlı̨ t’a hoghedı́ k’ı́ beneredı́ hoɂą chu t’ąt’u ɂeyı hųlı̨ sı hu, bet’oredhı́ chu dene ɂeyı ɂası hųlı̨ ghą danı̨dhęn. Ku t’a ɂası beghą hoghedı́ k’ı́ ɂedırı dene ts’ı̨ ɂasıe hųlı̨ sı ɂełk’ech’a ɂa bek’anóta hoɂą t’anełt’e dene hųlı̨ begharé, ɂeyı hel ɂedų tth’ı́ hané ghonı̨. Ku t’ąt’u Boghedı Nųt’a k’ı́ t’ą yenaré naradé sı betł’esı́ hołé chu t’oho ɂedų hané hıja de horelyų ɂası hel halyé hoɂą t’a ɂełk’ech’a ɂası hųlı̨ hel. Ku ɂedırı yatı bet’a hoghedı́ xa holı̨ k’ı́ t’ąt’u yunadhé ɂası ɂeyer Dene nı̨ hots’ı̨ ɂası hoghedı beyatıé hel hoɂą ɂedı̨nı̨ bech’alanı̨ye hots’ı̨ ɂası hel, ku horelyų nąne hoɂą hots’ı̨ ɂası hel de ɂeyı tth’ı́ bel hoɂą, t’ąt’e ɂa benahónı̨ hoɂą hel. Ku ɂedırı yatı bet’a hoghedı́ xa also provides for Denenı̨zazé k’e hoɂą, tąmbąghé dok’ąnı̨ kuę holá tha hots’ı̨ and Horelyų nı̨h k’e nąne hoɂá ɂası hoghedı hoɂą.

Ku ɂedırı yatı bet’a hoghedı́ xa t’ąt’u naret’á ha nųt’ą sı ɂedırı bet’a t’oho Nąne hoɂą Truth chu Horegoth hok’enats’edé Canada Ɂedırı hołé hoɂą 79(ii) hultá k’ı́. Ku ɂedırı yatı bet’a hoghedı́ xa Canada nąne hoɂá k’oldé t’a Hok’enadé yatı ɂedırı k’enade ha United Nations nąne hoɂą t’ąt’u Denededłı̨ne Bek’anóta Yatı nedhé ɂedırı dałtsı t’ok’e losı Denededłı̨ne Haralɂa bets’edı́ ha.

Ku ɂedırı yatı bonıdhı́ hadé, Canada nąne hoɂá nı̨h hoghedı́ hoɂą ɂedırı hesúdı sı t’ąt’u nı̨h k’e yatı nedhé hoɂą k’é t’ąt’u Denededłı̨ne haralɂa bek’anota chu t’ąt’u ba hoɂąsı tth’ı́ besuhudı hoɂą t’ąt’u yunısı bel tsamba nałya yatı k’e, lımarshı nedhé holı̨ chu honezı t’a bel sehoɂą yatı yel, t’ok’e bel nı̨h hoghedı hoɂą dąlı̨ hel t’a bel yatı holı̨ yatı hel bets’edı dąlı̨ ha.

Ku ɂedırı yatı bet’a hoghedı́ xa t’a bet’a holı̨ k’ı́ t’ok’e dene nı̨ ɂası hųlı̨ yatı gharé sı. Ku ɂası t’ok’e haralɂá chu Denededłı̨ne ɂeła ɂası hołé hadé t’ą ɂeyer honaré naradé bel hoɂą t’a dene ch’alanı̨ye hoghedı Canada nąne hoɂá nı̨h hoghedı́ hoɂąsı betł’esı sı. Ku ɂedırı benahonı̨ hoɂą, ɂełk’ech’a ɂası k’enats’edé chu yeghą t’a danı̨dhęn sı hel horelyų ɂeyer honaré Dene nı̨ hots’ı̨ ɂası hoghedı yatı k’e. Ku ɂedırı yatı holı̨ k’é, horelyų dene hel hotthé behayaı̨tı, dene ha nųt’ą t’ąt’u nezų holı̨ walı sı ɂeyı yatı hel, nezų holı̨ chu dene ch’alanı̨yé t’a hoɂąsı hel ɂeyer honaré hots’ı̨.

4. T’ąt’u bet’oredhı́ ha

4.1
Ku ɂedırı yatı bet’a hoghedı́ xa ɂedırı halɂı̨h ha:
4.1.1
Dene ts’ı̨ ɂasıe hųlı̨ t’a ɂası bets’ı̨ hųlı̨sı t’ok’é ɂedırı Canada nąne hoɂá nı̨h hoghedı́ hoɂą chu t’a ɂası hųlı̨ t’a Canada nąne hoɂá nı̨h hoghedı́ hoɂą t’a dene ch’alanı̨ye ɂası hųlı̨ dene ghą nałya hutó yet’orełthı́ ha ɂeładųne bets’ęn.
4.1.2
Denenı̨zazé k’e hoɂą t’a nı̨h hųlı̨ sı Canada nąne hoɂá nı̨h hoghedı́ hoɂą yoghełnı̨ sı.
4.1.3
Tąmbąghé Dok’anı̨ kuę holá tha hots’ı̨ dųhų Canada nąne hoɂá nı̨h hoghedı́ hoɂą yoghełnı̨ sı.
4.1.4
Horelyų nı̨h k’e nąne hoɂá ɂası hoghedı hoɂą, ɂeyı nahıyé t’a Horelyų nı̨h k’e nąne hoɂá ɂası hoghedı hoɂą, Canada nąne hoɂá nı̨h hoghedı́ hoɂą yoghełnı̨ sı.
4.2
Ku ɂedırı yatı bet’a hoghedı́ xa does not apply to:
4.2.1
Dene nı̨ tth’ęne thela, denedhıye hots’ı̨ ɂasıe chu dene tth’enę thela k’é, chu t’ok’e ɂeyı ląt’e ɂası hųlı̨ sı hel.
4.3
Ku ɂedırı yatı bet’a hoghedı́ xa bek’e yatı chu t’ąt’u hołe ɂedırı hel hoɂą t’a ɂeyer honaré ɂası hoghedı yatı hel, t’ąt’u ɂası hoghedı hel chu t’a yatı bet’a hoghedı́ xa hel hoɂą ɂeją detł’ıs 9 hulta k’eyaghé. Ku ɂedırı yatı bet’a hoghedı́ xa ɂedırı hel bek’e yatı hoɂą chu t’ok’e ɂełk’ech’a tsamba nałya yatı hel chu lımarshı chu t’a Denededłı̨ne naradé bel yatı holı̨ hel.

5. Beghare ɂası hoghedı́ hoɂą

Canada nąne hoɂá nı̨h hoghedı́ hoɂą hots’ı̨ dene t’a ɂeghadalana sı ɂedırı ɂası gharé ɂası k’enadé hoɂą Dene nı̨ hots’ı̨ ɂası hoghedı k’enadé de:

5.1
Dene hel dayałtı hoɂą
5.1.1
Denededłı̨ne hel ɂeła ɂası hołé hoɂą t’ąt’u ɂası hok’ets’edé k’e t’ok’e losı Denededłı̨ne Ɂası K’enadé yatı k’é chu t’ok’e haralɂá sı hel t’ąt’u ɂası hoghedı hoɂą ɂeyer honaré chu t’a ɂası ɂełk’ech’a hųlı̨ bet’a ɂası hoghedı yatı k’e t’a ɂası bek’oją k’é.
5.1.2
Dene hel t’a ɂası k’enadé hel dayałtı hoɂą beghare hotıe ɂası hołé ha t’a Dene nı̨ hots’ı̨ ɂası hoghedı ghą.
5.2
Ɂełneredı́
5.2.1
Yatı ɂełgha t’a hoɂą begharé hotıe ɂełneredı́ ha t’ą yunı̨sı hots’ı̨ ɂası hųlı̨ hel t’a ɂeyı hųlı̨ sı bek’anota hoɂą ɂa t’a dene ts’ı̨ ɂasıe hųlı̨ t’ok’e ɂeyer honaré Denededłı̨ne bel yaghı̨tı̨ tł’ąghe beyatıe hel hoɂą ɂeyı t’ąt’é ɂeyer honaré ɂası hųlı̨ yatı hel hoɂą yunısı yatı holı̨ hel.
5.2.2
Ku ɂedırı t’a ɂełneredı́ sı bet’oredhı́ hoɂą dene ts’ı̨ ɂasıe hųlı̨ yatı k’anotá hoɂą ɂá, begharé hotıé yatı nı̨t’a ha t’ąt’u hołé ha, chu ɂeyı yatı deghare t’a dene ts’ı̨ ɂasıe hųlı̨ yatı heł.
5.3
Yunadhé t’ąt’u hekoth hoɂą
5.3.1
ku t’ąt’u ɂedırı ɂası hoghedı nųt’a hoɂą t’a ɂeyer honaré dene nı̨ ɂası hoghedı k’e horelyų ɂası hel t’a tsamba hųlı̨ chu dene yeghadalana dąlı̨ hel.

6. OBJECTIVE AND EXPECTED RESULTS

6.1
The objective of Ku ɂedırı policy is to provide direction on the Dene nı̨ hots’ı̨ ɂası hoghedı́, Denenı̨zaze k’e hoɂą, heritage lighthouses and Horelyų nı̨h k’e nąne hoɂá ɂası hoghedı hoɂą administered and cared for by Canada nąne hoɂá nı̨h hoghedı́ hoɂą.
6.2
Ku ɂedırı yatı bet’a hoghedı́ xa ɂedırı k’é nųt’a ha honı̨dhen hası̨:
6.2.1
T’a dene nı̨ hots’ı̨ t’a dene ts’ı̨ ɂası́e hųlı̨ sı hotıe boghedı́ hoɂą yuné t’ąt’u daghı̨ná nı̨sı k’anotá hoɂą dųhų dene daghena chu yunadhe dene godhé bebá.
6.2.2
Ku yuné Dene nı̨ hots’ı̨ ɂası hoghedı gharé nųt’a chu t’ok’e naraı̨dé nı̨sı chu t’ąt’u bech’alanı̨yé k’e hoɂą.
6.2.3
Canada nąne hoɂá nı̨h hoghedı́ hoɂą yatı ɂedırı t’orełɂa hoɂą t’ąt’u dene hel ɂası hołé k’e hoɂą hok’etł’a t’ok’e dene ts’ı̨ ɂası́e hųlı̨ chu Denenı̨zaze k’e hoɂą sı chu Denededłı̨ne t’ąt’u nı̨h k’e ɂası k’enadé bek’anota ha t’ok’e ɂeyı nı̨h ɂarat’ı̨ nı̨sı́ hobası́.
6.2.4
Nı̨h k’e ɂası hųlı̨ hoghedı́ hoɂą t’a ɂeyer honaré t’a yatı hųlı̨ sı hel t’ąt’u ɂası k’e nųt’a hadé t’ok’e dene nı̨ bets’ı̨ ɂası hoghedı k’e nı̨t’a hadé, chu t’ąt’u bek’enats’edé walı sı bası.
6.2.5
Denenı̨zazé k’e hoɂą t’a nı̨h hųlı̨ dųhų Canada nąne hoɂá nı̨h hoghedı́ hoɂą k’oldé de hotıe bek’e ɂesohúne ch’a hoghedı́ sı.
6.2.6
T’a Tąmbąghé dok’ąnı̨ kuę holá sı bek’onı̨ hoɂą tha hots’ı̨ dųhų Canada nąne hoɂá nı̨h hoghedı́ hoɂą betł’esı t’ąt’u ɂeyı Heritage Lighthouse Protection Yatı nedhé t’á.
6.2.7
T’a ɂasıe Nı̨h bąnı ɂası Hoghedı yatı k’é chu ɂedırı Horelyų nı̨h k’e nąne hoɂá ɂası hoghedı hoɂą yatı dąlı̨ k’e, Canada nąne hoɂá nı̨h hoghedı́ hoɂą yatı k’e boghedı́ sı dųhų chu yunadhé dene godhé hobebá.

7. Ku t’ą beba ɂası hołe hoɂą

7.1
T’ą Canada nąne hoɂá nı̨h hoghedı́ hoɂą hots’ı̨ t’ą K’oldher & Yet’ał ɂa ɂedırı hehełtsı hoɂą:
7.1.1
Ku t’a ɂası hołé hoɂą chu t’a hołé hoɂą horelyų ɂedırı yatı bet’a hoghedı́ xa hołé hoɂą hoketł’a.
7.1.2
Ku ɂedırı yatı Nı̨ɂá t’oho ɂası godhé ha nųnı̨dher de t’a ɂedırı yatı bet’a hoghedı́ xa holı̨ t’a K’oldheré Nedhé Minister bets’ęn.
7.1.3
Ku t’a hołé chu yatı godhé holı̨ de dene ha yerenı̨.
7.2
T’ą K’oldher T’ałɂa sı, Denededłı̨ne ha ɂası k’enadher chu Dene ch’alanı̨ye hoghedı ha k’oldé ɂedırı dałtsı hoɂą:
7.2.1
Dene natthe ɂası nezų dałtsı hoɂą chu yatı dene ghą ɂa bet’a hoghedı́ xa chu honezı ɂası Canada nąne hoɂá nı̨h hoghedı́ hoɂą dene bets’ęn.
7.2.2
Dene natthé ɂedırı yatı bet’a hoghedı́ xa hełtsı hel t’ąt’u ɂeyı hołé sı dene ts’ı̨ ɂası́e hųlı̨ hel hoɂą Canada nąne hoɂá nı̨h hoghedı́ hoɂą beł.
7.2.3
Dene natthé yatı nı̨ɂa chu t’ąt’u nodhı́ sı bası yek’enadé hoɂą dene ts’ı̨ ɂası́e hųlı̨, Denenı̨zazé k’e hoɂą, tąmbąghé Dok’anı̨ kuę holá tha hots’ı̨ chu Horelyų nı̨h k’e nąne hoɂá ɂası hoghedı hoɂą Canada nąne hoɂá nı̨h hoghedı́ hoɂą dųhų.
7.2.4
Dene honeltęn, t’ąt’u yek’enade chu t’a ɂası t’orełɂa hası ɂeją nı̨h k’e ɂası hųlı̨ hoghedı́ hoɂą horelyų Canada nąne hoɂá nı̨h hoghedı́ hoɂą bel nodhı ha.
7.2.5
ku ɂedırı hel hoɂą t’a dene ts’ı̨ ɂası́e hųlı̨ hel ɂedırı yatı hulta section 7.4.1 hel t’ok’e Denededłı̨ne Ɂası hoghedı Yatı hel chu ɂeyı ląt’e ɂası hel.
7.2.6
Dene hel hoketł’a yatı deɂal nı̨h k’e ɂası hųlı̨ hoghedı́ hoɂą yatı hel ɂeją
7.2.7
hulta hel t’a dene ts’ı̨ ɂası́e hųlı̨ hel ɂedırı hulta k’e section 7.4.1.
7.2.8
Ɂası hoghedı t’ąt’u ɂedırı nodhı́ sı ɂedırı yatı bet’a hoghedı́ xa k’e.
7.3
T’ą K’oldher t’ałɂa, Betł’esı ɂası ghetł’el ɂedırı hełtsı:
7.3.1
Dene natthé ɂedırı dek’elyé hoɂą t’a yatı bet’a hoghedı́ xa chu honezı ɂeyı ląt’e ɂası hel t’ok’e ɂeyı ɂası hoghedı hųlı̨ k’e bet’a t’a hołé hoɂą hełtsı ha.
7.4
Ɂeła ɂedırı hok’enadé, t’ą K’oldher t’ałɂa, Ɂası ghetł’el hobası, chu t’ą, Denededłı̨ne ghą K’oldher bąnełt’u chu Dene ch’alanı̨ye hoghedı ɂedırı hok’enahedher ba hoɂą ghonı̨:
7.4.1
Dene ha ɂası ɂęn hehedé t’ąt’u ɂedırı bek’anotá ha dene ts’ı̨ ɂası́e hųlı̨ bası chu ɂeyı yatı k’é huto ɂeładųne yatı k’e t’a hoghedı́ xa t’ą K’oldheré Nedhé Minister bets’ęn.
7.4.2
Dene ghǫɂá t’a ɂedırı ɂası ɂełotsele ts’ęn yeghą k’oldé bası ɂedırı hulta section 7.4.1 k’e t’ąt’u dene ts’ı̨ ɂası́e hųlı̨ k’anota ha yets’ęn k’oldé ha.
7.5
T’ą K’oldher T’ałɂa, Yeh chu ɂası hųlı̨ ts’ęn ɂedırı hełtsı hoɂą:
7.5.1
Ku ɂeyı ttheré theda ɂa Yeh hu kǫt’e ɂası hobası chu ɂası ghą, ɂedırı hełtsı hoɂą t’a yatı bet’a hoghedı́ xa chu t’a begharé ɂası hołe k’e chu ɂeyı ląt’e ɂası hel yegharé ɂası hoghełnı̨ ha, ɂası k’enadé chu t’ąt’u hołe hoɂą yeh hu kǫ́t’e ɂası bası.
7.5.2
T’a ɂası ts’ęn hoɂą t’ąt’u nųt’a ha ɂedırı yatı bet’a hoghedı́ xa chu ɂeyı ląt’e ɂası ɂedırı hełtsı hoɂą t’a ɂası bet’oredhı dąlı̨ hųlı̨ hel chu begharé hołe hoɂą ɂeją Canada nąne hoɂá nı̨h hoghedı́ hoɂą beba.
7.6
Ku ɂeła, t’ą K’oldher T’ałɂa, Yeh hu kǫt’e ɂası bası chu T’ą K’oldher t’ałɂa Denededłı̨ne hel ɂası hełtsı chu Dene ch’alanı̨ye hoghedı bası ɂedırı hok’enahedher hoɂą:
7.6.1
T’a begharé ɂası hołe yatı bet’a hoghedı́ xa k’e ɂası dałtsı hoɂą chu bek’esı yatı hųlı̨ k’e ɂası hołé hoɂą t’ąt’u ɂedırı ɂası chu yeh bası nanı̨ hadé.
7.7
Horelyų Canada nąne hoɂá nı̨h hoghedı́ hoɂą hots’ı̨ K’oldé t’orełɂah ɂedırı dałtsı hoɂą:
7.7.1
Canada nąne hoɂá nı̨h hoghedı́ hoɂą hots’ı̨ dene ɂedırı bası hodonełtęn hoɂą t’ąt’u nı̨h k’e ɂası hųlı̨ hoghedı́ hoɂą yatı bası.
7.8
Ku t’ą ɂełk’ech’a k’oldé sı ɂedırı dałtsı hoɂą:
7.8.1
Ɂedırı ɂası hołé hoɂą, dene nı̨ k’e ɂası hųlı̨ naré, t’a ɂası bek’e ɂedırı yatı bet’a hoghedı́ xa chu t’a ɂeyı k’e hoɂą hel t’ąt’u nodher walı sı bası t’a Dene nı̨ hots’ı̨ ɂası hoghedı naré yatı hųlı̨ k’e ɂedırı Begharé Yunısı hots’ı̨ yatı chu benahónı̨ yatı holı̨ k’e.

8. T’a yatı holı̨ ɂedırı sı

Denenı̨zazé k’e hoɂą
T’ok’e huto ɂası hulɂą huto t’ok’e dene nı̨ naraı̨dé hulɂą, nǫ́k’e hutó nǫ́yaghe ts’ęn.
Tha hots’ı̨ Yeh bek’e detł’ıs
Ku yeh tha hots’ı̨ bek’e Detł’ıs ɂedırı betł’esı sı Tsamba ts’ęn k’oldé betł’esı Yatı begharé tha hots’ı̨ Yeh boghedı ha holı̨ May 13, 2022 ts’ęn tth’ú.
Ɂası Benahónı̨ ha nųt’ą
Ku t’ats’edı k’ı t’a ɂası hųlı̨ sı t’ahú ɂą sı bek’anota ha horelyų nąne hoɂa bası t’atthe bek’anota ha nųt’ą hots’ı̨. T’ąt’e ɂa bek’anota hoɂą hobası dąlı̨ t’a yatı k’e nodher tł’ąghe de.
Ɂası boghedı́
Horelyų t’a ɂası nądą sı ɂedırı bası hoghedı hoɂą dene ch’alanı̨ye k’e hoɂą de, dok’ąnı̨ yoh chu Nı̨h bąnı̨ bek’anóta ha hoɂą de.
Dene ch’alanı̨yé t’oredhı́
Dene ts’ı̨ ɂası́e hųlı̨ ɂedırı bası bek’anóta sı yunı̨sı ɂeyer naraı̨dé bek’oją bası chu ɂeyer honaré haralɂa bası, bech’alanı̨ye chu t’ąt’u ɂası k’enaı̨de ghą.

Nı̨h k’e ɂası hųlı̨ hoghedı́ hoɂą ɂedırı hok’enadé hodorelɂı̨h t’ok’e dene nı̨ ɂası hųlı̨ ttheré halyé ɂedırı yatı k’é:
  1. Nąne hoɂá Tha hots’ı̨ ɂası k’anótá;
  2. Kǫn beschęne kuę tha hots’ı̨;
  3. Nąne hoɂa Yoh tha hots’ı̨ theɂą bek’anota ɂedırı yatı k’é Yatı begharé tha hots’ı̨ Yoh bek’anota May 13 k’e huto betł’ąghe, 2022 nęnę k’e;
  4. Tha hots’ı̨ Yeh bek’anotá; chu
  5. Bet’oredhı huto ɂeyılé yatı hųlı̨ t’a begharé ɂedırı k’anotá ɂedırı ląt’e ɂası k’anota ɂeją hulta section 7.4.1 k’e.
Tąmbąghe dek’ąnı kué bek’anota
ku ɂedırı tha hots’ı̨ yeh dok’ąnı ha chu ɂeyı ląt’e yeh hųlı̨ be ɂeją hulta 6 k’e bek’anota sı Heritage Lighthouse Protection Boghedı ha yatı nedhé hųlı̨.
Nǫ́k’e ɂası hųlı̨ ha bek’anota
Nı̨h, nǫ́hyaghé huto, tęn huto, tu Canada nąne hoɂá nı̨h hoghedı́ hoɂą betł’esı hųlı̨ de bek’anotá hu, park nedhe chu nı̨h sehenųt’ą ɂeyı ha, tu chogh tąmbąghe nı̨h senı̨t’a, huto ɂeyı k’esı nı̨h senı̨t’ą ɂeją hulta 2 k’e boghedı sı t’a Canada nąne hoɂá nı̨h hoghedı́ hoɂą Yatı Nedhé k’é.
Tha hots’ı̨ Kǫn beschęne kuę
Tha hots’ı̨ kǫn beschęne kuę ɂedırı hulta 4 k’e boghedı sı Tha hots’ı̨ Kǫn beschęne kuę hoghedı Yatı Nedhe k’é.
Tha hots’ı̨ Yeh hoghedı
Tha hots’ı̨ hu, t’ahot’ı̨ hu, bet’orı̨dher, dene ch’alanı̨ye, chu dene bası huto beye yatı ghı̨le huto tha hots’ı̨ de ɂeyı ha bek’anotá sı.

Ku tha hots’ı̨ tąmbąghe dok’ąnı kuę, t’axa bek’anota de t’ąt’e ɂe hoghı̨ɂą nı̨sı gharé bek’anota sı.

Ku tha hots’ı̨ Yoh bek’anotá de, t’axa bek’anota hadé t’ąt’e ɂa hulta sı gharé Horelyų ɂeyer honaré hadé gharé hats’edı sı.

T’a tha hots’ı̨ yeh bek’anota de t’arı̨łtı chu t’ąt’e ɂa bek’onı̨ hoɂąsı horelyų honet’ı̨ hoɂą ɂeyı yoh k’ı ku t’ą K’oldheré Nedhé Minister hanı̨dhęn gharé horelyų Canada nąne hoɂá nı̨h hoghedı́ hoɂą betł’esı.
Nąne hoɂá Yoh t’ąt’u Bek’anota
Tha hots’ı̨ y̨oh t’ąt’u bek’anota ɂedırı Yatı Nedhé k’e sı t’ąt’u Yoh hoghedı hobası ɂedırı yatı Begharé Tha hots’ı̨ Yoh hoghedı hųlı̨ k’é May 13 ts’ęn tth’ú huto betł’ąghe, 2022 nęnę k’e.

9. T’ok’e hots’ı̨ yatı hılchú

Legislation

  • Canada Nąne hoɂą Tuchogh ye ɂası hoghedı Yatı Nedhe
  • Canada Nąne hoɂá Parks hoghedı ha yatı nedhe
  • Canada nąne tu k’e Ɂası hoghedı Yatı nedhe
  • Nąne hoɂá ɂası ghetł’el ha yatı Nedhe
  • Nąne hoɂą Yoh hu Ɂası naılna ha Yatı nedhe
  • Tsamba Hoghedı ha yatı Nedhé
  • Tąmbąghe Dok’ąnı kue hoghedı ha yatı Nedhe
  • Kǫn beschęne kuę Hoghedı ha Yatı Nedhe
  • Tha hots’ı̨ Ɂası k’anota chu bek’onı̨ ha Yatı Nedhe
  • Nı̨h k’e ɂası nodhı hoghedı ha Yatı Nedhe
  • Laurier Kuę hoghedı Yatı Nedhe
  • Canada nąne hoɂá nı̨h hoghedı́ hoɂą ha Yatı Nedhe
  • Rouge National Urban Park ha Yatı Nedhe
  • Saguenay-St. Lawrence nare tu hoghedı ha Yatı Nedhe
  • United Nations nąne hoɂą Denededłı̨ne bek’anota ha Yatı Nedhe holı̨

Ɂedırı tth’ı hel yatı bet’a hoghedı́ xa hųlı̨

  • Canada t’a yatı thełtsı̨ Tsamba Nałya godhé t’ąt’u nodhı́ ha Yatı bet’a hoghedı́ xa ku ɂedırı gharé yunısı yatı chu bek’anotá ha: Nąne hoɂą Tha hots’ı̨ ɂası k’anota ha ɂedırı gharé
  • 2019 k’e nųt’ą ɂedırı yatı k’ı
  • Denededłı̨ne Ɂedeba k’oldé ɂedırı gharé
  • Inuit Hotena Nunangat Yatı bet’a hoghedı́ xa
  • Canada nąne hoɂá nı̨h hoghedı́ hoɂą Ɂası hųlı̨ bets’ęn k’olde ha
  • Canada nąne hoɂá nı̨h hoghedı́ hoɂą nı̨h k’e ɂası nodhı hadé
  • t’a begharé ɂası hołé chu yatı k’e Canada nąne hoɂą ɂeyı ląt’e ɂası hoghedı ha Canada (2010 k’e)
  • Tsamba ghetł’Board Yatı bet’a hoghedı́ xa t’ąt’u nodhı chu boghedı t’a tsamba ghetł’el sı bası

Horelyų nąne hoɂą Nı̨h k’e yatı nedhe holı̨, tsamba nałya dąlı̨ yatı k’esı

  • Yatı holı̨ Nı̨h bąnı̨ Dene ch’alanı̨ye hots’ı̨ ɂası chu nı̨h k’e ɂası hųlı̨ bası
  • United Nations horelyų nąne hoɂą Denededłı̨ne haralɂa bek’anota ha yatı nedhe holı̨

Honezı yatı hųlı̨

  • Yatı t’a begharé Dene hel ɂası hołé t’ą K’olde chu Denededłı̨ne hel
  • Yatı t’a holı̨ Dene ɂası ɂełtth’ı́ hołé chu horegoth sehenųt’a ha Canada nąne hoɂá beghą yaghı̨tı hots’ı̨
  • United Nations Yatı holı̨ t’ąt’u Denededłı̨ne bel ɂası hołé t’ąt’u nodhı́ ha

Related links

Date modified :